Maenbulɛfoɛ 13:14 - AHYERƐLƐ KRONGRON

¹⁴ Onni kyɛ odi nikyee biala bɔ ofi bobe nu ɔ. Onni kyɛ ɔno bobe nzaa anaa nzaa serɛserɛ biala, yeɛ onni kyɛ odi nikyee biala bɔ ye nwo nde ɔ. Ahyɛdeɛ bɔ mahyɛ mama ye ne amukoraati, odi kyɛ odi so.”

Maenbulɛfoɛ 13:14 Iomraidhean Croise

Yeremia 35:6

Nakoso bebuale kyɛ, “Yɛngɔno nzaa biala, ofikyɛ yɛ nana Yonadabo bɔ ye baba ole Rekabo ne, ɔfale ahyɛdeɛ mane yɛ kyɛ, ‘Nnɛma ɛmɔno nzaa kyẽa biala le, ɛmɔ ne ɛmɔ boso ama mɔ;

Numeri 6:2

“Ka kyire Yisraelfoɛ kyɛ, Sɛ bienzua anaa brasua bie bɔ anohoba sonongo, bɔ ɔte nasiritefoɛ anohoba, kyɛ watu ye nwo wasie berɛ wama AWURADE a,

Numeri 6:4

Mmerɛ amukoraa bɔ ɔtɛ te nasiriteniɛ ne, onni kyɛ odi nikyee biala bɔ bafa bobe bayɔ ɔ, kyɛ bafa ye mma anaakyɛ ye boen po yeɛ bayɔ hɔ oo.

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Yohane 15:14

Sɛ ɛmɔdi m’ahyɛdeɛ so a, ye de ɛmɔte me damvo mɔ.

Yohane 2:5

Na Yesu maame sele asomvoɛ nemɔ kyɛ, “Bɔ ɔkɔhã kohyire ɛmɔ biala, ɛ́mɔyɔ.”

Deuteronomi 12:32

“Bɔ méhyehyɛ méma ɛmɔ biala, ɛ́mɔnea yé kyɛ ɛmɔkoli so ɔ. Nnɛfa bie boka so, yeɛ nnɛye bie fi nu.

2 Tɛsalonika 3:4

Na y’adwene si pi wɔ ɛmɔ nwo wɔ Awurade nu, kyɛ edwirɛ bɔ yɛfale ye nwo ahyɛdeɛ yɛmane ɛmɔ ne, ɛmɔdi so, na ɛmɔkɔhɔ so bekoli so.

Maenbulɛfoɛ 13:4

Nea yé né anno bobe nzaa anaa nzaa serɛserɛ biala, yeɛ nnɛdi nikyee biala bɔ ye nwo nde ɔ,

Maenbulɛfoɛ 13:7

Nakoso osele me kyɛ, ‘Ɛkɔnwonzɛ kɔwo baa bienzua. Yiti nnɛno bobe nzaa anaa nzaa serɛserɛ biala, yeɛ nnɛdi nikyee biala bɔ ye nwo nde ɔ, ofikyɛ akwadaa ne kɔyɛ nasiriteniɛ kɔma Nyameɛ fi ye aworɛ nu kɔpem kyẽa bɔ okowu ɔ.’ ”