Maenbulɛfoɛ 14:6 - AHYERƐLƐ KRONGRON

⁶ AWURADE Sunzum wale ye so, na ole ye sa mbaen tetele gyata ne anu pasaa kyɛ wanya abɔngye ba bie bɔ ɔtete ye nu ɔ. Nakoso wanga bɔ wayɔ ne wangyire ye baba anaa ye maame.

Maenbulɛfoɛ 14:6 Iomraidhean Croise

Edwein 91:13

Ɛkɔnate gyata ne ɛbɔnaa so, na ekotiatia gyata akrɔngrɔma ne sasrabɔnzam so.

Yesaya 42:2

Ɔngɔteatea nu, ongodwudwo serɛserɛ, yeɛ ɔngɔma bɛngɔte ye komvi wɔ dwaaso;

Sakaria 4:6

Na obuale me kyɛ, “AWURADE dwirɛ bɔ ɔkã kyire Serubabɛl ole kyɛ: Nna anwoserɛ ɔ, yeɛ nna tumi ɔ, na mmom me Sunzum ɔ. Asafo AWURADE noa dwirɛ ɛne.

Mateo 11:29

Ɛ́mɔfa me kɔnnua ne bɛ́to bɛ nwo so, na ɛ́mɔsua me, ofikyɛ medwo na mebrɛ me nwo ase wɔ ahone nu, na ɛmɔkonya nwomelelɛ bɛkɔma ɛmɔ kra.

Hebrifoɛ 11:33

Bɛ yeɛ ɔnate gyidie so bɛhone belili ahennie ahoroɔ so ngonim ɔ, begyinane bɛmane tenenee, bɛ sa hane bɔhyɛ mɔ, bɛhane gyata mɔ noa bɛtole nu;

1 Yohane 3:8

Ebiala bɔ ɔyɔ bɔne te abɔnzam sona, ofikyɛ ofi ahyɛaseɛ ne yeɛ abɔnzam yɔ bɔne ɔ. Na ɔnate ɛhe ati yeɛ Nyameɛ Awa ne ɔɔlale ye nwo ali kyɛ ɔbaasɛkye abɔnzam nnwumaa.

Maenbulɛfoɛ 11:29

Yeɛ AWURADE Sunzum kanyane Yɛfeta, na Yɛfeta ɔɔpɛle nu Gileade ne Manase. Ɔtoale so hɔle Misepa bɔ ɔwɔ Gileade ne. Ofili Misepa bɔ ɔwɔ Gileade, na ɔpɛle nu fale koɛ ɔɔtoale Amonfoɛ.

Maenbulɛfoɛ 13:25

AWURADE Sunzum hyɛle ye bo kanyane ye wɔ Mahane Dan bɔ ɔwɔ Sora ne Esetao b’afia ne.

Maenbulɛfoɛ 14:19

Yeɛ AWURADE Sunzum wale Samson so, na osili nu hɔle Asekelɔn. Ohuni kuro berɛ mmienzua aburasa. Opuropurole bɛ ndaadeɛ yɛle koɛ nu nzesadeɛ. Na ndaadeɛ bɔ bewura bɛkɔ dwaabɔlɛ bo ne, ɔfa brɛle bɛ bɔ behyirele anyandera ne abo ne. Afei ole ɛyaa piri sa hɔle ye baba kuro.

Maenbulɛfoɛ 14:5

Yeɛ Samson ne ye baba ne ye maame bɛhɔle Timina. Na Samson dwuli Timina bobe boo nemɔ anu ne, mvum nu, gyata akrɔngrɔma bie pole, na ɔwale Samson so.

Maenbulɛfoɛ 14:7

Afei Samson hɔle ɔne braa ne beelili ngɔmɔ, na ye nye gyele braa ne anwo.

Maenbulɛfoɛ 15:15

Samson nwuni afunum awogyee monɛ bie. Ɔkoto fale, na ɔfa huni mmienzua apee ko.

Maenbulɛfoɛ 15:8

Yiti ɔfale koɛ tetale Filistifoɛ huhuni bɛ pasaa; na osili nu ɔɔtenane Etam nyɔbotaen ne anu nekaa bie bɔ nyɔboɛ ne asi sua ɔ.

Maenbulɛfoɛ 16:30

Na Samson sele kyɛ, “Maa me ne Filistifoɛ yɛwu!” Ole ye anwoserɛ amukoraati piane bonima nemɔ; na sua ne bu guale mbanyi ne mmenia bɔ né bayia berɛ ne amukoraati so. Yiti mmenia bɔ ohuni bɛ wɔ ye wue nu ne, bɛsone bɛtra mmenia bɔ ohuni bɛ mmerɛ bɔ né ɔte ase ɔ.

Maenbulɛfoɛ 3:10

AWURADE Sunzum kanyane Otiniɛl, na Otiniɛl ɔɔlale Yisrael maen ne noa. Ɔhɔle koɛ, na AWURADE fale Siria hene Kusan Risatim wurale ye sa. Olili Kusan Risatim so ngonim.

1 Samuel 10:16

Na Sɔɔlo buale ye baba aliɛma bienzua ne kyɛ, “Osele yɛ pefee kyɛ banwu afunum nemɔ.” Nakoso ahennie ne nwo dwirɛ bɔ Samuel ha hyirele Sɔɔlo ne de, wammɔ so wangyire ye.

1 Samuel 10:6

Afei AWURADE Sunzum kɔte kɔpe wɔ so, ɛne bɛ kɔbɔ nu kɔhyɛ ngɔm, na ɔkɔmaa ɛkɔsesã kɔyɛ sona foforɛ.

1 Samuel 11:6

Na mmerɛ bɔ Sɔɔlo tele sɔ dwirɛ nen, Nyameɛ sunzum kanyane ye, na ɔfɛle yaa hahii.

1 Samuel 14:1

Ɛlɛho bie, Sɔɔlo awa Yonatan sele ye somvoɛ bɔ otira ye akodeɛ ne kyɛ, “Filistifoɛ bɛ koɛhonɛfoɛ atenaleɛ bɔ ɔwɔ bɔnza ne asi dɔ ne, maa yɛhɔ dɔ.” Nakoso Yonatan ammɔ ɔse Sɔɔlo amaneɛ.

1 Samuel 17:46

Ɛnɛ kyẽa ye, AWURADE kɔfa wɔ kowura me sa. Ngohũ wɔ ngɔpɛ wɔ ti. Ɛnɛ kyẽa ye, ngɔfa Filisti koɛhonɛfoɛ nemɔ bɛ fuin ngɔma ewienu nnomaa ne aseɛ so ngaka. Na ɔnate so ewiase amukoraa konwu ye kyɛ Nyameɛ bie wɔ Yisrael.