Maenbulɛfoɛ 11:39 - AHYERƐLƐ KRONGRON

³⁹ Bosome nyɔ ne ayieleɛ, osa wale ye baba berɛ, na ye baba fale ye yɔle nikyee bɔ wahyɛ ye nwo bɔ ne. Né onnwuni biaa le. Yiti ɛhe mane amammerɛ bie ɔɔlale berɛ mane Yisraelfoɛ kyɛ,

Maenbulɛfoɛ 11:39 Iomraidhean Croise

2 Aberɛso Dwirɛ 35:25

Yeremia koso tole Yosia nwo awuye dwein. Na edweintolɛfoɛ mmienzua ne mmrasua amukoraa bɛbɔ Yosia dumaa wɔ b’awuye dwein mɔ nu maa waadwu ɛnɛ. Bɛmaa ɔyɛle amammerɛ wɔ Yisrael, na bahyerɛ ye wɔ Awuye dwein nwomaa ne anu.

Yesaya 66:3

“Sona bɔ oku nandwie ne, ɔte kyɛ bɔ oku mmenia ɔ ala, bɔ ɔfa boaen bɔ afɔleɛ ne, ɔte kyɛ bɔ obu kyea kɔme anu ɔ, bɔ ɔbɔ aburoo afɔleɛ ne, ɔte kyɛ bɔ ɔfa prako mogya bɔ afɔleɛ ɔ, bɔ ɔyera ɛyɛɛ ne, ɔte kyɛ sona bɔ ɔsɔ amoen ɔ. Bɛ de, bali bɛ bɔbɔ bɛ ti piri, na b’akyiwadeɛ nemɔ yeɛ bɛ kra nye gye ye nwo ɔ.

Deuteronomi 12:31

Nnɛfa sɔ atee ne aso sɔne AWURADE wɔ Nyameɛ, ofikyɛ musue nningyein mukoraati bɔ ɔte AWURADE akyiwadeɛ ne yeɛ bayɔ bama bɛ nyameɛ nemɔ ɔ. Bɛyera bɛ mma mmienzua ne mmrasua po wɔ see nu bɛfa bɛbɔ afɔleɛ bɛma bɛ nyameɛ nemɔ.

Maenbulɛfoɛ 11:31

ye de sɛ medi Amonfoɛ so ngonim meyie ná mesa meba a, sona bɔ okofi m’awuro kofite kooyia me ne, ɔkɔyɛ AWURADE deɛ, na ngɔfa ye ngɔbɔ ɛyeralɛ afɔleɛ.”

Maenbulɛfoɛ 11:38

Yɛfeta buale ye kyɛ, “Atee la ase.” Na ɔmane ye ate bosome nyɔ. Yiti ɔne ye mmango mɔ bɛhɔle mmokaa nemɔ aso, na bɛɛbɔle awuye wɔ ye ababunuyɛlɛ, bɔ wannwu biaa le, bɔ ɔfa kɔ wue ne anwo.

Maenbulɛfoɛ 11:40

afoɛ biala, Yisrael mmrasua betu ɛlɛnna besie berɛ bekosu Gileadeniɛ Yɛfeta ɔwa brasua ne.

1 Samuel 1:11

Na Hana hyɛle bɔ kyɛ, “O Asafo AWURADE, sɛ ahaa ɛkɔpɛ wɔ nye kɔnea w’afaneɛ aworabɔlɛ, ná ɛkɔkaye me, ná amma wɔ wora amvi w’afaneɛ, ná mmom ɛma w’afaneɛ baa bienzua a, ye de ngɔfa ye ngɔma wɔ AWURADE mmerɛ amukoraa bɔ ɔte ase ɔ; na dɛmaa biala ngɔtɔ ye ti so.”

1 Samuel 1:22

Nakoso Hana de wangɔ bie, na ɔha hyirele ohu kyɛ, “Sɛ akwadaa ne pɛ nyɔfone a, ngɔfa ye ngɔɔma AWURADE, na ɔkɔtena dɔ mmerɛ biala.”

1 Samuel 1:24

Ɔpɛle akwadaa ne nyɔfone nen, ɔne ye bɛhɔle AWURADE awuro wɔ Silo, ɔwɔ nu kyɛ né akwadaa ne onnyini. Ɔfale ɛhemɔ koso bokale so: nandwie nyii bɔ wali afoɛ nza ɔ, esam graa ko, yeɛ bobe nzaa kɔndoa ko.

1 Samuel 1:28

Yiti me koso, mafa ye mahyɛ AWURADE. Na mmerɛ amukoraa bɔ ɔte ase ne, mafa ye mama AWURADE.” Na bɛsɔnene AWURADE wɔ berɛ.

1 Samuel 2:18

Né Samuel de, ɔte akwadaa bɔ ɔso AWURADE ɔ. Né owura ɔsɔfo somvoɛ ataadeɛ bɔ ɔte nwera ɔ.