Maenbulɛfoɛ 11:2 - AHYERƐLƐ KRONGRON

² Gileade ne ɔye koso bɛwole mma mmienzua. Na ɔye mma mmienzua nemɔ nyini ne, betuli Yɛfeta befili awuro berɛ, na bɛhane kyɛ, “Yɛ ne wɔ ngɔhyɛ yɛ baba agyapadeɛ, ofikyɛ wɔ maame ngome.

Maenbulɛfoɛ 11:2 Iomraidhean Croise

Gyenesise 12:10

Afei ɛhɔen piri bie wale aseɛ ne aso. Na ɔnate kyɛ ɛhɔen ne te piri ne ati, Abram hɔle Misraim ɔɔtenane berɛ yɛle wɔfoɛ.

Gyenesise 21:10

Yiti osele Abraham kyɛ, “Foa afaneɛ he ne ɔwa ne ma bɛhɔ, ofikyɛ sɔ afaneɛ he awa ɔne mma Yisake bɛngɔbɔ nu bengoli bia ko.”

Anyandera 2:16

Nworɛ kole wɔ kofi brasua sanzaniɛ sa nu, kofi gyanderaniɛ bɔ ye noa dwirɛ te menemene ɔ sa nu.

Anyandera 5:20

Mma, nzu ati yeɛ odi kyɛ ɛma brasua sanzaniɛ ye hurolɛ di wɔ ti maa ɛsosɔ brasua foforɛ nyɔfone nu ɔ?

Anyandera 5:3

Ofikyɛ brasua sanzaniɛ ye noa dwirɛ te kyɛ woɛ bɔ ɔpepe ɔ, na ye noa te menemene tra aloko;

Galatiafoɛ 4:30

Nakoso Ahyerɛlɛ ne nwa nzɛ? Ɔnwa, “Foa afaneɛ ne ne ɔwa ne; ofikyɛ afaneɛ n’awa ne, ɔne dehyeɛ n’awa ne, bɛngɔbɔ nu bengoli bia.”

Deuteronomi 23:2

“Ebiala bɔ bɛbɔle adwaman bɛwole ye ne, nnɛmaa ɔba AWURADE badwa nu. Ye boso ama bɔ ɔkwaadwu aworɛ ndoatoasoɛ bɔ ɔtɔ so buru po, nnɛma ebiala ba AWURADE badwa nu.

Maenbulɛfoɛ 11:1

Gileadeniɛ Yɛfeta bɔ oni te gyanderaniɛ ne, né ɔte koɛhonɛniɛ ahoneserɛniɛ. Yɛfeta ɔse ole Gileade.

Maenbulɛfoɛ 11:3

Yiti Yɛfeta nwati fili oliɛma nemɔ anwo ɔɔtenane Tobo aseɛ so. Na mmenia biemɔ bɔ benni dwirɛ ngɔ kuro so fale bɛ tena bɛɛbɔle Yɛfeta deɛ noa, bɔ né ɔne bɛ kɔbɔ apaa ɔ.