Maenbulɛfoɛ 18:2 - AHYERƐLƐ KRONGRON

² Yiti Danfoɛ yele bɛ mmusua nemɔ anu mmienzua ahoneserɛfoɛ nnu, bɔ befi Sora ne Esetao, kyɛ bɛɛtetɛ aseɛ ne, ná bɛneanea so. Na besele bɛ kyɛ, “Ɛmɔhɔ bɛɛneanea aseɛ ne aso.” Beedwuli Mika awuro wɔ Efraim mmokaa aseɛ ne aso ne, besikyele berɛ.

Maenbulɛfoɛ 18:2 Iomraidhean Croise

Gyenesise 42:9

Yosef kayele laleɛ mɔ bɔ ɔhyehyene fale bɛ nwo ne, na osele bɛ kyɛ, “Ɛmɔte maentetɛlɛfoɛ! Ɛmɔawa kyɛ ɛmɔbaaneanea maen ye anu na bɛpena nekaa bɔ yɛtɔ si ɔ.”

Anyandera 20:18

Egyina foɛtulɛ so ɛfa adwene a, odi mu, sɛ ɛbaahɔ koɛ a, gyina foɛtulɛ paa so.

Numeri 13:17

Mose somane bɛ kyɛ bɛɛtetɛ Kanaan aseɛ ne, na osele bɛ kyɛ, “Ɛmɔɔfa ngwaen dɔ aseɛ ne aso bɛfo bɛhɔ mmokaa aseɛ ne aso,

Luka 14:31

“Anaakyɛ ɛhene beni yeɛ ɔne ɛhene bie bɛkwaaho koɛ, bɔ ongoli moa ɔngɔtena ase ngɔfa ye nwo adwene, sɛ ɔkɔhora kɔfa asraafoɛ apee buru okooyia ɛhene bɔ ole asraafoɛ apee aburanyɔ ɔbaafa koɛ toa ye ne a?

Yosua 15:33

Aseɛ frɛtɛɛ ne aso nguro nemɔ ɛhe: Esetao, Sora, Asena,

Yosua 19:41

Sɔ nguro hemɔ wɔ b’aseɛ ne aso: Sora, Esetao, Yiri Semese,

Yosua 2:1

Afei Nun awa Yosua somane maentetɛlɛfoɛ nyɔ kudɛɛ fili Sitim, na osele bɛ kyɛ, “Ɛmɔhɔ bɛɛsra aseɛ ne besie, nganga Yeriko.” Yiti besili nu bɛhɔle, na bɛɛlale braa gyanderaniɛ bie bɔ oli Rahabo awuro.

Yosua 2:2

Na ebie ɔɔbɔle Yeriko hene amaneɛ kyɛ, “Yisrael mmienzua biemɔ bawa wa ɛnɛ kɔngɔen ye kyɛ bɛbaasra y’aseɛ ye besie.”

Maenbulɛfoɛ 13:2

Né biaa bie wɔ berɛ bɔ bɛfrɛ ye Manoa. Ofi Dan abusua kure nu, na ye kuro ole Sora. Né ɔye te mmotaen bɔ ɔwwole baa le ɔ.

Maenbulɛfoɛ 13:25

AWURADE Sunzum hyɛle ye bo kanyane ye wɔ Mahane Dan bɔ ɔwɔ Sora ne Esetao b’afia ne.

Maenbulɛfoɛ 16:31

Na oliɛma mmienzua mɔ ne ye abusuafoɛ amukoraa bɛɛfale ye fuin beesiele ye wɔ ye baba Manoa asieleɛ nu, wɔ Sora ne Esetao b’afia. Samson buli Yisrael maen afoɛ aburanyɔ.

Maenbulɛfoɛ 17:1

Né biaa bie wɔ berɛ bɔ bɛfrɛ ye Mika. Né ɔte Efraim mmokaa aseɛ ne aso.

Maenbulɛfoɛ 18:11

Dan abusua kure nu koɛhonɛfoɛ ɛyaa nzia bɔ betiratira akodeɛ ɔ, besili nu befili Sora ne Esetao,

Maenbulɛfoɛ 18:13

Befili berɛ ne, bɛtoale so bɛhɔle Efraim mmokaa aseɛ ne aso, na beedwuli Mika awuro.

Maenbulɛfoɛ 18:3

Bɛwɔ Mika awuro berɛ ne, bɛtele Lewiniɛ aberandeɛ ne komvi. Yiti bɛhɔle ye nwo berɛ beebisale ye kyɛ, “Nwa yeɛ ɔfale wɔ wale wa ɔ? Nzikyɛ yeɛ ɛyɔ ye wɔ wa ɔ? Ɛpena nzu wɔ wa?”

Maenbulɛfoɛ 18:8

Besale bɛ si bɛhɔle bɛ kuro ama berɛ wɔ Sora ne Esetao, na bebisale bɛ amaneɛ kyɛ, “Nekaa bɔ ɛmɔhɔle ɔ?”

Maenbulɛfoɛ 19:1

Mmerɛ bɔ né ɛhene biala nne Yisrael nen, né Lewiniɛ bie te namue bie anu bɔ ɔwɔ dedeede wɔ Efraim mmokaa aseɛ ne aso. Ɔɔfale sómaa wɔ Betlehem bɔ ɔwɔ Yuda.

Maenbulɛfoɛ 19:18

Lewiniɛ ne buale ye kyɛ, “Yɛfi Betlehem bɔ ɔwɔ Yuda, na yɛsẽ yɛkɔ namue bie bɔ ɔwɔ dedeede anu wɔ Efraim mmokaa aseɛ ne aso. Berɛ yeɛ mvi ɔ. Ngɔle Betlehem bɔ ɔwɔ Yuda, na mesa mekɔ AWURADE awuro. Nakoso ebiala ɔmmane me nekaa maa nnzikyele.