Maenbulɛfoɛ 17:3 - AHYERƐLƐ KRONGRON

³ Yeɛ Mika sa fale ɛdwetɛ apee ko ɛyaa ko ne brɛle ye maame; na ye maame sele kyɛ, “Ngyi mma ye gya nu yeɛ métu ɛdwetɛ ne mesie berɛ mema AWURADE ɔ, kyɛ béhuro ye bɛ́fa bɛ́yɔ buralɛ amoen.”

Maenbulɛfoɛ 17:3 Iomraidhean Croise

2 Aberɛso Dwirɛ 33:7

Amoen bɔ osele ne, ɔfa ɔɔpenane Nyameɛ awuro berɛ; awuro bɔ Nyameɛ hane ye nwo dwirɛ hyirele Dawide ne ɔwa Solomon kyɛ, “Sɔ awuro he, yeɛ Yerusalem bɔ maneanea Yisrael mmusua kure amukoraa nu matu masie berɛ ne, nu yeɛ ngɔmaa bɛkɔsɔne me dumaa afebɔɔ ɔ.

Ɛksadɔso 20:23

Nnɛma ɛmɔfa ɛdwetɛ bɛyɛ nyameɛ foforɛ mɔ bɛboka me so, anaa sikaa kɔkorɛ bɛyɛ nyameɛ foforɛ mɔ bɛfa.

Ɛksadɔso 20:4

“Nnɛyɔ amoen biala ɛso ye, anaa nikyee biala bɔ ye sue te kyɛ ewienu anwuro anwuro nikye, anaa aseɛ so nikye, anaa aseɛ bo dɔ nzue nu nikye.

Ɛksadɔso 34:17

“Nnɛhuro nikyee biala fa yɔ bosoen sɔne ye.

Yesaya 30:22

Na w’amoen mɔ bɔ bafa ɛdwetɛ baboro bɛ nwo, ɔne bɔ bafa sikaa kɔkorɛ baboro bɛ nwo ne, ɛkɔfa efiɛ kɔhã bɛ, ekofindi bɛ kogua kyɛ manzaa asiaa, na ekose bɛ kyɛ, “Ɛ́mɔfi me so bɛhɔ!”

Yesaya 66:3

“Sona bɔ oku nandwie ne, ɔte kyɛ bɔ oku mmenia ɔ ala, bɔ ɔfa boaen bɔ afɔleɛ ne, ɔte kyɛ bɔ obu kyea kɔme anu ɔ, bɔ ɔbɔ aburoo afɔleɛ ne, ɔte kyɛ bɔ ɔfa prako mogya bɔ afɔleɛ ɔ, bɔ ɔyera ɛyɛɛ ne, ɔte kyɛ sona bɔ ɔsɔ amoen ɔ. Bɛ de, bali bɛ bɔbɔ bɛ ti piri, na b’akyiwadeɛ nemɔ yeɛ bɛ kra nye gye ye nwo ɔ.

Yeremia 10:8

Bɛ mukoraa bagyimi, yeɛ bɛte ngwaseafoɛ; mmosoen mɔ ngyerɛkyerɛ te mbaen.

Lewitikɔso 19:4

Nnɛma ɛmɔdi mmosoen si, yeɛ nnɛma ɛmɔhuro nikyee biala bɛfa bɛyɔ amoen biala bɛfa: Me ole AWURADE ɛmɔ Nyameɛ.

Yohane 16:2

Bekotu ɛmɔ bekofi nyianu sua mɔ nu. Ye po mmerɛ bie ɔ́ba, bɔ ebiala bɔ okohũ ɛmɔ ne, ɔkɔdwene kyɛ ɔyɔ sɔ fa so Nyameɛ.

Deuteronomi 12:3

Ɛ́mɔdwiri b’afɔleɛ bokyea nemɔ bégua, ɛ́mɔbubu bɛ bonima nemɔ nu, ná ɛ́mɔfa see bɛ́yera bosoen Asera dosii nemɔ. Ɛ́mɔpepɛ amoen mɔ bɔ bafa bayɛ bɛ nyameɛ ne begua, ná ɛ́mɔkyikyi bɛ dumaa béfi porɛ ne anu berɛ.

Deuteronomi 27:15

“ ‘Musue to sona biala bɔ ɔkɔyɔ amoen anaa okohuro nikyee kɔyɔ amoen ɔ: AWURADE akyiwadeɛ biala, bɔ ɔte dwumvoɛ sa noa adwuma, bɔ ɔkɔfa kosie mvealeɛ nu kɔsɔne ye ɔ’. Na mmenia ne amukoraa kosuro so kyɛ, ‘Amen!’

Maenbulɛfoɛ 17:13

Na Mika sele kyɛ, “Afei de, mese kyɛ AWURADE kɔmaa okoyie me yé, ofikyɛ manya Lewiniɛ maa waayɛ me sɔfo.”

Maenbulɛfoɛ 17:2

Osele oni kyɛ, “Ɛdwetɛ apee ko ɛyaa ko bɔ ebie wuale fili wɔ berɛ, bɔ ɛwale ye nwo amoen maa me bɔbɔ ndele me so anu ne, sɔ ɛdwetɛ ne, ɔwɔ me berɛ. Me yeɛ mvale ɔ, nakoso afei de ngosa ngɔfa ngɔma wɔ.” Na ye maame sele kyɛ, “AWURADE, yira mma ye!”

Maenbulɛfoɛ 17:4

Na osa fale ɛdwetɛ ne mane ye maame ne, braa ne yele nu ɛyaa nyɔ mane ɛdwetɛ dwumvoɛ maa ohurole ye yɔle buralɛ amoen. Né amoen ne gyi Mika awuro.

Maenbulɛfoɛ 18:30

Afei Danfoɛ gyinane amoen ne bɛsɔnene ye. Yonatan bɔ ɔse ole Gɛsɔm bɔ ɔse ole Mose ne, ɔne ye mma mɔ yeɛ né bɛte Dan abusua kure asɔfo kɔpem kyɛ ebiemɔ bɛɛhyele Danfoɛ nnure bɛhɔle ɔ.

Maenbulɛfoɛ 18:5

Yeɛ besele ye kyɛ, “Bisa Nyameɛ ma yɛ maa yɛnwu ye sɛ atee bɔ yɛkɔ ye, okoyie yɛ yé a.”