Maenbulɛfoɛ 18:10 - AHYERƐLƐ KRONGRON

¹⁰ Sɛ ɛmɔkɔ dwu berɛ a, ɛmɔkɔɔto mmenia bie bɔ bɛndwene kyɛ edwirɛ tɛɛ bie po kɔto bɛ ɔ. Aseɛ ne terɛ, na wiase wa nikyee biala nhia bɛ wɔ berɛ. Aseɛ ne, Nyameɛ afa awura ɛmɔ sa.”

Maenbulɛfoɛ 18:10 Iomraidhean Croise

Ɛksadɔso 3:8

Na madwu mawa ase kyɛ mebaale bɛ mefi Misraimfoɛ sa nu, ná meye bɛ mefi sɔ aseɛ ne aso mekɔ aseɛ paa bɔ ɔtrɛ ɔ so, aseɛ bɔ nyɔfonesue ne woɛ tengyɛ wɔ so ne: Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ maen ne.

Hesekiel 20:6

Na sɔ kyẽa ne, ndale ndaen ngyirele bɛ kyɛ ngɔye bɛ ngofi Misraim aseɛ so ngɔfa bɛ ngɔhɔ aseɛ bɔ mapena mato berɛ mama bɛ ne aso, aseɛ bɔ nyɔfonesue ne woɛ tengyɛ wɔ so, aseɛ bɔ ɔyɛ nyemene tra aseɛ biala ne.

Deuteronomi 2:29

kyɛbɔ Yisɔ bosofoɛ bɔ bɛte Sɛre, ɔne Moabofoɛ bɔ bɛte Are yɔ mane me ne ala, kɔpem kyɛ ngɔpɛ asue Yɔɔdan ngɔhɔ aseɛ bɔ AWURADE yɛ Nyameɛ ɔ́fa ma yɛ ne aso ɔ.’

Deuteronomi 4:1

“Afei Yisrael, tie ahyɛdeɛ ne nhyehyɛleɛ bɔ mekyirekyire ɛmɔ kyɛ ɛmɔli so ne, amaa ɔnate so ɛmɔanya ngoa, ná ɛmɔahɔ baafa aseɛ bɔ AWURADE ɛmɔ nana mɔ Nyameɛ ɔ́fa ma ɛmɔ ne.

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.

Yosua 2:23

Afei Yisraelfoɛ nyɔ ne sá torotorole mmokaa aseɛ ne bedwuli ase. Bɛpɛle asue ne, na bɛwale Nun awa Yosua berɛ bɛɛfale b’amaneɛ mukoraati bɛbɔle ye.

Yosua 2:24

Na besele Yosua kyɛ, “Amba, AWURADE afa aseɛ ne amukoraa wawura yɛ sa. Ɔnate yɛ ti ahunundetelɛ atɔ aseɛ ne aso ama mukoraati so dada.”

Yosua 6:16

Ye pɛen nzoo ne aso, bɔ asɔfo nemɔ huli totorobɛndo nemɔ nen, Yosua sele mmenia ne kyɛ, “Ɛ́mɔbɔ ese, ofikyɛ AWURADE afa kuro ne wawura ɛmɔ sa.

Maenbulɛfoɛ 18:11

Dan abusua kure nu koɛhonɛfoɛ ɛyaa nzia bɔ betiratira akodeɛ ɔ, besili nu befili Sora ne Esetao,

Maenbulɛfoɛ 18:27

Danfoɛ fale Mika amoen bɔ wayɔ ne, yeɛ ye sɔfo ne. Bɛhɔle Layise, na bɛɛtole mmenia bie bɔ né bɛndwene kyɛ edwirɛ tɛɛ bie kɔto bɛ ɔ. Behuhuni bɛ, na bɛyerale kuro ne.

Maenbulɛfoɛ 18:7

Mmienzua nnu ne toale b’ateetulɛ ne aso, na beedwuli Layise ne, benwuni kyɛ berɛ ama te berɛ asomdwee nu kyɛ Sidonfoɛ nemɔ ala, bɔ bɛndwene kyɛ edwirɛ tɛɛ bie kɔto bɛ ɔ. Né banya bɛ nwo tam bɔ hwee nhia bɛ ɔ. Afei koso né bembingye Sidonfoɛ koraa, yeɛ né bɛ ne Siriafoɛ koso belle hwee bɛnyɔ.

Maenbulɛfoɛ 18:9

Bebuale kyɛ, “Ɛ́mɔdwɔso, ɛ́mɔma yɛfa koɛ yɛɛteta bɛ, ofikyɛ yanwu aseɛ ne, na ɔte paa paa. Ɛmɔnwondɛ nzu? Nnɛma ɛmɔtwetwe ɛmɔ gya bo ase, na mmom ɛmɔhɔ aseɛ ne aso bɛɛfa.