Maenbulɛfoɛ 18:3 - AHYERƐLƐ KRONGRON

³ Bɛwɔ Mika awuro berɛ ne, bɛtele Lewiniɛ aberandeɛ ne komvi. Yiti bɛhɔle ye nwo berɛ beebisale ye kyɛ, “Nwa yeɛ ɔfale wɔ wale wa ɔ? Nzikyɛ yeɛ ɛyɔ ye wɔ wa ɔ? Ɛpena nzu wɔ wa?”

Maenbulɛfoɛ 18:3 Iomraidhean Croise

Gyenesise 27:22

Yiti Yakob hwene pingyele ɔse Yisake. Ɔfale ye sa fuafuale Yakob nwo na ɔhane kyɛ, “Komviɛ ne te Yakob komvi, nakoso asaa ne de ɔte Yisɔ sa.”

Yesaya 22:16

Wɔ, nzikyɛ yeɛ ele ye yɔ wɔ wa ɔ? Nwa yeɛ wama wɔ sɔ tumi ne ɔ, bɔ yiti apɛ asieleɛ ato berɛ ama wɔ nwo wɔ ɛwa ɔ? Wɔ bɔ apɛ w’asieleɛ ato bokaa so, ná asa apɛ wɔ daberɛ ato nyɔbotaen nu ɔ?

Mateo 26:73

Wangyɛ biala, mmenia bɔ né begyigyi berɛ ne, bɛwale beesele Petro kyɛ, “Ɔte nahorɛ, wɔ koso ɛboka bɛ so, na wɔ dwudwolɛ koraa kyire sɔ!”

Maenbulɛfoɛ 12:6

né base ye kyɛ, nzaade ka ‘Hyibolɛte’ maa yɛtie. Ɔnate kyɛ ɔngora nga ‘Hyibolɛte’ yé ne ati, ɔka ye ‘Sibolɛte’. Sɛ ɔba ye sɔ a, Gileadefoɛ kye sɔ sona ne beku ye wɔ asue Yɔɔdan apɛleɛ berɛ. Efraimfoɛ apee aburanna ne nyɔ yeɛ bɛtotɔle sɔ mmerɛ ne ɔ.

Maenbulɛfoɛ 18:2

Yiti Danfoɛ yele bɛ mmusua nemɔ anu mmienzua ahoneserɛfoɛ nnu, bɔ befi Sora ne Esetao, kyɛ bɛɛtetɛ aseɛ ne, ná bɛneanea so. Na besele bɛ kyɛ, “Ɛmɔhɔ bɛɛneanea aseɛ ne aso.” Beedwuli Mika awuro wɔ Efraim mmokaa aseɛ ne aso ne, besikyele berɛ.

Maenbulɛfoɛ 18:4

Obuale bɛ kyɛ, Bɔ Mika ayɔ ama me ɛhe: wafa me adwuma, na me yeɛ nde ye sɔfo ɔ.”