Maenbulɛfoɛ 14:3 - AHYERƐLƐ KRONGRON

³ Nakoso ye baba ne ye maame buale ye kyɛ, “Aso w’abusua nu, anaakyɛ yɛ maen ye anu amukoraati, brasua biala ɔnne nu, bɔ yiti ɔsɛ kyɛ ɛkɔ Filistifoɛ bɔ bɛmbɛ bɛ bienzua ye mɔ anu ekogya braa ɔ?” Nakoso Samson sele ye baba kyɛ, “Kogya ye ma me, ofikyɛ ye yeɛ mekuro ye ɔ.”

Maenbulɛfoɛ 14:3 Iomraidhean Croise

Gyenesise 13:8

Na Abram sele Lɔto kyɛ, “Mesrɛ wɔ, nnɛma aporowaa biala ba me ne wɔ afia, ɔne wɔ ngaka neafoɛ ne me ngaka neafoɛ afia, ofikyɛ yɛbɔ abusua.

Gyenesise 21:27

Afei Abraham mane Abimɛlɛke mmoaen ne nandwie, na bɛ munyɔ bɛyɛle apam.

Gyenesise 34:14

Bebuale bɛ kyɛ, “Yɛyɔ ye sɔ a ɔngɔyɛ yee! Ɔte animguaseɛ ma yɛ kyɛ yɛkɔfa y’eliɛma brasua yɛkɔma sona bɔ ɔppɛle ye bienzua ɔ.

2 Samuel 1:20

Nnɛma ɛmɔbɔ so wɔ Gate, nnɛma ɛmɔbɔ ye nwo dawure wɔ Asekelɔn dwaaso; ɛmɔbɔ so a, Filisti mmrasua koli ahurusi, na mmenia bɔ bɛmbɛ bɛ bienzua ne, bɛ mmrasua nye kɔgye.

Yosua 23:12

Ofikyɛ sɛ ɛmɔanni nahorɛ, ná maen maen hemɔ anu mmenia bɔ baha wɔ ɛmɔ nwo wa ye, ɛmɔ ne bɛ bɔ afɛ, ná ɛmɔgyigya bɛ nwo, bɔ ɛmɔgya bɛ mmrasua ma bɛ koso begya ɛmɔ deɛ a,

Maenbulɛfoɛ 14:2

Yiti osa wale awuro ne, ɔfa tole ye baba ne ye maame nyunu kyɛ, “Manwu Filistiniɛ brasua bie wɔ Timina, yiti ɛmɔɔgya ye bɛma me.”

Maenbulɛfoɛ 15:18

Sɔ mmerɛ ne, né nzuhɔen ku Samson paa, yiti osũ frɛle AWURADE kyɛ, “Ɛnate w’akoaa so ali ngonim kandinga he. Aso nzuhɔen baahu me, maa mmenia bɔ bɛmbɛ bɛ bienzua nemɔ bɛ sa ka me anaa?”

1 Samuel 14:6

Na Yonatan sele ye somvoɛ bɔ otira ye akodeɛ ne kyɛ, “Sɔ bɛmbɛ-bɛ-bienzuafoɛ hemɔ, bɛ koɛhonɛfoɛ atenaleɛ ne, maa yɛpɛ bɔnza ne yɛhɔ dɔ. Ebiaa AWURADE kɔho kɔma yɛ, ofikyɛ nikye fee nzi AWURADE ate kyɛ ɔkɔfa mmenia pee anaa kãa bie so koli ngonim ɔ.”

1 Samuel 17:26

Na Dawide bisale mmenia bɔ begyigyi ye nwo berɛ ne kyɛ, “Sona bɔ okohu sɔ Filistiniɛ he, ná ɔkɔye animguaseɛ kofi Yisrael so ne, nzikyɛ yeɛ bɛkɔfa bɛkɔbɔ ye aba so ɔ? Sɔ Filistiniɛ he bɔ ɔmbɛ ye bienzua ye, ye ole nwa bɔ ɔpɛ Nyameɛ teasefoɛ ye koɛhonɛfoɛ poa ɔ?”

1 Samuel 17:36

W’akoaa ahu gyata mɔ ne kwabrafo mɔ, na sɔ Filistiniɛ he bɔ ɔmbɛ ye bienzua ye de, ɔkɔyɛ kyɛ bɛ nu ko ala, ofikyɛ wapɛ Nyameɛ teasefoɛ koɛhonɛfoɛ nemɔ poa.

1 Samuel 31:4

Na Sɔɔlo sele ye somvoɛ bɔ otira ye akodeɛ ne kyɛ, “Twe wɔ ngrandɛ ne fa wɔ me. Anyɔ a, mmenia hemɔ bɔ bɛmbɛ bɛ bienzua ye, bɛkɔɔfa bie bɛkɔwɔ me ná bagoro me nwo.” Nakoso ye somvoɛ bɔ otira ye akodeɛ ne ambene so kyɛ ɔkɔyɔ sɔ ɔ, ofikyɛ ɛserɛ piri hane ye. Yiti Sɔɔlo fale ye bɔbɔ ye ngrandɛ ne, na ɔtole ye nwo yele so huni ye nwo.