Maenbulɛfoɛ 15:19 - AHYERƐLƐ KRONGRON

¹⁹ Yiti kumaa bɔ ɔwɔ Lehi ne, Nyameɛ dwale nu, na nzue pu fili nu wale. Samson none nzue ne, onyane anwoserɛ, na osa kendene ye nwo. Yiti bɛfrɛle mbombonzue ne Ɛn Hakore, na ɔwɔ Lehi maa waadwu ɛnɛ.

Maenbulɛfoɛ 15:19 Iomraidhean Croise

Gyenesise 16:13

Yiti Hagar frɛle AWURADE bɔ odwudwo hyirele ye ne kyɛ, “Ɛte Nyameɛ bɔ enwu nikye ɔ”, na Hagar hane kyɛ, “Aso manwu AWURADE yeɛ ndɛ te ase ye?”

Gyenesise 28:19

Na ɔfrɛle berɛ Betel, nakoso daa ne de, né bɛfrɛ kuro ne Luse.

Gyenesise 30:30

Mmmale ɛwa ne, né wɔ ngaka nemɔ anzo. Ɛnɛ nea bɛ somaa. AWURADE ayira wɔ nikyee biala bɔ mvale me sa nzɔle nu anwo. Na afei kyinzu yeɛ ngoli me bɔbɔ m’awuro so ɔ?”

Gyenesise 45:27

Nakoso bɛhane bɔ Yosef aha ahyire bɛ ne amu behyirele Yakob. Na Yakob nwuni teaseɛnam mɔ bɔ Yosef asoma kyɛ bɛfa bɛɛfa ye nen, ye kra wale ye nwo.

Edwein 110:7

Ɔkɔno atee noa asue nu nzue. Ye sɔ ati, ɔkɔma ye ti so.

Edwein 120:1

Mesu mefrɛ AWURADE wɔ m’amaneɛnwunɛ mmerɛ nu, na otie me.

Edwein 34:6

Sɔ anwumvoinniɛ he, osuni, na AWURADE tiele ye sufrɛ, ná ɔpepɛ lele ye fili ye amaneɛ amukoraa nu.

Edwein 50:15

Sũ frɛ me wɔ w’amaneɛnwunɛ mmerɛ nu, na ngɔpepɛ ngole wɔ, amaa ɔnate so ahyɛ me animnyam.”

Ɛksadɔso 17:15

Yeɛ Mose sili afɔleɛ bokyea, na ɔtole ye dumaa: AWURADE te me frangaa.

Yesaya 40:26

Ɛ́mɔto ɛmɔ nye anwuro bɛ́nea, nwa yeɛ ɔbɔle sɔ nningyein nemɔ ɔ? Ye bɔ ɔye b’ɛlɔen ne fite ɔka bɛ ɔ, bɔ ɔfa bɛ mukoraa bɛ dumaa frɛ bɛ ɔ; na ɔnate ye anwoserɛ piri ne ye tumi totohyia ne ati, bɛ nu biala mmini.

Yesaya 40:29

Ye yeɛ ɔma bɔ wafɛ anwoserɛ ɔ, na bɔ ye nwo ayɛ ye bɛtɛɛ ne koso, ɔma ye anwoserɛ pee.

Yesaya 44:3

Ofikyɛ ngohwie nzue ngogua aseɛ bɔ nzuhɔen ku ye ne aso, yeɛ ngɔma asue mmaa mmaa kɔwa aseɛ wosee ne aso; ngohwie me Sunzum ngogua wɔ boso ama so, ná mahwie me saleɛ magua wɔ mma so.

Numeri 20:11

Yeɛ Mose pagyale ye sa, na ɔfale ye pɔmaa ne fini nyɔbotaen ne aso pɛen nyɔ. Nzue pu fili nu wale pee, na mmenia nemɔ ne bɛ nyɛmmoa mɔ none bie.

Maenbulɛfoɛ 15:9

Afei Filistifoɛ hɔle bɛɛkyekyele asikyeleɛ wɔ Yuda, na bɛɛbɔle apaa wɔ Lehi.

1 Samuel 30:12

Besa bɛmane ye borɔdoma taterɛ, ɔne bobe bɔ babobɔ ye kunguma nyɔ. Oli yiele nen, ye nwo yɛle ye se, ofikyɛ ɛlɛsa mumua, eyia ne kɔngɔen, né onnyane aleɛ anaa nzue biala ɔhhane ye noa.