Maenbulɛfoɛ 16:18 - AHYERƐLƐ KRONGRON

¹⁸ Delila nwuni kyɛ Samson aha ye mvealeɛ nu dwirɛ ne amukoraa wahyire ye ne, ɔsomane maa bɛɛfrɛle Filistifoɛ mbanyi nemɔ bɛbrɛle ye, na ɔbɔle bɛ amaneɛ kyɛ, “Afei de ɛmɔbra, ofikyɛ wabukye ye mvealeɛ nu dwirɛ ne amukoraa so wahyire me.” Yiti Filistifoɛ mbanyi ne amukoraati wale Delila berɛ, na né betiratira b’esikaa ne.

Maenbulɛfoɛ 16:18 Iomraidhean Croise

1 Ahemvo 21:20

Ahabo bisale Elia kyɛ, “Eh me pɔfoɛ, bɔ mayɔ ye, ama me bo ala so?” Na Elia buale kyɛ, “Yoo, mama wɔ bo ala so. Atu wɔ nwo asie berɛ kyɛ ɛkɔyɔ bɔ ɔte bɔne wɔ AWURADE nyunu ɔ. Ye sɔ ti,

Edwein 62:9

Adasa mmaa te mvrama, yeɛ kuro mmenia te nnakannaka nikye; sɛ bɛkari bɛ wɔ tonyi so a, bɛ nu nyɛ no, sɛ ɛfa bɛ munyɔ bɔ nu a, bɛ nu yɛ nyera tra mvrama.

Anyandera 18:8

Nzekurebɔlɛniɛ ye noa dwirɛ te menemene, na edwirɛ ne woroworo wɔ.

Numeri 22:7

Yiti Moabo mbanyi ne Midian mbanyi fale abisa aboadeɛ ne, na besili nu bɛhɔle Balaam berɛ bɛɛfale Balake dwirɛ ne bɛɛbɔle ye amaneɛ.

Mateo 26:15

oobisale kyɛ, “Sɛ meye ye mema ɛmɔ a, nzikyɛ yeɛ ɛmɔkɔfa bɛkɔma me ɔ?” Na bɛhale ɛdwetɛ aburasa bɛfa bɛmane ye.

Ɛfesofoɛ 5:5

Ofikyɛ ɛmɔse ye dada kyɛ, adwamanbɔlɛniɛ anaa bra fiɛ bɔlɛniɛ anaa anyeboroborolɛniɛ (bɔ ɔte bosoensolɛniɛ) biala nne berɛ bɔ ole agyapadeɛ wɔ Kristo ne Nyameɛ ahennie ne anu ɔ.

1 Timoteo 6:10

Ofikyɛ bɔne amukoraa ndii ole sikanyeboro, bɔ ebiemɔ ali ye si bali makyebu bafi gyidie ne anwo, bɔ yiti bahwehwe aworabɔlɛ pee babrɛ bɛ nwo ɔ.

Maenbulɛfoɛ 16:17

Na Samson hane ye mvealeɛ nu dwirɛ ne amu hyirele ye kyɛ, “Me ti ne, bɛttetele ye le, ofikyɛ nde nasiriteniɛ ma Nyameɛ fi me maame kunu. Sɛ bɛtete me ti a, m’anwoserɛ ne amukoraa kotu komini, ngɔyɛ mmerɛ ná mayɛ kyɛ kuro sona biala.”

Maenbulɛfoɛ 16:19

Delila fale Samson ti tole ye sɔ so maa ɔlafele, na ɔfrɛle biaa bie maa ɔɔpoane ye ti nwiaa mbɛsɛmbɛsɛ nzoo ne. Na Samson hyɛle ye bo yɛle mmerɛ, na ye anwoserɛ tu minini.

Maenbulɛfoɛ 16:5

Filistifoɛ mbanyi hɔle braa ne berɛ beesele ye kyɛ, “Dɛfɛdɛfɛ ye ná pena nikye horɛ bɔ ɔmaa ye nwo yɛ se sɔa ne, ɔne atee bɔ yɛkɔfa so yɛkoli ye so ngonim, amaa ɔnate so yafa nyamaa yakyekye ye yabrɛ ye ase. Sɛ ɛyɔ sɔ ma yɛ a, yɛ nu biala kɔma wɔ ɛdwetɛ apee ko ɛyaa ko.”