Maenbulɛfoɛ 16:24 - AHYERƐLƐ KRONGRON

²⁴ Na mmenia ne nwuni Samson ne, bɛyɛle bɛ nyameɛ ne ayɛ ofikyɛ bɛhane kyɛ, “Yɛ pɔfoɛ bɔ wahũ yɛ nu pee bɔ ɔbɔ yɛ maen ne, yɛ nyameɛ afa ye awura yɛ sa.”

Maenbulɛfoɛ 16:24 Iomraidhean Croise

1 Aberɛso Dwirɛ 10:9

Bɛyele ye nwo akodeɛ ne, bɛpɛle ye ti bɛfa bɛhɔle, na betuli bɔfoɛ mɔ maa bɛhɔle Filistifoɛ aseɛ so amukoraa, kyɛ bɛɛbɔ ndɛenvɛen ne nwo amaneɛ behyire bɛ mmosoen nemɔ ne maen ne anu mmenia.

Edwein 97:7

Mmenia bɔ bɛsɔne mmosoen, bɔ bɛfa amoen mɔ bɛhoahoa bɛ nwo ne, bɛ mukoraa bɛ nyunu agua ase; nyameɛ mɔ amukoraa, odi kyɛ ɛmɔkoto ye.

Yesaya 37:20

Yiti afei, ao AWURADE yɛ Nyameɛ, mesrɛ wɔ, pepɛ de yɛ fi ye sa nu, amaa ɔnate so aseɛ ye aso ahennie amukoraa banwu ye kyɛ wɔ ngome twe yeɛ ɛte AWURADE ɔ.”

Hesekiel 20:14

Nakoso ɔnate me dumaa ti, ndwe nzale, amaa ɔnate so me dumaa nwo angua fiɛ wɔ maen maen nemɔ bɛ nyunu, maen maen bɔ bɛ nye tua kyɛ nyele bɛ mvili berɛ male ne.

Daniel 5:23

na mmom adwɔso nyameɛso Mene ne so konguronn, baasesa ye awuro kulie nemɔ babrɛ wɔ, na wɔ, ɛne wɔ mbanyi mɔ, ɛye mɔ ne wɔ sómaa mɔ bano nu nzaa, na aye ɛdwetɛ, sikaa kɔkorɛ, kɔɔbere, buralɛ, bakaa ne nyɔboɛ nyameɛ mɔ bɔ bennwu nikye, bɛnde dwirɛ, anaa bɛnze huu ɔ ayɛ. Nakoso Nyameɛ bɔ otira wɔ ngoa nyamaa nu, bɔ w’atee amukoraa wɔ ye sa nu ne de, amva anidie amma ye.

Daniel 5:4

Bɛnone nzaa, na bɛyele sikaa kɔkorɛ, ɛdwetɛ, kɔɔbere, buralɛ, bakaa ne nyɔboɛ nyameɛ mɔ ayɛ.

Habakuku 1:16

Yiti bɛbɔ afɔleɛ bɛma b’asawu ne, bɛyera ɛyɛɛ bɛma bɛ tɛen ne; ofikyɛ ɔnate bɛ so yeɛ bɛtena ase wɔ anwotɔ nu ɔ.

Deuteronomi 32:27

Nakoso né mesuro kyɛ pɔfoɛ ne kɔfa kɔhoahoa ye nwo, ofikyɛ ebiaa né bɛ pɔfoɛ mɔ ande bɔ meyɔ ne abo, na bɛkɔhã kyɛ, ‘Yali ngonim; nna AWURADE yeɛ ɔyɔle sɔ nningyein he amukoraati ɔ.’

Nyekyire 11:10

Na bɛ bɔ bɛte aseɛ so ɔ bekoli bɛ nwo ahurusi, na bɛ nye kɔgye ná bamanemane bɛ nwo akyɛdeɛ; ofikyɛ sɔ ngɔmhyɛlɛfoɛ nyɔ nemɔ bɛfale ɛhawo bɛtole bɛ bɔ bɛte aseɛ so ɔ so.

Maenbulɛfoɛ 15:14

Samson oodwuli Lehi ne, Filistifoɛ bɔle ese beeyiale ye. AWURADE Sunzum wale ye so, na nyamaa bɔ ogua ye sa ne yɛle kyɛ gyese bɔ see atɔ nu ɔ, na nyamaa ne sangye fili ye sa.

Maenbulɛfoɛ 15:16

Na Samson sele kyɛ, “Mafa afunum awogyee, mamaa efuin mɔ ataataa so kure kure, mafa afunum awogyee mahu mmienzua apee ko.”

Maenbulɛfoɛ 15:8

Yiti ɔfale koɛ tetale Filistifoɛ huhuni bɛ pasaa; na osili nu ɔɔtenane Etam nyɔbotaen ne anu nekaa bie bɔ nyɔboɛ ne asi sua ɔ.

Maenbulɛfoɛ 16:25

Na mmerɛ bɔ bɛ nye gyele paa ne, bɛhane kyɛ, “Ɛ́mɔfrɛ Samson maa ɔgyegye yɛ nye.” Yiti bɛɛfale Samson befili kuku nu bɛwale, ná ɔgyegyele bɛ nye. Bɛmane Samson ogyinane bonima nemɔ b’afia;

1 Samuel 31:9

Bɛpɛle Sɔɔlo ti, bɛyele ye nwo akodeɛ ne, na betuli ɛbɔfoɛ mɔ maa bɛhɔle Filistifoɛ aseɛ so amukoraa, kyɛ bɛɛbɔ ndɛenvɛen ne nwo amaneɛ wɔ bɛ mmosoen nemɔ awuro ne maen ne anu.