Maenbulɛfoɛ 15:14 - AHYERƐLƐ KRONGRON

¹⁴ Samson oodwuli Lehi ne, Filistifoɛ bɔle ese beeyiale ye. AWURADE Sunzum wale ye so, na nyamaa bɔ ogua ye sa ne yɛle kyɛ gyese bɔ see atɔ nu ɔ, na nyamaa ne sangye fili ye sa.

Maenbulɛfoɛ 15:14 Iomraidhean Croise

YOB NWOMAA NE 20:5

kyɛ bɔnefoɛ ngɔsoɛ ɔndena berɛ ngyɛ, ɔne kyɛ sona bɔ ɔnze Nyameɛ ne, ye anigye te tikaape bie ɔ?

Edwein 118:11

Bɛpɛle me nwo beyiale, amba, bɛpɛle me nwo beyiale, nakoso AWURADE dumaa nu ti, ngane bɛ nguale!

Edwein 18:34

Okyire me koɛhonɛ, amaa ɔnate so mekora mekondo kɔɔbere agyaen nu.

Ɛksadɔso 14:3

Ofikyɛ Faro kɔha kɔfa Yisraelfoɛ nwo kyɛ, ‘Baaha aseɛ ne aso, na ɛserɛ ne amaa basota berɛ.’

Ɛksadɔso 14:5

Mmerɛ bɔ bɛha behyirele Misraim hene kyɛ mmenia nemɔ anwati nen, ɔne ye mbanyi mɔ benyane adwene foforɛ wɔ mmenia nemɔ anwo, na besele kyɛ, “Nzikyɛ nikye yeɛ yayɔ ye, bɔ yama Yisraelfoɛ ayakyi yɛ solɛ ná bahɔ ye?”

Mika 7:8

Wɔ, me pɔfoɛ, nnɛdi me nwo ahurusi; sɛ mefi ase a, ngodwɔso, sɛ nde awosii nu a, AWURADE yeɛ ɔkɔyɛ me kanea ɔ.

Sakaria 4:6

Na obuale me kyɛ, “AWURADE dwirɛ bɔ ɔkã kyire Serubabɛl ole kyɛ: Nna anwoserɛ ɔ, yeɛ nna tumi ɔ, na mmom me Sunzum ɔ. Asafo AWURADE noa dwirɛ ɛne.

Filipifoɛ 4:3

Yeɛ mesrɛ wɔ koso, mmiɛngo konnuasoalɛniɛ nohorɛniɛ, kyɛ boka mmrasua hemɔ, ofikyɛ bɛbokale me so yeɛ yɛyɔle nzɛmba ne nwo adwuma ɔ, bɛne Klɛmente ne mmiɛngo adwumayɔlɛfoɛ ngaa nemɔ bɔ bahyerɛ bɛ dumaa wɔ ngoa nwomaa ne anu ne.

Maenbulɛfoɛ 14:19

Yeɛ AWURADE Sunzum wale Samson so, na osili nu hɔle Asekelɔn. Ohuni kuro berɛ mmienzua aburasa. Opuropurole bɛ ndaadeɛ yɛle koɛ nu nzesadeɛ. Na ndaadeɛ bɔ bewura bɛkɔ dwaabɔlɛ bo ne, ɔfa brɛle bɛ bɔ behyirele anyandera ne abo ne. Afei ole ɛyaa piri sa hɔle ye baba kuro.

Maenbulɛfoɛ 14:6

AWURADE Sunzum wale ye so, na ole ye sa mbaen tetele gyata ne anu pasaa kyɛ wanya abɔngye ba bie bɔ ɔtete ye nu ɔ. Nakoso wanga bɔ wayɔ ne wangyire ye baba anaa ye maame.

Maenbulɛfoɛ 15:13

Yeɛ bebuale Samson kyɛ, “Daabi, yɛ de, yɛkyekye wɔ mbaen na yɛfa wɔ yɛkowura bɛ sa; yɛngohu wɔ.” Yiti bɛfale nyamaa monɛ nyɔ bɛkyekyele ye, na bɛyele ye befili nyɔboɛ bɔ wasi sua ne anu.

Maenbulɛfoɛ 15:9

Afei Filistifoɛ hɔle bɛɛkyekyele asikyeleɛ wɔ Yuda, na bɛɛbɔle apaa wɔ Lehi.

Maenbulɛfoɛ 16:12

Yiti Delila fale findima monɛ kyekyele Samson, na osele ye kyɛ, “Samson, Filistifoɛ awa wɔ so oo!” (Sɔ mmerɛ ne, né mmenia bɔ bɛtetɛ ye ne, baafea pumbu nu.) Nakoso Samson tetele findima ne anu fili ye sa kyɛ gyese bie.

Maenbulɛfoɛ 16:24

Na mmenia ne nwuni Samson ne, bɛyɛle bɛ nyameɛ ne ayɛ ofikyɛ bɛhane kyɛ, “Yɛ pɔfoɛ bɔ wahũ yɛ nu pee bɔ ɔbɔ yɛ maen ne, yɛ nyameɛ afa ye awura yɛ sa.”

Maenbulɛfoɛ 16:9

Sɔ mmerɛ ne, né mmenia nemɔ baatetɛ wɔ pumbu nu. Na Delila sele Samson kyɛ, “Samson, Filistifoɛ awa wɔ so oo!” Nakoso Samson tetele nyamaa ne anu kyɛ atendirehuo bɔ waha see ɔ. Yiti ye anwoserɛ anwo mvealeɛ dwirɛ ne, bannwu ye.

Maenbulɛfoɛ 3:10

AWURADE Sunzum kanyane Otiniɛl, na Otiniɛl ɔɔlale Yisrael maen ne noa. Ɔhɔle koɛ, na AWURADE fale Siria hene Kusan Risatim wurale ye sa. Olili Kusan Risatim so ngonim.

Maenbulɛfoɛ 5:30

‘Aso nna koɛ nu nzesadeɛ yeɛ bɛsesa bɛkyɛ ɔ? Bienzua biala konya taluwa ko anaa nyɔ; Sisera konya koɛ nu nzesadeɛ ɛtena bɔ bawura ye ayire ɔ, koɛ nu nzesadeɛ ɛtena bɔ bali adwii bagua nu ɔ, koɛ nu nzesadeɛ ɛtena sii nyɔ bɔ bawura ye ayire, bɔ bali adwii bagua nu, bɔ ngɔfa ngogua me kɔme anu ɔ?’

1 Samuel 10:10

Na befili berɛ beedwuli Gibea nen, ngɔmhyɛlɛfoɛ kure wale beeyiale ye, na Nyameɛ sunzum wale ye so, na ɔhyɛle ye bo ɔne bɛ bɔle nu hyɛle ngɔm.

1 Samuel 10:6

Afei AWURADE Sunzum kɔte kɔpe wɔ so, ɛne bɛ kɔbɔ nu kɔhyɛ ngɔm, na ɔkɔmaa ɛkɔsesã kɔyɛ sona foforɛ.

1 Samuel 11:6

Na mmerɛ bɔ Sɔɔlo tele sɔ dwirɛ nen, Nyameɛ sunzum kanyane ye, na ɔfɛle yaa hahii.

1 Samuel 17:35

mefoa ye mepura ye, na mede boaen ne mefi ye noa nu. Na sɛ kaka ne ba me so kyɛ ɔbaahye me a, mesɔ ye awogyee nu mebɔ ye meku ye.

1 Samuel 4:5

Na mmerɛ bɔ AWURADE apam alaka ne dwuli asikyeleɛ ne anu ne, Yisrael amukoraa bɔle ese mane aseɛ wosole.