Maenbulɛfoɛ 17:2 - AHYERƐLƐ KRONGRON

² Osele oni kyɛ, “Ɛdwetɛ apee ko ɛyaa ko bɔ ebie wuale fili wɔ berɛ, bɔ ɛwale ye nwo amoen maa me bɔbɔ ndele me so anu ne, sɔ ɛdwetɛ ne, ɔwɔ me berɛ. Me yeɛ mvale ɔ, nakoso afei de ngosa ngɔfa ngɔma wɔ.” Na ye maame sele kyɛ, “AWURADE, yira mma ye!”

Maenbulɛfoɛ 17:2 Iomraidhean Croise

Gyenesise 14:19

Oyirale ye kyɛ, “Anwuro Anwuro Nyameɛ, bɔ ɔbɔle anwuro ne aseɛ ne, óyira Abram;

Nehemia 13:25

Na ndwili bɛ nyunu nnomale bɛ, mmole bɛ nu biemɔ ndutuli bɛ ti nwiaa, na mmaa bɛfale Nyameɛ dumaa bɛtale ndaen kyɛ, “Nnɛma ɛmɔfa ɛmɔ mma mmrasua nemɔ bɛma bɛ mma mmienzua nemɔ agyaa, yeɛ nnɛma ɛmɔde bɛ mma mmrasua nemɔ agyaa bɛma ɛmɔ mma mmienzua, yeɛ ɛmɔ bɔbɔ koso nnɛma ɛmɔgyigya bɛ.

Edwein 10:3

Ofikyɛ bɔnefoɛ bɛfa bɔ ɔla b’ahone nwo bɛhoahoa bɛ nwo, yeɛ adifuuniɛ ɔnoma AWURADE odwudwo otia ye.

Ɛksadɔso 20:7

“Nnɛbɔ AWURADE wɔ Nyameɛ dumaa mbaen mbaen; ofikyɛ ebiala bɔ ɔkɔbɔ AWURADE dumaa mbaen mbaen ne, ɔngɔma ɔngɔfa ye nwo ngoli tɔtorɔtɔɔ.

Anyandera 28:24

Ebiala bɔ owua ɔse ne oni, ná ose kyɛ, “Ɛhe de, nna mmeraatolɛ ɔ” ahɔ ne, obiɛngo ole awerɔm awueniɛ.

Yeremia 48:10

Ebiala bɔ ɔnde ye nye nyɔ AWURADE adwuma ne, ɛnomalɛ bra ye so, na ebiala bɔ ɔtwe ye ngrandɛ sa, bɔ ɔmva nga mogya ngua ne, ɛnomalɛ bra ye so.

Mateo 26:74

Na Petro hyɛle ye bo lili amoen tale ndaen kyɛ, “Biaa ne, menze ye oo!” Na berɛ ne ala, akɔ bɔle.

Romanfoɛ 9:3

Ɔhale me ngome a, ahaa mayɛ abusudeɛ sona maa mahwere Kristo, ɔnate ngoalelɛ bɔ m’anwoɔnaen nu aliɛmaa mɔ bɔ bɛte abusuafoɛ ne bekonya ye ne ati.

1 Korintofoɛ 16:22

Sɛ ebie nguro Awurade Yesu Kristo dwirɛ a, musue to ye! Y’Awurade bra! (Maranata).

Deuteronomi 27:16

“ ‘Musue tó sona biala bɔ onni ɔse ne oni ni ɔ.’ Na mmenia ne amukoraa kosuro so kyɛ, ‘Amen!’

2 Yohane 1:11

Ofikyɛ ebiala bɔ ɔyɛ ye akwaaba ne, ɔyɔ ye yɔleɛ tɛɛ ne bie.

Maenbulɛfoɛ 17:1

Né biaa bie wɔ berɛ bɔ bɛfrɛ ye Mika. Né ɔte Efraim mmokaa aseɛ ne aso.

Maenbulɛfoɛ 17:3

Yeɛ Mika sa fale ɛdwetɛ apee ko ɛyaa ko ne brɛle ye maame; na ye maame sele kyɛ, “Ngyi mma ye gya nu yeɛ métu ɛdwetɛ ne mesie berɛ mema AWURADE ɔ, kyɛ béhuro ye bɛ́fa bɛ́yɔ buralɛ amoen.”

Maenbulɛfoɛ 5:23

AWURADE abɔfo nwa: Ɛ́mɔnoma Merose, ɛ́mɔnoma nu ama paa, ofikyɛ bamma ammoka AWURADE, bamma ammoka AWURADE maa wango wandia anwoserɛfoɛ nemɔ.

Rutu 3:10

Na Boase sele ye kyɛ, “Mma, AWURADE yira wɔ. Nahorɛ bɔ ali ye kekesaala ye ne, ɔtra nahorɛ bɔ ali moa ali ama wɔ sia ne. Ofikyɛ angɔanni mmerandeɛ mɔ si: kyɛ ehianiɛ oo, kyɛ sikaniɛ oo.

1 Samuel 14:24

Yisraelfoɛ lili amia sɔ kyẽa ne, ofikyɛ Sɔɔlo tale ndaen guale koɛhonɛfoɛ nemɔ so kyɛ, “Ofi bekye bɔ ɔkwaadwu nɔsoa, kyɛ oodwu kyɛ ngɔtɔ me pɔfoɛ mɔ so wereɛ ne, ebiala bɔ okodidi ne, musue to ye.” Yiti koɛhonɛfoɛ nemɔ anu biala wamva aleɛ wanga ye noa.

1 Samuel 14:28

Na koɛhonɛfoɛ nemɔ anu ko sele kyɛ, “Wɔ baba tale ndaen guale koɛhonɛfoɛ nemɔ aso kyɛ, ‘Musue to sona biala bɔ okodidi ɛnɛ ɔ.’ Ye sɔ ne ati, ɛhɔen apɛ koɛhonɛfoɛ nemɔ.”

1 Samuel 15:13

Na Samuel dwuli Sɔɔlo nwo berɛ ne, Sɔɔlo sele ye kyɛ, “AWURADE yira wɔ oo! Bɔ AWURADE hyɛle me kyɛ nyɔ ne, mayɔ.”

1 Samuel 23:21

Na Sɔɔlo buale kyɛ, “AWURADE yira ɛmɔ kyɛ ɛmɔanwu me anwumvoin ɔ!

1 Samuel 26:19

Nana, me mene, tie wɔ somvoɛ noa dwirɛ. Sɛ AWURADE yeɛ wamaa atu me anyeɛ a, ye de mesrɛ kyɛ ole afɔleɛ ná ɔyakyi. Nakoso sɛ kuro mmenia ahɔ de a, ye de AWURADE tua bɛ kerɛ, ofikyɛ ɛnɛ bafoa me bafi AWURADE agyapadeɛ ne anwo bɔ mengonya bie ɔ. Na bɛnwa: ‘Kɔso nyameɛ foforɛ biemɔ.’