Maenbulɛfoɛ 12:4 - AHYERƐLƐ KRONGRON

⁴ Yeɛ Yɛfeta boaboale Gileade koɛhonɛfoɛ amukoraa noa, na ɔne Efraim bɛɛhone, ofikyɛ Efraimfoɛ sele kyɛ, “Ɛmɔ Gileadefoɛ, ɛmɔte mmenia bɔ ɛmɔabɔ ko bafi Efraim ne Manase ɔ.” Na Gileadefoɛ lili Efraim so ngonim.

Maenbulɛfoɛ 12:4 Iomraidhean Croise

1 Ahemvo 17:1

Tisibeniɛ Elia bɔ ofi Tisibe bɔ ɔwɔ Gileade ne, osele Ahabo kyɛ, “AWURADE Yisrael Nyameɛ teasefoɛ bɔ yeɛ ngyi ye nyunu ne, kyɛbɔ ɔte ase ye de, mekã kyɛ, bosue anaa esue ngɔpe ase afoɛ ye mɔ anu, sana mafa me noa dwirɛ mama ye nwo ate koraka.”

Nehemia 4:4

(Na mmɔle mbaeɛ kyɛ), “Yɛ Nyameɛ, tie, ofikyɛ bemmu yɛ kyɛ yɛte mmenia po. B’anyinga bɔ bɛkã yɛ ne, maa ɔbɔ bɛ bɔbɔ bɛ ti so, na maa ebiemɔ bɛfa bɛ kyɛ koɛ nu nzesadeɛ bɛhye bɛ nnure bɛhɔ maen foforɛ aso.

Edwein 78:9

Efraimfoɛ koɛhonɛfoɛ bɔ betiratira agyaen ɔ, bɛnwati befili koɛ noa koɛhonɛ kyẽa ne.

Anyandera 12:13

Bɔnefoɛ noa dwirɛ tɛɛ osua ye bɔbɔ ye ngaen kye ye, nakoso teneneeniɛ de, onya ye ti didi nu fi amaneɛ nu.

Anyandera 15:1

Ɛyɛ wɔ noa bɛtɛɛ ɛma mmuayɛɛ a, ɔma ahone tɔ nzue nu, nakoso edwudwo fumfum a, ye de ɔma ahone hu.

Maenbulɛfoɛ 11:10

Yeɛ Gileade mbanyi sele Yɛfeta kyɛ, “AWURADE yeɛ ɔte yɛ ne wɔ adanzeɛ ɔ: yɛkoli bɔ aha ne aso pɛpɛɛpɛ.”

Maenbulɛfoɛ 12:3

Na nwuni kyɛ ɛmɔngɔpepɛ bengole me ne, mvale me ngoa ndole serewa, mbɛle ɛwɛen ne mvale koɛ ngɔndetale Amonfoɛ, na AWURADE fale bɛ wurale me sa. Nzu ati yeɛ ɛnɛ ye de ɛmɔawa me so bɔ ɛmɔ ne me baaho ye?”

Maenbulɛfoɛ 12:5

Yeɛ Gileadefoɛ hɔle asue Yɔɔdan apɛleɛ nemɔ beegyinagyinane berɛ, kyɛbɔ Efraimfoɛ bengonya ate bɛngɔnwati ɔ. Na Efraimfoɛ bɔ bɛnwati ne, sɛ bɛ nu bie ka kyɛ, “Ɛ́mɔma mbɛ asue ne” a, né Gileadefoɛ babisa ye kyɛ, “Ɛte Efraimniɛ anaa?” Na sɛ obua kyɛ “Daabi” a,

1 Samuel 25:10

Nakoso Nabal buale Dawide somvoɛ nemɔ kyɛ, “Nwa ole sɔ Dawide ne? Nwa ole sɔ Yese awa ne? Ngoaa mɔ bɔ ɛlɛsa ye bɛnwati befi bɛ mene mɔ nwo ne, bɛsone pee.