Maenbulɛfoɛ 18:18 - AHYERƐLƐ KRONGRON

¹⁸ Mmienzua nnu ne hɔle Mika awuro berɛ bɛɛsesale buralɛ amoen ne, ɔsɔfo ataadeɛ ne ɔne abusua amoen nemɔ nen, ɔsɔfo ne bisale bɛ kyɛ, “Na nzikyɛ yeɛ ɛmɔyɔ ye?”

Maenbulɛfoɛ 18:18 Iomraidhean Croise

Yesaya 46:2

Bɛkoto, bɛbɔ nu bɛbɔ bɛ ti ase, amoen nemɔ bɔ basoa ne, bɛ bɛngora bɛmbepɛ benne bɛ nwo, na bahye bɛ bɔbɔ nnure bafa bɛ bahɔ.

Hesekiel 21:21

Ofikyɛ Babilɔn hene waagyina ngwandaa ne aso, nekaa bɔ atee nyɔ nemɔ beyia ne, kyɛ ɔkɔ abisa. Ɔnwaha agyaen, obisa abusua amoen ne, na ɔnea brɛboɛ mɔ nu.

Lewitikɔso 26:1

“Nnɛma ɛmɔyɔ mmosoen, yeɛ nnɛma ɛmɔgyina amoen bɔ base anaakyɛ bonima biala bɛma bɛ nwo; nnɛma ɛmɔfa nyɔboɛ bɔ ɛmɔali so adwii bɛpenapena ɛmɔ aseɛ so bɛsɔne bɛ, ofikyɛ me ole AWURADE ɛmɔ Nyameɛ.

Maenbulɛfoɛ 18:17

mmienzua nnu bɔ bɛɛtetɛle aseɛ ne, bɛhɔle awuro berɛ bɛɛsesale buralɛ amoen ne, ɔsɔfo ataadeɛ ne ɔne abusua amoen nemɔ. Né ɔsɔfo ne, ɔne mmienzua ɛyaa nzia bɔ betiratira akodeɛ ne, begyigyi pambim ne anoa nu berɛ.

Maenbulɛfoɛ 18:19

Bebuale ye kyɛ, “Mua wɔ noa! Ka wɔ noa ne to nu di yɛ si, na maa yɛfa wɔ yɛyɛ yɛ baba ne yɛ sɔfo. Kyɛ ɛkɔyɛ sona horɛ awuro sɔfo, ɔne kyɛ ɛkɔyɛ abusua kure ne abusua sɔfo wɔ Yisrael ɔ, beni yeɛ ɔte paa ma wɔ ɔ?”