Maenbulɛfoɛ 16:13 - AHYERƐLƐ KRONGRON

¹³ Yeɛ Delila sele Samson kyɛ, “Agoro me nwo, yeɛ apɛ ngondombo ahyire me maa waadwu bekye. Kyire me nikyee bɔ bɛkɔhora bɛkɔfa bɛkɔkyekye wɔ ɔ.” Na obuale ye kyɛ, “Sɛ ɛfa me ti nwiaa mbɛsɛmbɛsɛ nzoo ne fra eduku ɛnwo, ná ɛfa buralɛ mia nu dweredwere a, ngɔyɛ mmerɛ ná mayɛ kyɛ kuro sona biala.”

Maenbulɛfoɛ 16:13 Iomraidhean Croise

Maenbulɛfoɛ 14:17

Braa ne sũ guale Samson so ɛlɛsoo bɔ bɛwɔ poentolɛ bo ne amukoraa. Na ɔnate kyɛ né odwane Samson nwo ne ati, ohyirele ye anyandera ne abo ɛlɛsoo ne aso. Braa ne hɔle oohyirele anyandera ne abo hyirele ye kuro ama nemɔ.

Maenbulɛfoɛ 16:10

Afei Delila sele Samson kyɛ, “Agoro me nwo, yeɛ apɛ ngondombo ahyire me. Mesrɛ wɔ, kyire me nikyee bɔ bɛkɔhora bɛkɔfa bɛkɔkyekye wɔ ɔ.”

Maenbulɛfoɛ 16:12

Yiti Delila fale findima monɛ kyekyele Samson, na osele ye kyɛ, “Samson, Filistifoɛ awa wɔ so oo!” (Sɔ mmerɛ ne, né mmenia bɔ bɛtetɛ ye ne, baafea pumbu nu.) Nakoso Samson tetele findima ne anu fili ye sa kyɛ gyese bie.

Maenbulɛfoɛ 16:14

Samson lale, na Delila sɔle ye ti nwiaa mbɛsɛmbɛsɛ nzoo ne anu frale eduku nwone, na ɔfale buralɛ miane nu dweredwere. Na osele ye kyɛ, “Samson, Filistifoɛ awa wɔ so oo!” Nakoso Samson dwɔso fili nnaa nu, otuli buralɛ ne, na ɔsangyele eduku bɔ wafa wafra ye ti nwiaa mbɛsɛmbɛsɛ wanwo ne.