Maenbulɛfoɛ 16:27 - AHYERƐLƐ KRONGRON

²⁷ Né mmienzua ne mmrasua ayi sua ne anu tɛkyɛ, bɔ né Filistifoɛ mbanyi amukoraa wɔ berɛ bie ɔ. Né mmienzua ne mmrasua kɔyɛ apee nza begua sua ne aso nekaa bɔ basamo so ne, bɔ bɛnea Samson angorɛ ne bie ɔ.

Maenbulɛfoɛ 16:27 Iomraidhean Croise

2 Samuel 11:2

Na ɛlɛho bie nɔsoa, Dawide dwɔsole fili nnaa nu. Né ɔnatenate ahemvie berɛ anwuro nekaa bie bɔ basamo so ɔ. Ogyi nzamsoɛ ne aso ne, onwuni kyɛ braa bie obia. Né braa ne nwo yɛ nyemene paa.

Deuteronomi 22:8

“Sɛ esi sua foforɛ a, sua ne anwuro nekaa bɔ basamo ne, to ɛwaen fa ye nwo bra yia. Anyɔ ye sɔ, ná ebie fi so te tɔ a, mogya nwo foɛlilɛ kɔla wɔ sua ne aso.

Yosua 2:8

Anzana mmenia nyɔ ne bɛbaala ne, Rahabo hɔle bɛ nwo berɛ wɔ abuu ne aso

Maenbulɛfoɛ 16:26

na osele akwadaa bɔ otira ye sa okyire ye ate ne kyɛ, “Bonima mɔ bɔ betira sua ne anu ne, maa ngɔnzɔ nu ná ngisa bɛ.”

Maenbulɛfoɛ 16:28

Yeɛ Samson sũ frɛle AWURADE kyɛ, “AWURADE Nyameɛ, kaye me ná ma me anwoserɛ sɔ mmerɛ ye ala angome, O Nyameɛ; na mandɔ Filistifoɛ so wereɛ ɔnate me nye nyɔ bɔ batutu ne ati.”

Maenbulɛfoɛ 9:51

Nakoso né abandenden pindinn bie wɔ kuro ne aso. Kuro ne aso mmienzua ne mmrasua amukoraa, ɔne berɛ mbanyi amukoraa bɛnwatili bɛɛfeale nu bɛtole bɛ nwo anoa nu. Bɛfo bɛhɔle abandenden ne aso anwuro nekaa bɔ basamo so ne.