Maenbulɛfoɛ 16:15 - AHYERƐLƐ KRONGRON

¹⁵ Yeɛ Delila sele ye kyɛ, “Aso ede di kyɛ ekuro me, wɔ aberɛ bɔ enguro me mvi w’ahone nu ɔ? Agoro me nwo pɛen nza ɛhe, na nikyee bɔ ɔmaa wɔ nwo yɛ se paa sɔa ne, anga angyire me.”

Maenbulɛfoɛ 16:15 Iomraidhean Croise

Gyenesise 29:20

Rahɛl ti, Yakob sole afoɛ nzoo, na ɔnate ehurolɛ bɔ né okuro ye ne ati, ɔyɛle ye nye so kyɛ ngyẽa kãa bie.

2 Samuel 16:17

Na Absalom bisale ye kyɛ, “Eh, wɔ nahorɛ bɔ édi ma wɔ damvo ɛhe? Nzu ati yeɛ ɛne wɔ damvo bangɔ ɔ”

Nehemia 6:4

Betuli mmenia maa bɛwale me berɛ pɛen nna bɛfale sɔ ngraa ne ala bɛbrɛle me, na me koso mvale sɔ mmuayɛɛ komapɛ ne ala yeɛ mmane bɛ ɔ.

Anyandera 2:16

Nworɛ kole wɔ kofi brasua sanzaniɛ sa nu, kofi gyanderaniɛ bɔ ye noa dwirɛ te menemene ɔ sa nu.

Anyandera 23:26

Mma, fa w’adwene ma me, ná ma wɔ nye gye m’atee nwo.

Yohane 14:15

“Sɛ ɛmɔkuro me dwirɛ a, ɛmɔli m’ahyɛdeɛ so.

Yohane 15:10

Sɛ ɛmɔdi m’ahyɛdeɛ so a, ɛmɔkɔtena me dɔ nu, kyɛbɔ mali me Baba ahyɛdeɛ so ná nde ye dɔ nu ne.

Deuteronomi 6:5

Fa w’ahone mukoraati, wɔ kra mukoraati, ɔne w’anwoserɛ mukoraati kuro AWURADE wɔ Nyameɛ dwirɛ.

1 Yohane 5:3

Sɛ yɛdi Nyameɛ ahyɛdeɛ so a yeɛ okyire kyɛ yɛkuro ye dwirɛ ɔ, na ye ahyɛdeɛ ne aso lilɛ koso nyɛ se.

Maenbulɛfoɛ 14:16

Yiti Samson aye ne sũ guale ye so kyɛ, “Ɛpɔ me; enguro me koraa. Abu me mmenia mɔ anyandera, nakoso angyire me ye bo.” Na Samson buale ye kyɛ, “Nea, me baba ne me maame po, ngyirele bɛ ye bo. Nzu ati yeɛ odi kyɛ mekyire wɔ ye bo ɔ?

Maenbulɛfoɛ 16:14

Samson lale, na Delila sɔle ye ti nwiaa mbɛsɛmbɛsɛ nzoo ne anu frale eduku nwone, na ɔfale buralɛ miane nu dweredwere. Na osele ye kyɛ, “Samson, Filistifoɛ awa wɔ so oo!” Nakoso Samson dwɔso fili nnaa nu, otuli buralɛ ne, na ɔsangyele eduku bɔ wafa wafra ye ti nwiaa mbɛsɛmbɛsɛ wanwo ne.

Maenbulɛfoɛ 16:16

Delila fale edwirɛ ne dwanene Samson nwo daa biala, na ɔhɔle so hale ye adwene alaa maa yiti edwirɛ ne yɛle Samson ahomete.