Maenbulɛfoɛ 16:4 - AHYERƐLƐ KRONGRON

⁴ Ɛhe asi ne, oohurole braa bie bɔ ye kuro wɔ Soreke bɔnza ne anu ɔ. Bɛfrɛ ye Delila.

Maenbulɛfoɛ 16:4 Iomraidhean Croise

1 Ahemvo 11:1

Nana Solomon hurole maen maen foforɛ mɔ so mmrasua pee bokale Faro awa brasua ne aso. Mmrasua nemɔ te Moabofoɛ, Amonfoɛ, Edomfoɛ, Sidonfoɛ ne Hitifoɛ.

Nehemia 13:26

Yisrael hene Solomon, aso nna sɔ mmrasua hemɔ anwo yeɛ ɔyɔle bɔne ne? Amaen maen ahoroɔ nu, né ɛhene biala nne berɛ bɔ ɔte kyɛ ye ɔ. Né ye Nyameɛ kuro ye dwirɛ, na Nyameɛ fale ye siele Yisrael amukoraa so hene. Nakoso amanvrafoɛ mmrasua maa ɔyɔle bɔne.

Anyandera 22:14

Nyanzoen brasua noa dwirɛ te kumaa kuronn, bienzua bɔ AWURADE afɛ ye so yaa ne, ɔtɔ nu.

Anyandera 23:27

Ɔnate kyɛ brasua gyanderaniɛ te kumaa kuronn, yeɛ brasua sanzaniɛ te abura bɔtɔfee.

Anyandera 26:11

Kyɛbɔ kyea fe a osa kodi ne, sɔ ala yeɛ kwaseaa osa kɔyɔ ngwaseade ɔ.

Anyandera 27:22

Sɛ ɛfa dwɔmaa si kwaseaa ɛfra aburoo wɔ duwaa nu po a, ye gyiminɛ ne ngofi ye nu ngotu.

1 Korintofoɛ 10:6

Na ɛhemɔ te kɔkɔbɔlɛ ma yɛ, amaa yanni bɔne si kyɛbɔ belili ne.

Maenbulɛfoɛ 16:3

Nakoso Samson lale berɛ maa bebuli aleɛ nu. Bebuli aleɛ nu ne, odwɔsole, na kuro ne pambim anoa nemɔ, ye bonima nyɔ nemɔ, ɔne ye mbuna ne amukoraa, otuli bɛ bo. Ɔfa tole ye kɔme anwo, na ɔsoale hɔle bokaa bɔ ɔwɔ Hebron ndendeneɛ so ne ti afia.

Maenbulɛfoɛ 16:5

Filistifoɛ mbanyi hɔle braa ne berɛ beesele ye kyɛ, “Dɛfɛdɛfɛ ye ná pena nikye horɛ bɔ ɔmaa ye nwo yɛ se sɔa ne, ɔne atee bɔ yɛkɔfa so yɛkoli ye so ngonim, amaa ɔnate so yafa nyamaa yakyekye ye yabrɛ ye ase. Sɛ ɛyɔ sɔ ma yɛ a, yɛ nu biala kɔma wɔ ɛdwetɛ apee ko ɛyaa ko.”