Maenbulɛfoɛ 12:5 - AHYERƐLƐ KRONGRON

⁵ Yeɛ Gileadefoɛ hɔle asue Yɔɔdan apɛleɛ nemɔ beegyinagyinane berɛ, kyɛbɔ Efraimfoɛ bengonya ate bɛngɔnwati ɔ. Na Efraimfoɛ bɔ bɛnwati ne, sɛ bɛ nu bie ka kyɛ, “Ɛ́mɔma mbɛ asue ne” a, né Gileadefoɛ babisa ye kyɛ, “Ɛte Efraimniɛ anaa?” Na sɛ obua kyɛ “Daabi” a,

Maenbulɛfoɛ 12:5 Iomraidhean Croise

1 Ahemvo 11:26

Nebate awa Yeroboam te Efraimniɛ. Ofi Sereda. Né ɔte Solomon somvoɛ, na oni ole kunaniɛ bie bɔ bɛfrɛ ye Serua. Yeroboam yɛle Nana Solomon nwo lɔen.

Yosua 2:7

Yiti Yeriko hene bɔfoɛ nemɔ pole bɛ so wɔ asue Yɔɔdan atee ne aso alaa beedwuli apɛleɛ nemɔ. Na Yeriko hene bɔfoɛ nemɔ hɔle pɛ, yeɛ kuro berɛ ama tole pambim ne anu ɔ.

Yosua 22:11

Yisraelfoɛ ngaa ne tele kyɛ Rubenfoɛ, Gadefoɛ ne Manase abusua kure ne bue basi afɔleɛ bokyea wɔ Kanaan aseɛ ɛwɛen so, wɔ asue Yɔɔdan porɛ ne anu berɛ, wɔ Yisraelfoɛ ngaa ne b’aseɛ so.

Maenbulɛfoɛ 12:4

Yeɛ Yɛfeta boaboale Gileade koɛhonɛfoɛ amukoraa noa, na ɔne Efraim bɛɛhone, ofikyɛ Efraimfoɛ sele kyɛ, “Ɛmɔ Gileadefoɛ, ɛmɔte mmenia bɔ ɛmɔabɔ ko bafi Efraim ne Manase ɔ.” Na Gileadefoɛ lili Efraim so ngonim.

Maenbulɛfoɛ 12:6

né base ye kyɛ, nzaade ka ‘Hyibolɛte’ maa yɛtie. Ɔnate kyɛ ɔngora nga ‘Hyibolɛte’ yé ne ati, ɔka ye ‘Sibolɛte’. Sɛ ɔba ye sɔ a, Gileadefoɛ kye sɔ sona ne beku ye wɔ asue Yɔɔdan apɛleɛ berɛ. Efraimfoɛ apee aburanna ne nyɔ yeɛ bɛtotɔle sɔ mmerɛ ne ɔ.

Maenbulɛfoɛ 17:7

Né aberandeɛ bie fi Betlehem bɔ ɔwɔ Yuda. Ofi Yuda abusua nu. Ɔte Lewiniɛ bɔ waatena berɛ ɔ.

Maenbulɛfoɛ 3:28

Osele bɛ kyɛ, “Ɛ́mɔli me si, ofikyɛ AWURADE afa ɛmɔ pɔfoɛ Moabofoɛ wawura ɛmɔ sa.” Yiti belili ye si, na beetuale Yɔɔdan apɛleɛ nemɔ bɔ bamma Moaboniɛ biala wambɛ ye wangɔ ye si dɔ ɔ.

Maenbulɛfoɛ 7:24

Gideon somane mmenia maa bɛhɔle Efraim mmokaa aseɛ ne amukoraa so beesele berɛ ama kyɛ, “Ɛ́mɔtorotoro beeyia Midianfoɛ nemɔ, ná ɛ́mɔle asue Yɔɔdan befi bɛ sa nu maa oodwu Bete Bara.” Yiti Efraim mmienzua amukoraati boale bɛ noa, na beelele asue Yɔɔdan befili bɛ sa nu alaa maa oodwuli Bete Bara.

1 Samuel 1:1

Né biaa bie wɔ berɛ bɔ bɛfrɛ ye Ɛlkana. Ofi Ramatim Sofim bɔ ɔwɔ Efraim mmokaa aseɛ ne aso. Ɔse ole Yeroham bɔ ɔse ole Elihu bɔ ɔse ole Tohu bɔ ye koso ɔse ole Efraimniɛ Sufe ne.