Maenbulɛfoɛ 11:36 - AHYERƐLƐ KRONGRON

³⁶ Na osele ɔse kyɛ, “Baba, sɛ ahyɛ AWURADE bɔ de a, ye de kekesaala ye bɔ AWURADE amaa atɔ wɔ pɔfoɛ Amonfoɛ so wereɛ ye, kyɛbɔ ato wɔ noa nu tui aha ne, fa sɔ ala yɔ me.”

Maenbulɛfoɛ 11:36 Iomraidhean Croise

2 Samuel 18:19

Yeɛ Sadoke awa Ahimaase sele kyɛ, “Maa ndu amirika mva ndɛenvɛen he ngɔmɔ Nana Dawide amaneɛ, kyɛ AWURADE ale ye wafi ye pɔfoɛ mɔ sa nu.”

2 Samuel 18:31

Afei Kuseniɛ ne oodwuli berɛ; na osele kyɛ, “Nana, me mene, ndɛenvɛen yeɛ mafa mabrɛ wɔ ɔ. Ofikyɛ ɛnɛ AWURADE ali wɔ dwirɛ wama wɔ, na mmenia mukoraa bɔ bedwɔso betiale wɔ ne, wale wɔ wafi bɛ sa nu.”

2 Samuel 19:30

Yeɛ Mefibosɛte sele Nana Dawide kyɛ, “Nana, me mene, awuro bɔ asa awa asomdwee nu ne yeɛ ohia ɔ, yiti maa ɔfa ye mukoraa.”

Numeri 30:2

Sɛ bienzua bie hyɛ AWURADE bɔ, anaakyɛ sɛ ɔta ndaen fa foa edwirɛ bie aso a, onni kyɛ obu edwirɛ bɔ waha ne aso. Odi kyɛ ɔyɔ bɔ wato ye noa nu tui waha ne biala.

Asomafoɛ 20:24

Nakoso me de, memva he menyɛ hwee, yeɛ me ngoa koso memva menyɛ hwee; amaa ɔnate so mahora mafa anigye mayie me natelɛ ne Awurade Yesu asɛmbatrɛ adwuma bɔ ɔfa mane me kyɛ nni Nyameɛ adom nzɛmba ne nwo adanzeɛ ne.

Asomafoɛ 21:13

Nakoso obuale yɛ kyɛ, “Na esuɛ ye koso ɛ? Bɔ bɛyɔ sɔ bɛma m’aba nu bu ye! Me de, nna kuku nu nnaa ngome yeɛ masiesie me nwo mama ɔ, na mmom kyɛ Awurade Yesu dumaa ti ngowu wɔ Yerusalem ɔ.”

Romanfoɛ 16:4

bɛ yeɛ bɛfale bɛ ngoa bɛtole serewa bɛmane me ɔ. Nna me ngome yeɛ meda bɛ ase ɔ, na mmom Amaenmaensofoɛ asɔre ne amukoraa koso bɛda bɛ ase.

Filipifoɛ 2:30

Ofikyɛ, Kristo adwuma ne ati ɔhale kãa maa owuli, na ɔfale ye ngoa tole serewa gyinane ɛmɔ gya nu kyɛ ɔkɔso me.

Yosua 12:2

Amorifoɛ hene Sihon bɔ ɔtenane Hesebon, bɔ olili hene fite Aroye bɔ ɔwɔ Anɔn bɔnza ne noa, fite bɔnza ne afia ne, bɔ ɔkwaadwu asue Yabɔko, bɔ ɔte Amonfoɛ ɛwɛen ne. Sɔ aseɛ ne amukoraa te Gileade bue;