Maenbulɛfoɛ 17:5 - AHYERƐLƐ KRONGRON

⁵ Sɔ biaa Mika he, né ole amoen asɔneyɛɛ. Ɔpale ɔsɔfo ataadeɛ, na ɔyɔle abusua amoen. Ɔhyɛle ɔwa bienzua ko sɔfo maa ɔyɛle ye sɔfo.

Maenbulɛfoɛ 17:5 Iomraidhean Croise

Gyenesise 31:19

Né Laban ahɔ kyɛ ɔkwaapepɛ ye mmoaen nwo nwiaa, na Rahɛl wuale ɔse awuro mmosoen.

Gyenesise 31:30

Kekesaala ye de, wɔ wora adɔ ɛse awuro ti yeɛ ɛkɔ ɔ, na nzu ati yeɛ ewuale me mmosoen ɔ?”

1 Ahemvo 12:31

Yeroboam sisili sua wɔ asɔneyɛɛ nemɔ aso, na ɔneane maen ne anu yeyele kwahweabaa biemɔ bɔ nna Lewifoɛ ahɔ ɔ hyɛle bɛ sɔfo.

1 Ahemvo 12:32

Aluolue bɔ né bedi ye wɔ Yuda wɔ bosome mmɔtwɛ ne anu, ye kyẽa bɔ ɔtɔ so buru ne nnu ne, Yeroboam hyehyɛle sɔ aluolue ne bie. Na ɔbobɔle afɔleɛ wɔ afɔleɛ bokyea so. Sɔ ala yeɛ ɔyɔle ye wɔ Betel ɔ, na ɔbɔle afɔleɛ mane nandwie mmaa bɔ wayɔ nemɔ. Na asɔneyɛɛ sua bɔ osisili ne, bɛ sɔfo nemɔ, ɔmaa bɛtenane Betel.

Ɛsra 1:7

Na AWURADE awuro berɛ nningyein bɔ Nebukadenesa ɔɔsesa fili Yerusalem wale, bɔ ɔɔfa guale ye nyameɛ mɔ bɛ sua nu ne, Nana Karose yeye wale.

Ɛksadɔso 24:5

Afei ɔsomane Yisrael mmerandeɛ, na bɛfale nandwie bɛɛbɔle naen yeralɛ afɔleɛ ne asomdwee afɔleɛ bɛmane AWURADE.

Ɛksadɔso 28:15

“Pa ahone so ndɛenbualɛ aguasoɛ. Maa beli adwii bɛyɔ. Yɔ ye kyɛbɔ ɛkɔyɔ ɔsɔfo ataadeɛ ne ala: fa sikaa kɔkorɛ, bibire, koogyan, adaabene ne gyese yeɛ nwo ɔ.

Ɛksadɔso 28:4

Ndaadeɛ bɔ ɔsɛ kyɛ bɛpomba nemɔ ɛhe: ahone so aguasoɛ, ɔsɔfo ataadeɛ, ataadeɛ tendenn, aguasoɛ bɔ banwo nningyein bagua nu ɔ, yeɛ abotire ne abɔsoɛ. Ɔsɛ kyɛ bɛpomba ndaadeɛ krongron hemɔ bɛma eliɛma Aarɔn ne ye mma mmienzua nemɔ, maa bedi sɔfo bɛso me.

Ɛksadɔso 29:9

Fa abɔsoɛ bobɔ Aarɔn ne ye mma mmienzua nemɔ nu, ná fa kyerɛ wurawura bɛ. Na ɔnate ahyɛdeɛ afebɔɔ so, ɔsɔfolilɛ kɔyɛ b’adwuma. Sɔ yeɛ hyɛ Aarɔn ne ye mma mmienzua mɔ sɔfo ɔ.

Yesaya 44:13

Bakaa dwumvoɛ fa nyamaa susu bakaa kundunzii, ɔfa pɛnzere sesãsesã bakaa ne anwo, ɔfa buralɛ odi adwii ose bakaa ne, ɔfa asusudeɛ susu, na ose maa osoma sona, maa ɔyɛ nyemene kyɛ sona, kyɛ ogyina ye wɔ awuro.

Hesekiel 21:21

Ofikyɛ Babilɔn hene waagyina ngwandaa ne aso, nekaa bɔ atee nyɔ nemɔ beyia ne, kyɛ ɔkɔ abisa. Ɔnwaha agyaen, obisa abusua amoen ne, na ɔnea brɛboɛ mɔ nu.

Hesekiel 21:26

na AWURADE Nyameɛ nwa nyoo: Tu abotire ne, tu ɛhene abotire ne, na dibea ne ngɔyɛ kyɛ ye daa ne ala. Ma awiɛmvoɛ ne aso, ná brɛ anwomasoɛniɛ ne ase.

Hosea 3:4

Ofikyɛ Yisraelfoɛ kɔtena mmerɛ tendenn bɔ belle hene, bɔ belle dehyeɛ, bɔ bɛmmɔ afɔleɛ, bɔ belle amoen, bɔ belle asɔfo ataadeɛ ne abusua amoen ɔ,

Hosea 8:14

Ofikyɛ Yisrael wora afi (Nyameɛ) bɔ ɔbɔle ye ɔ, wasisi asɔneyɛɛ sua mɔ; Yuda akyekye nguro pee bɔ bato bɛ nwo fasue ɔ, nakoso ngɔtɔ see ngogua ye nguro nemɔ aso, na ɔkɔyera ye anwoserɛ afealeɛ nemɔ.

Numeri 3:10

Tu Aarɔn ne ye mma mmienzua mɔ sie berɛ, na bɛ yeɛ odi kyɛ bɛyɔ sɔfo adwuma ne ɔ. Sɛ ebie mbaen kɔ ɔsɔfo adwuma ne anwo a, odi kyɛ beku ye.”

Hebrifoɛ 5:4

Ebiala ngora mva sɔ dibea ne ndo ye nwo so, na mmom sana Nyameɛ afrɛ ye kyɛbɔ ɔfrɛle Aarɔn nen.

Maenbulɛfoɛ 17:4

Na osa fale ɛdwetɛ ne mane ye maame ne, braa ne yele nu ɛyaa nyɔ mane ɛdwetɛ dwumvoɛ maa ohurole ye yɔle buralɛ amoen. Né amoen ne gyi Mika awuro.

Maenbulɛfoɛ 18:14

Yeɛ mmienzua nnu bɔ bɛɛtetɛle Layise aseɛ ne, besele bɛ mmango nemɔ kyɛ, “Aso ɛmɔse kyɛ ɔsɔfo ataadeɛ, abusua amoen, ɔne buralɛ amoen wɔ sua hemɔ anu ɔ? Bɔ odi kyɛ ɛmɔyɔ ne, nna ebie yeɛ ɔbaahyire ɛmɔ ɔ.”

Maenbulɛfoɛ 18:24

Na Mika buale kyɛ, “Ɛmɔasesa me mmosoen bɔ mayɔ ɔ ɔne me sɔfo bahɔ, na beni yeɛ waha me sa nu ɔ? Nzu ati yeɛ ɛmɔbisa me kyɛ, ‘Nzikyɛ dwirɛ’ ahɔ ɔ?’ ”

Maenbulɛfoɛ 18:30

Afei Danfoɛ gyinane amoen ne bɛsɔnene ye. Yonatan bɔ ɔse ole Gɛsɔm bɔ ɔse ole Mose ne, ɔne ye mma mɔ yeɛ né bɛte Dan abusua kure asɔfo kɔpem kyɛ ebiemɔ bɛɛhyele Danfoɛ nnure bɛhɔle ɔ.

Maenbulɛfoɛ 8:27

Gideon fa yɔle amoen bɔ ɔte kyɛ ɔsɔfo ataadeɛ, na ɔsɔle amoen ne wɔ ye kuro Ofra. Yisrael maen amukoraa sɔnene amoen ne, na ɔɔyɛle ngaen mane Gideon ne ye abusuafoɛ.

1 Samuel 19:13

Mikal fale abaduaba dedale ye wɔ mba ne aso, ɔfale abɔngye nwiaa tole abaduaba ne ti dɔ yɛle sumu, na ɔfale ɛtena gurɔle ye nwo.

1 Samuel 23:6

Mmerɛ bɔ né Ahimɛlɛke awa Abiata ɔnwati kɔ Dawide berɛ wɔ Keila nen, ɔfale ɔsɔfo ataadeɛ ne hɔle.