Maenbulɛfoɛ 11:21 - AHYERƐLƐ KRONGRON

²¹ Yeɛ AWURADE Yisrael Nyameɛ fale Sihon ne ye mmenia amukoraa wurale Yisrael sa, na Yisraelfoɛ lili bɛ so ngonim. Yiti Amorifoɛ bɔ bɛ yeɛ né bɛte maen ne anu ne, Yisrael fale b’aseɛ amukoraa.

Maenbulɛfoɛ 11:21 Iomraidhean Croise

2 Aberɛso Dwirɛ 13:16

Yisraelfoɛ nemɔ nwati fili Yudafoɛ nemɔ nyunu, na Nyameɛ fale bɛ wurale Yudafoɛ sa.

2 Aberɛso Dwirɛ 13:5

Ɛmɔnze kyɛ AWURADE Yisrael Nyameɛ, ɔnate ngyee apam so fale Yisrael maen ne aso ahennie mane Dawide ne ye boso ama afebɔɔ ɔ?

Ɛksadɔso 23:31

Ngɔto wɔ wɛen ngofi Ɛpo Kɔkorɛ noa maa okoodwu Filistifoɛ mboanoa, fi ɛserɛ so kodwu asue Yufreti noa. Ofikyɛ ngɔmaa ɛmɔkoli aseɛ ne asofoɛ so ngonim, ná afoa bɛ afi wɔ nyunu.

Amose 2:9

Nakoso Amoriniɛ bɔ ye tendenn te kyɛ sida bakaa ne, bɔ ye nwo yɛ se kyɛ eluii ne, nguni ye wɔ bɛ nyunu. Nzɛkyele ye mmakaammaa wɔ anwuro, yeɛ nzɛkyele ye ndii wɔ ye bo.

Numeri 21:24

Yisrael le ngrandɛ huni ye, na bɛfale ye aseɛ ne fite asue Anɔn kɔpem Yabɔko, toonn kɔpem Amorifoɛ nemɔ dɔ; ofikyɛ né Amorifoɛ nemɔ abɔ b’ɛwɛen ne anwo waen pambee.

Deuteronomi 2:32

Afei Sihon wale yɛ so, ɔne ye lɔen amukoraati, kyɛ bɛ ne yɛ baaho koɛ wɔ Yahase.

Yosua 6:2

Na AWURADE sele Yosua kyɛ, “Tie, mafa Yeriko ne ye hene ne ye koɛhonɛfoɛ mɔ mawura wɔ sa.

Maenbulɛfoɛ 11:20

Nakoso Sihon wanne Yisrael wanni, yiti wamma ye ate maa wamva ye aseɛ ne aso. Na Sihon boaboale ye koɛhonɛfoɛ amukoraati noa. Bɛkyekyele asikyeleɛ wɔ Yahase, na bɛ ne Yisrael hone.