Maenbulɛfoɛ 18:4 - AHYERƐLƐ KRONGRON

⁴ Obuale bɛ kyɛ, Bɔ Mika ayɔ ama me ɛhe: wafa me adwuma, na me yeɛ nde ye sɔfo ɔ.”

Maenbulɛfoɛ 18:4 Iomraidhean Croise

Anyandera 28:21

Mmenia nu nyeyemuɛ ɔtte mayee, nakoso aleɛ kaaba bie po ɔkora ma sona yɔ bɔne.

Yesaya 56:11

Amba, bɛte ngyea adifuu, na bɛnze ahoyire. Bɛte mmoaenneafoɛ bɔ nimdeɛ abɔ bɛ ɔ, bɛ mukoraa bali makyebu baafa bɛ bɔbɔ b’atee so, na bɛ nu biala ɔdwene ye ngome ye yeeyɛlɛ nwo.

Hesekiel 13:19

Ɔnate ayuo bɛ sa bum kãa bie, ɔne paanoo bue kãa bie ti, ɛmɔagua me nwo fiɛ wɔ me maen nyunu. Ɛmɔlakalaka me maen bɔ okuro nnakannaka tielɛ, na ɔnate so ɛmɔku mmenia bɔ bɛmvata ewue, yeɛ ɛmɔyakyi bɛ bɔ bɛfata ewue ɔ.

Malaki 1:10

O, ɛmɔ nu nwa yeɛ ɔkɔɔtoto anoa nemɔ anu ɔ, amaa ɔnate so ɛmɔangɔ anzɔ m’afɔleɛ bokyea ne aso see mbaen. Me kunu ndwo wɔ ɛmɔ nwo, yeɛ mengole ɛmɔ sa nu afɔleɛ ne, Asafo AWURADE noa dwirɛ ɛne.

Asomafoɛ 20:33

Me nye ammoro ebiala dwetɛ anaa sikaa kɔkorɛ anaa ataadeɛ.

1 Timoteo 3:3

ɔnzɛ kyɛ ɔyɛ akɔnomnzaniɛ, ahupoo, na mmom ɔsɛ kyɛ odwo; ɔnzɛ kyɛ okuro ngondii, anaa ɔma ye nye boro sikaa.

Tito 1:11

bɔ ɔsɛ kyɛ bɛmaa bemua bɛ noa ɔ. Bɛ yeɛ mvasoɛ fiɛ ti bekyirekyire bɔ ɔnzɛ kyɛ bekyire ɔ, na bɛfa bɛsɛkye abusuafoɛ mukoraa b’adwene.

2 Petro 2:3

Na bɛ nye bɔ ɔboro nikyee ne ati, bɛkɔfa nnakannaka dwirɛ bekodidi ɛmɔ nwo. Na ofi tetetete, ndɛen bɔ babua bɛ ne ɔndwetwe ye ase, yeɛ b’asohwenɛ koso ɔndɔ ngosie.

Maenbulɛfoɛ 17:10

Yeɛ Mika sele ye kyɛ, “Tena m’awuro wa. Maa mva wɔ nyɛ me baba ne me sɔfo, na ngɔma wɔ ɛdwetɛ buru afoɛnoa biala, yeɛ ndaadeɛ ne wɔ noa aleɛ.”

Maenbulɛfoɛ 17:12

Yiti Mika hyɛle Lewiniɛ aberandeɛ ne sɔfo maa ɔɔyɛle ye sɔfo. Né ɔte Mika awuro berɛ.

Maenbulɛfoɛ 18:3

Bɛwɔ Mika awuro berɛ ne, bɛtele Lewiniɛ aberandeɛ ne komvi. Yiti bɛhɔle ye nwo berɛ beebisale ye kyɛ, “Nwa yeɛ ɔfale wɔ wale wa ɔ? Nzikyɛ yeɛ ɛyɔ ye wɔ wa ɔ? Ɛpena nzu wɔ wa?”

Maenbulɛfoɛ 18:5

Yeɛ besele ye kyɛ, “Bisa Nyameɛ ma yɛ maa yɛnwu ye sɛ atee bɔ yɛkɔ ye, okoyie yɛ yé a.”