Maenbulɛfoɛ 13:18 - AHYERƐLƐ KRONGRON

¹⁸ Nakoso AWURADE abɔfo ne buale ye kyɛ, “Nzu ati yeɛ ebisa me dumaa ɔ? Me dumaa ne te dumaa bɔ ɔyɛ nwanwa paa ɔ.”

Maenbulɛfoɛ 13:18 Iomraidhean Croise

Gyenesise 32:29

Yeɛ Yakob sele ye kyɛ, “Mesrɛ wɔ, bɔ wɔ dumaa kyire me.” Na Biaa ne buale kyɛ, “Nzu ati yeɛ ebisa me dumaa ɔ?” Na oyirale Yakob wɔ berɛ.

Gyenesise 32:30

Yiti Yakob frɛle berɛ Peniɛl, ofikyɛ ɔnwa, “Me nye abɔ Nyameɛ nyunu, nakoso me ngoa tɛ tira me.”

Nehemia 9:5

Yeɛ Lewifoɛ hemɔ: Yesua, Kadimiɛl, Bani, Hasabeneya, Serebia, Hodia, Sebania ne Petahia besele kyɛ, “Ɛ́mɔdwɔso bɛye AWURADE ɛmɔ Nyameɛ ayɛ ofi ɛnɛ bɔ ɔkwaadwu afebɔɔ. W’animnyam dumaa bɔ ɔbo animnyam ne ayɛyelɛ amukoraa so ne, yɛye ye ayɛ.”

Ɛksadɔso 23:21

Suro ye ná tie ye dwirɛ. Nnɛtwi fa ye dwirɛ so, na ɔngɔfa ɛmɔ mmeraatolɛ ngɔhyɛ ɛmɔ, ofikyɛ me dumaa la ye so.

Yesaya 9:5

Ofikyɛ mbaboa biala bɔ koɛhonɛniɛ wafa watia ase kum kum ne, ɔne ataadeɛ biala bɔ bafa bafɔrefɔre mogya ne, bɛkɔfa bɛkɔyɛ eyein bɛkɔsɔ see.

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Maenbulɛfoɛ 13:6

Na braa ne hɔle ɔɔbɔle ohu amaneɛ kyɛ, “Nyameɛ sona bie wale me berɛ, na osoma Nyameɛ abɔfo. Ye nwo yɛ suro paa. Mammisa ye nekaa horɛ bɔ ofi wale ɔ, yeɛ ye koso wammɔ ye dumaa wangyire me.