Maenbulɛfoɛ 15:15 - AHYERƐLƐ KRONGRON

¹⁵ Samson nwuni afunum awogyee monɛ bie. Ɔkoto fale, na ɔfa huni mmienzua apee ko.

Maenbulɛfoɛ 15:15 Iomraidhean Croise

2 Samuel 23:8

Dawide koɛhonɛfoɛ ahoneserɛfoɛ nemɔ, bɛ dumaa ɛhe: Takemoniniɛ Yosebo Basebete bɔ né ɔla koɛhonɛfoɛ ahoneserɛfoɛ nza nemɔ noa ne. Ɔhwene ye pealɛɛ wɔ mmenia ɛyaa mmɔtwɛ so huhuni bɛ wɔ koɛ komapɛ anu.

Lewitikɔso 26:7

Ɛmɔkɔfoa ɛmɔ pɔfoɛ mɔ, na bɛkɔtotɔ ɛmɔ ngrandɛ noa.

Lewitikɔso 26:8

Ɛmɔ nu mmenia nnu kɔfoa mmenia ɛyaa ko, yeɛ ɛmɔ nu mmenia ɛyaa ko kɔfoa mmenia apee buru, na ɛmɔ pɔfoɛ mɔ kɔtotɔ ɛmɔ ngrandɛ noa.

Hebrifoɛ 11:34

benuane see wuronyiwuronyi, benyane bɛ ti ngoa bɔ bandotɔ ngrandɛ noa ɔ, benyane anwoserɛ befili mmerɛyɛlɛ nu, bɛ nwo yɛle se wɔ koɛ nu, na bɛfoane amanvrafoɛ asraafoɛ maa bɛnwatili.

Yosua 23:10

Ɛmɔ nu sona ko kora foa mmenia apee, ofikyɛ AWURADE ɛmɔ Nyameɛ yeɛ ɔko ma ɛmɔ ɔ, kyɛbɔ ɔhyɛle ɛmɔ bɔ ne.

Maenbulɛfoɛ 15:16

Na Samson sele kyɛ, “Mafa afunum awogyee, mamaa efuin mɔ ataataa so kure kure, mafa afunum awogyee mahu mmienzua apee ko.”

Maenbulɛfoɛ 15:17

Odwudwo yiele ne, ogyili awogyee ne tole; na bɛfrɛle berɛ Ramate Lehi.

Maenbulɛfoɛ 3:31

Ehude ewue asi ne, Anate awa Samega dwɔsole, ná ɔfale pɔmaa bɔ bɛfa bɛka nandwie huni Filistifoɛ ɛyaa nzia. Ye koso ɔɔpepɛ lele Yisrael.

Maenbulɛfoɛ 4:21

Nakoso Heberi aye Yaele fale ɛtena sua pɛmbɛen ɔne bɔsobaka otirale. Ɔyɛle nwaa hɔle Sisera nwo berɛ, na ɔbɔle pɛmbɛen ne aso wurale ye so taa nu maa pɛmbɛen ne oowurale ase. Né Sisera afɛ paa, yiti né walafe hatee, na ɔfale nu wuli.

Maenbulɛfoɛ 7:16

Afei, ɔhyɛle koɛhonɛfoɛ ɛyaa nza ne anu kure nza, na ɔfale totorobɛndo wurawurale bɛ mukoraa bɛ sa nu. Osa mane ebiala kwangoa too bɔ ɛtɛen wura nu ɔ.

1 Samuel 14:14

Mmenia bɔ Yonatan ne ye somvoɛ bɔ otira ye akodeɛ ne lili moa huhuni bɛ ne, bɛ somaa kɔyɛ aburanyɔ. Na nekaa bɔ bɛhone ne, berɛ piri kɔyɛ agyirɛ aburahona.

1 Samuel 14:6

Na Yonatan sele ye somvoɛ bɔ otira ye akodeɛ ne kyɛ, “Sɔ bɛmbɛ-bɛ-bienzuafoɛ hemɔ, bɛ koɛhonɛfoɛ atenaleɛ ne, maa yɛpɛ bɔnza ne yɛhɔ dɔ. Ebiaa AWURADE kɔho kɔma yɛ, ofikyɛ nikye fee nzi AWURADE ate kyɛ ɔkɔfa mmenia pee anaa kãa bie so koli ngonim ɔ.”