Maenbulɛfoɛ 17:4 - AHYERƐLƐ KRONGRON

⁴ Na osa fale ɛdwetɛ ne mane ye maame ne, braa ne yele nu ɛyaa nyɔ mane ɛdwetɛ dwumvoɛ maa ohurole ye yɔle buralɛ amoen. Né amoen ne gyi Mika awuro.

Maenbulɛfoɛ 17:4 Iomraidhean Croise

Yesaya 30:22

Na w’amoen mɔ bɔ bafa ɛdwetɛ baboro bɛ nwo, ɔne bɔ bafa sikaa kɔkorɛ baboro bɛ nwo ne, ɛkɔfa efiɛ kɔhã bɛ, ekofindi bɛ kogua kyɛ manzaa asiaa, na ekose bɛ kyɛ, “Ɛ́mɔfi me so bɛhɔ!”

Yesaya 44:13

Bakaa dwumvoɛ fa nyamaa susu bakaa kundunzii, ɔfa pɛnzere sesãsesã bakaa ne anwo, ɔfa buralɛ odi adwii ose bakaa ne, ɔfa asusudeɛ susu, na ose maa osoma sona, maa ɔyɛ nyemene kyɛ sona, kyɛ ogyina ye wɔ awuro.

Habakuku 2:18

Amoen bɔ adwiililɛniɛ wase ne, nzikyɛ mvasoɛ yeɛ ɔwɔ so ɔ? Amoen bɔ bahuro nikyee bafa bayɔ ɔ, bɔ okyirekyire nnakannaka ɔ; adwiililɛniɛ ne, ɔfa ye wora owura ye bɔbɔ ye adwii bɔ wali, bɔ ɔte emumu amoen ne anu.

Deuteronomi 27:15

“ ‘Musue to sona biala bɔ ɔkɔyɔ amoen anaa okohuro nikyee kɔyɔ amoen ɔ: AWURADE akyiwadeɛ biala, bɔ ɔte dwumvoɛ sa noa adwuma, bɔ ɔkɔfa kosie mvealeɛ nu kɔsɔne ye ɔ’. Na mmenia ne amukoraa kosuro so kyɛ, ‘Amen!’

Maenbulɛfoɛ 17:3

Yeɛ Mika sa fale ɛdwetɛ apee ko ɛyaa ko ne brɛle ye maame; na ye maame sele kyɛ, “Ngyi mma ye gya nu yeɛ métu ɛdwetɛ ne mesie berɛ mema AWURADE ɔ, kyɛ béhuro ye bɛ́fa bɛ́yɔ buralɛ amoen.”

Maenbulɛfoɛ 17:5

Sɔ biaa Mika he, né ole amoen asɔneyɛɛ. Ɔpale ɔsɔfo ataadeɛ, na ɔyɔle abusua amoen. Ɔhyɛle ɔwa bienzua ko sɔfo maa ɔyɛle ye sɔfo.

Maenbulɛfoɛ 18:17

mmienzua nnu bɔ bɛɛtetɛle aseɛ ne, bɛhɔle awuro berɛ bɛɛsesale buralɛ amoen ne, ɔsɔfo ataadeɛ ne ɔne abusua amoen nemɔ. Né ɔsɔfo ne, ɔne mmienzua ɛyaa nzia bɔ betiratira akodeɛ ne, begyigyi pambim ne anoa nu berɛ.