Maenbulɛfoɛ 16:2 - AHYERƐLƐ KRONGRON

² Bɛbɔle Gasafoɛ amaneɛ kyɛ, “Samson awa wa.” Yiti bɛpɛle sua ne anwo beyiale, yeɛ bɛtetɛle ye wɔ kuro berɛ pambim ne anu kɔngɔen ne amukoraa. Bɛyɛle konn kɔngɔen ne amukoraa na bɛdwenene ye nwo kyɛ, “Ɛmɔma yɛnwondɛ maa aleɛ hye, ná yahu ye.”

Maenbulɛfoɛ 16:2 Iomraidhean Croise

Mateo 21:38

Nakoso mmerɛ bɔ hwɛsofoɛ nemɔ nwuni ɔwa ne nen, besisele bɛ nwo kyɛ, ‘Bɔ odi ye bia ne ɛhe; ɛmɔbra ma yɛhu ye, ná yɛfa ye agyapadeɛ ne!’

Mateo 27:1

Na aleɛ hyene ne, asɔfo mbanyi ne maen mbanyi amukoraa bɛhɔle Yesu nwo agyina bɛbɔle porɛ kyɛ bekohu ye.

Luka 21:20

“Na sɛ ɛmɔnwu kyɛ koɛhonɛfoɛ bapɛ Yerusalem nwo bayia a, ye de ɛ́mɔnwu ye kyɛ ye bɔlɛ apingye.

Asomafoɛ 23:15

Yiti ɛmɔ ne badwafoɛ ne bɛbɔ nu bɛsoma ma beese Roman safohene ne kyɛ ɔma bɛfa Pɔɔlo bɛbrɛ ɛmɔ; kyɛ ɛmɔpena kyɛ ɛmɔneanea ye dwirɛ ne anu yé. Na yɛ de, kyɛ ɔyɛ na oodwu wa ne, né yahu ye dadaada.”

Asomafoɛ 9:24

nakoso ɔtele bɛ porɛ ne nwo bie. Bɛbɔle kuro n’anoa nemɔ nwo nzra eyia ne kɔngɔen kyɛ bɛ sa kɔha ye na bahu ye ɔ.

Maenbulɛfoɛ 15:18

Sɔ mmerɛ ne, né nzuhɔen ku Samson paa, yiti osũ frɛle AWURADE kyɛ, “Ɛnate w’akoaa so ali ngonim kandinga he. Aso nzuhɔen baahu me, maa mmenia bɔ bɛmbɛ bɛ bienzua nemɔ bɛ sa ka me anaa?”

Maenbulɛfoɛ 16:3

Nakoso Samson lale berɛ maa bebuli aleɛ nu. Bebuli aleɛ nu ne, odwɔsole, na kuro ne pambim anoa nemɔ, ye bonima nyɔ nemɔ, ɔne ye mbuna ne amukoraa, otuli bɛ bo. Ɔfa tole ye kɔme anwo, na ɔsoale hɔle bokaa bɔ ɔwɔ Hebron ndendeneɛ so ne ti afia.

1 Samuel 19:11

Sɔɔlo tuli mmenia maa bɛhɔle Dawide awuro kyɛ bɛɛtɛ ye behũ ye ngyerɛmɔ. Nakoso Dawide tiale Mikal gya so kyɛ, “Sɛ annwati kɔngɔen ye a, ɛhema ngyerɛmɔ bekohu wɔ.”

1 Samuel 23:26

Né Sɔɔlo nate bokaa ne bue ko, yeɛ né Dawide ne ye mmenia koso bɛnate bokaa ne bue ko. Dawide mane ye nwo yɛle nyera kyɛ ɔkɔnwati bɔ Sɔɔlo ngonwu ye ɔ. Nakoso Sɔɔlo ne ye mmenia nemɔ, né bɛpena kyɛ bɛpɛ Dawide ne ye mmenia nemɔ nwo beyia bɛkye bɛ.