Maenbulɛfoɛ 16:30 - AHYERƐLƐ KRONGRON

³⁰ Na Samson sele kyɛ, “Maa me ne Filistifoɛ yɛwu!” Ole ye anwoserɛ amukoraati piane bonima nemɔ; na sua ne bu guale mbanyi ne mmenia bɔ né bayia berɛ ne amukoraati so. Yiti mmenia bɔ ohuni bɛ wɔ ye wue nu ne, bɛsone bɛtra mmenia bɔ ohuni bɛ mmerɛ bɔ né ɔte ase ɔ.

Maenbulɛfoɛ 16:30 Iomraidhean Croise

Gyenesise 3:15

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

YOB NWOMAA NE 20:5

kyɛ bɔnefoɛ ngɔsoɛ ɔndena berɛ ngyɛ, ɔne kyɛ sona bɔ ɔnze Nyameɛ ne, ye anigye te tikaape bie ɔ?

YOB NWOMAA NE 31:3

Mmenia bɔ bɛndengyɛ ne, aso nna bɛ yeɛ edwirɛ to bɛ ɔ, aso nna amumuyɛɛfoɛ yeɛ asane to bɛ ɔ?

Edwein 62:3

Ɔkwaadwu kyinzu yeɛ ɛmɔkotu ɛmɔ nye bekosie sona horɛ so ɔ, bɔ ɛmɔ amukoraa ɛmɔpena ye beku ye ɔ, kyɛbɔ ɛmɔdwiri fasue bɔ wahyea ɔ begua ase ɔ.

Nworɛ Dwirɛhanɛniɛ 9:12

Sona biala nze ye mmerɛ deɛ. Na kyɛbɔ bɛfa asawu atianuserɛserɛ bɛkye egyein, ná besua ngaen bɛkye nnomaa ne, sɔ ala yeɛ mmerɛ tɛɛ te ngaen bɔ ɔkye adasa mvum nu ɔ.

Mateo 16:25

Ofikyɛ ebiala bɔ okuro kyɛ ode ye kra ngoa nen, ɔkɔhwere ye; nakoso ebiala bɔ ɔnate me ti ɔkɔhwere ye ngoa nen, ye sa kɔhã ye.

Asomafoɛ 20:24

Nakoso me de, memva he menyɛ hwee, yeɛ me ngoa koso memva menyɛ hwee; amaa ɔnate so mahora mafa anigye mayie me natelɛ ne Awurade Yesu asɛmbatrɛ adwuma bɔ ɔfa mane me kyɛ nni Nyameɛ adom nzɛmba ne nwo adanzeɛ ne.

Asomafoɛ 21:13

Nakoso obuale yɛ kyɛ, “Na esuɛ ye koso ɛ? Bɔ bɛyɔ sɔ bɛma m’aba nu bu ye! Me de, nna kuku nu nnaa ngome yeɛ masiesie me nwo mama ɔ, na mmom kyɛ Awurade Yesu dumaa ti ngowu wɔ Yerusalem ɔ.”

Filipifoɛ 2:17

Na sɛ ɔba kyɛ behwie me begua kyɛ afɔlebɔdeɛ wɔ ɛmɔ gyidie solɛ nwo a, ɔyɛ me fɛ, na me ne ɛmɔ amukoraa yɛdi ahurusi.

Filipifoɛ 2:30

Ofikyɛ, Kristo adwuma ne ati ɔhale kãa maa owuli, na ɔfale ye ngoa tole serewa gyinane ɛmɔ gya nu kyɛ ɔkɔso me.

Filipifoɛ 2:8

Benwuni ye kyɛbɔ kuro sona osi soma ɔ, ɔbrɛle ye nwo ase, na ɔyɛle asoɛmmerɛlɛ fa hɔle ewue nu, mmeamudua ne aso wue nu po.

Kolosefoɛ 2:15

Olele mbanyililɛ ne tumililɛ bɛ sa nu tumi, na ɔlale bɛ ali pefee wɔ badwa nu, na olili bɛ so ngonim wɔ mmeamudua ne aso.

1 Tɛsalonikafoɛ 5:2

Ofikyɛ ɛmɔ bɔbɔ ɛmɔse ye pefee kyɛ Awurade kyẽa ne kɔwa kyɛbɔ awueniɛ ba kɔngɔen ɔ.

Maenbulɛfoɛ 14:19

Yeɛ AWURADE Sunzum wale Samson so, na osili nu hɔle Asekelɔn. Ohuni kuro berɛ mmienzua aburasa. Opuropurole bɛ ndaadeɛ yɛle koɛ nu nzesadeɛ. Na ndaadeɛ bɔ bewura bɛkɔ dwaabɔlɛ bo ne, ɔfa brɛle bɛ bɔ behyirele anyandera ne abo ne. Afei ole ɛyaa piri sa hɔle ye baba kuro.

Maenbulɛfoɛ 15:15

Samson nwuni afunum awogyee monɛ bie. Ɔkoto fale, na ɔfa huni mmienzua apee ko.

Maenbulɛfoɛ 15:8

Yiti ɔfale koɛ tetale Filistifoɛ huhuni bɛ pasaa; na osili nu ɔɔtenane Etam nyɔbotaen ne anu nekaa bie bɔ nyɔboɛ ne asi sua ɔ.

Maenbulɛfoɛ 16:29

Yiti bonima nyɔ bɔ bɛwɔ afia paa bɔ betira sua ne anu ne, Samson le ye anwoserɛ amukoraa tirale nu. Ɔfale ye sa famaa fuale ko, yeɛ ɔfale bɛen ne koso fuale ko.

Maenbulɛfoɛ 16:31

Na oliɛma mmienzua mɔ ne ye abusuafoɛ amukoraa bɛɛfale ye fuin beesiele ye wɔ ye baba Manoa asieleɛ nu, wɔ Sora ne Esetao b’afia. Samson buli Yisrael maen afoɛ aburanyɔ.