Maenbulɛfoɛ 16:25 - AHYERƐLƐ KRONGRON

²⁵ Na mmerɛ bɔ bɛ nye gyele paa ne, bɛhane kyɛ, “Ɛ́mɔfrɛ Samson maa ɔgyegye yɛ nye.” Yiti bɛɛfale Samson befili kuku nu bɛwale, ná ɔgyegyele bɛ nye. Bɛmane Samson ogyinane bonima nemɔ b’afia;

Maenbulɛfoɛ 16:25 Iomraidhean Croise

2 Samuel 13:28

Né Absalom ali moa waha wahyire ye somvoɛ nemɔ kitii kyɛ, “Ɛ́mɔfa bɛ nye bɛ́sra Amnɔn, na sɛ ɛmɔnwu kyɛ nzaa ne abo ye, ná mekã mekyire ɛmɔ kyɛ, ‘Ɛ́mɔhu Amnɔn!’ a, ɛ́mɔhu ye. Nnɛma ɛmɔsuro. Me yeɛ mahyɛ ɛmɔ kyɛ ɛ́mɔyɔ sɔ ɔ. Ɛ́mɔsi ɛmɔ ahone bɛyɛ mmienzua.”

1 Ahemvo 20:12

Né Ben Hadade ne ye ahemvo nemɔ bɛno nzaa wɔ b’asese nemɔ anu. Ɔtele edwirɛ ne pɛ yeɛ osele ye koɛhonɛfoɛ ne kyɛ, “Ɛ́mɔdwɔso bɛɛho!” Na bɛɛpɛle Samaria kuro ne anwo beyiale bɛfale koɛ bɛtoale bɛ.

Ɛseta 1:10

Ye ɛlɛsoo ne aso bɔ né nzaa ama Nana Ahasuro ye ti anu ayɛ ye fɛfɛɛfɛ ne, osele ye somvoɛ sayɛɛ nzoo, bɔ bɛ ole Mehuman, Bisita, Habona, Bigita, Abagita, Seta ne Kakase,

Ɛseta 3:15

Kyɛbɔ Nana Ahasuro hyɛle mmeraa nen, ɛbɔfoɛ nemɔ hane bɛ nwo bɛhɔle ndɛndɛ; yeɛ mmeraa nemɔ koso bɛbɔle ye nwo dawure wɔ Susa ahenguro. Afei Nana Ahasuro ne Haman bɛtenane ase bɛnone nzaa, wɔ aberɛ bɔ né Susa kuro ne anu ama bɛ nwo adwiri bɛ ɔ.

Edwein 69:12

Bɛ bɔ bɛwɔ kuro berɛ pambim ne anu ne, me nwo dwirɛ ala yeɛ bɛkã ɔ, na me yeɛ akɔnomnzafoɛ bɛfa me bɛto dwein ɔ.

Edwein 69:26

Ofikyɛ sona bɔ abɔ ye apura ye ne, bɛtane ye nye, na bɛ bɔ apura bɛ ne, besa bɛmaa bɛfa yealɛ nu.

Yesaya 22:13

Nakoso nea: anwosɛpɛlɛ ne anigye, nandwie ne mmoaen hunɛ, naenlilɛ ne nzaanonɛ. (Na ɛmɔnwa) “Ɛ́mɔma yɛdidi ná yɛno, ofikyɛ ɛhema né yawu.”

Mateo 27:29

bɛfale mmowue bɛnwone abotire bɛbɔle ye, na bɛfale elemmire bewurale ye sa famaa nu; yeɛ bebuli ndwerɛ wɔ ye nyunu bɛgorole ye nwo kyɛ, “Yudafoɛ Hene, wɔ ngoa so oo!”

Hebrifoɛ 11:36

Beguale ebiemɔ nyunu ase, na besa befini bɛ mbire, yeɛ ebiemɔ wora bɛbɔle bɛ panwu bɛfale bɛ beguale kuku nu.

Maenbulɛfoɛ 16:24

Na mmenia ne nwuni Samson ne, bɛyɛle bɛ nyameɛ ne ayɛ ofikyɛ bɛhane kyɛ, “Yɛ pɔfoɛ bɔ wahũ yɛ nu pee bɔ ɔbɔ yɛ maen ne, yɛ nyameɛ afa ye awura yɛ sa.”

Maenbulɛfoɛ 16:26

na osele akwadaa bɔ otira ye sa okyire ye ate ne kyɛ, “Bonima mɔ bɔ betira sua ne anu ne, maa ngɔnzɔ nu ná ngisa bɛ.”

Maenbulɛfoɛ 18:20

Ɔsɔfo ne penene b’edwirɛ ne aso. Ɔfale ɔsɔfo ataadeɛ ne, abusua amoen ne, ɔne amoen ne, na ɔne mmenia nemɔ sili nu bɛhɔle.

Maenbulɛfoɛ 19:6

Yiti mmienzua nyɔ nemɔ tenane poen nwo bedidili bɛnone, na taluwa ne baba sele Lewiniɛ ne kyɛ, “Nzu ati yeɛ ɛnna wa ɛnɛ ná ɛmma wɔ nye ngye ɔ?”

Maenbulɛfoɛ 19:9

Mmerɛ bɔ Lewiniɛ ne, ye sómaa ne, yeɛ ye somvoɛ ne bedwɔsole kyɛ bɛkɔ ne, taluwa ne baba bɔ ɔte Lewiniɛ ne sia ne, osele Lewiniɛ ne kyɛ, “Nea, mmerɛ ahɔ, aleɛ ayie sa. Ɛ́mɔla wa ɛnɛ, na aleɛ adwo. Ɛ́mɔla wa ɛnɛ, ná ma wɔ nye gye. Ɛhema ɛmɔkɔhora bekodwɔso ngyerɛmɔ tutuutu bekosi nu bɛkɔhɔ ɛmɔ kuro.”

Maenbulɛfoɛ 9:27

Bɛhɔle fieso, na bɛɛtetele bobe befili bɛ bobe boo mɔ nu. Behwini bɛyɛle nzaa, na bɛfa bɛgyele bɛ nye. Yeɛ bɛhɔle bɛ bosoen asɔneyɛɛ sua nu. Bedidili bɛnone, na bɛgorole Abimɛlɛke nwo.