Maenbulɛfoɛ 13:20 - AHYERƐLƐ KRONGRON

²⁰ See gye fili afɔleɛ bokyea ne aso hɔle nyameɛso. Na AWURADE abɔfo ne fale afɔleɛ bokyea see bɔ ogye ne anu hɔle anwuro bɔ né Manoa ne ɔye bɛ nye tua ɔ. Na bɛfale bɛ nyunu bebutubutuli ase.

Maenbulɛfoɛ 13:20 Iomraidhean Croise

Gyenesise 17:3

Afei Abram fale ye nyunu butuli berɛ, na Nyameɛ sele ye kyɛ,

2 Ahemvo 2:11

Begu so bedi ngɔmɔ bɛkɔ ne, mvum nu, see teaseɛnam bie bɔ see mbɔngɔ bɛtwe ɔ ɔɔtetele bɛ munyɔ bɛ nu. Na mvrama bɔ ɔpɛ ye nwo bie fale Elia hɔle nyameɛso.

1 Aberɛso Dwirɛ 21:16

Dawide mane ye ti so, na onwuni AWURADE abɔfo ne kyɛ ogyi nyameɛso ne aseɛ b’afia, bɔ watengyɛ ye ngrandɛ wɔ Yerusalem so ɔ. Na Dawide ne ye mbanyi mɔ bɔ baherahera ɛsɛen tena ɔ, bɛfale bɛ nyunu bebutubutuli berɛ.

1 Aberɛso Dwirɛ 21:21

Dawide pingyele Ɔnan nen, Ɔnan tole ye nye, na onwuni Dawide. Ɔnan fili nekaa bɔ ɔboro aburoo ne ooyiale Dawide, na ɔkotole berɛ fale ye nyunu butuli ase wɔ Dawide nyunu.

1 Aberɛso Dwirɛ 21:26

Dawide sili afɔleɛ bokyea mane AWURADE wɔ berɛ, na ɔbobɔle naen yeralɛ afɔleɛ ne asomdwee afɔleɛ. Dawide bɔle mbaeɛ hyirele AWURADE. Otiele ye mbaeɛ ne, na ɔmane see fili nyameɛso ɔɔyerale Dawide naen yeralɛ afɔleɛ ne wɔ afɔleɛ bokyea ne aso.

Edwein 47:5

Esebɔlɛ nu yeɛ Nyameɛ fa fo kɔ anwuro ɔ, totorobɛndohulɛ nu yeɛ AWURADE ɔfa fo kɔ ɔ.

Hesekiel 1:26

Nikyee tɛtrɛtɛɛ bɔ ɔwɔ bɛ ti so anwuro ne, né nikyee bie bɔ osoma ahennie bia bɔ bafa nyɔboɛ bɔ osoma safire bayɔ ɔ ɔwɔ ye ti so anwuro. Na nikyee bɔ osoma ahennie bia ne, né nikyee bie bɔ ye sue te kyɛ sona ɔ ɔwɔ so anwuro.

Hesekiel 1:28

Na kyɛbɔ nyangondoen bɔ ɔwɔ munungum nu, wɔ kyẽa bɔ esue tɔ ɔ osi te ne, sɔ ala yeɛ ye nwo bɔ né wata hyireinn wabra wayia ne, ɔte ɔ. Ye sɛso ne, osoma AWURADE animnyam ne. Na nwuni ye ne, mvale me nyunu mmutuli berɛ, na ndele bɔ odwudwo ne komvi.

Daniel 10:9

Afei ndele ye komvi, na ndele ye komvi nen, nde ndɔle berɛ nnafele hatee bɔ né me nyunu butu berɛ ɔ.

Lewitikɔso 9:24

See fili AWURADE berɛ ɔɔyerale naen yeralɛ afɔleɛ ne, ɔne ɛloe bɔ ɔwɔ afɔleɛ bokyea ne aso ne. Mmerɛ bɔ mmenia ne amu benwuni ye ne, bɛteateane nu, na bɛfale bɛ nyunu bebutubutuli ase.

Mateo 17:6

Na asuafoɛ nemɔ tele sɔ dwirɛ nen, bɛfale bɛ nyunu bebutubutuli berɛ, na ɛserɛ hane bɛ paa.

Hebrifoɛ 1:3

Ye yeɛ ɔte Nyameɛ animnyam hyireinn ne, ɔne ye sue kaenn, na ole ye tumi dwirɛ ne yeɛ otira nningyein mukoraa nu ɔ. Na ɔtele yɛ nwo fili yɛ bɔne nwo yiele nen, ɔɔtenane Tuminiɛ Nyameɛ sa famaa so wɔ nyameɛso.

Maenbulɛfoɛ 6:19

Yiti Gideon hɔle ye awuro oohuni abɔngye akrɔngrɔma ko tone, na ɔfale esam olonka buru yɔle taterɛ kabrɛdi. Ɔfale naen ne guale kɛndɛen nu, yeɛ ɔfale turoo ne guale kukue nu, na ɔfa brɛle ye wɔ eluii ne abo.

Maenbulɛfoɛ 6:21

Yeɛ AWURADE abɔfo ne, pɔmaa bɔ otira ye ne, ɔfale ye noa ne hane naen ne ɔne taterɛ kabrɛdi ne. Na see gye fili nyɔbotaen ne anu ɔɔyerale naen ne ɔne taterɛ kabrɛdi ne. Na AWURADE abɔfo ne, otu minini fili Gideon nyunu.