Maenbulɛfoɛ 11:10 - AHYERƐLƐ KRONGRON

¹⁰ Yeɛ Gileade mbanyi sele Yɛfeta kyɛ, “AWURADE yeɛ ɔte yɛ ne wɔ adanzeɛ ɔ: yɛkoli bɔ aha ne aso pɛpɛɛpɛ.”

Maenbulɛfoɛ 11:10 Iomraidhean Croise

Gyenesise 16:5

Na Sarae sele Abram kyɛ, “Edwirɛ tɛɛ bɔ ɔfa di me ne, ɔkɔbɔ wɔ ti so. Me yeɛ mvale m’afaneɛ mane wɔ kyɛ ɛne ye bɛla ɔ, nakoso onwuni kyɛ ɔnwonzɛ nen, afei de ommu me. Mesrɛ kyɛ AWURADE obua wɔ ne me y’afia ndɛen!”

Gyenesise 21:23

yiti fa Nyameɛ ta ndaen kyire me kyɛ ɛngɔlakalaka me, anaa me mma, anaa me boso ama. Na kyɛbɔ mali nahorɛ mama wɔ ne, sɔ ala yeɛ di nahorɛ ma me ne aseɛ bɔ aayɛ so ɛwɔfoɛ ne ɔ.”

Gyenesise 31:50

Sɛ ɛteetee me mma mmrasua nemɔ, anaa sɛ egya braa foforɛ boka me mma nemɔ aso a, ɔwɔ nu kyɛ sona biala ɔbboka yɛ so wɔ ɛwa de, nakoso kaye kyɛ Nyameɛ yeɛ ɔte yɛ munyɔ y’afia danzeniɛ ɔ.”

Gyenesise 31:53

Abraham Nyameɛ bɔ ɔte Nahɔ Nyameɛ na osa te bɛ baba Nyameɛ ne, óbua me ne wɔ y’afia ndɛen.” Yiti Yakob fale Nyameɛ bɔ ɔse Yisake suro ye ne tale ndaen.

Ɛksadɔso 20:7

“Nnɛbɔ AWURADE wɔ Nyameɛ dumaa mbaen mbaen; ofikyɛ ebiala bɔ ɔkɔbɔ AWURADE dumaa mbaen mbaen ne, ɔngɔma ɔngɔfa ye nwo ngoli tɔtorɔtɔɔ.

Yeremia 29:23

ofikyɛ bali ngwaseasɛm wɔ Yisrael, na bɛ ne bɛ mmango mɔ aye mɔ bala, na bafa me dumaa bahã ngondombo dwirɛ, bɔ mamva ye nwo ahyɛdeɛ mamma bɛ ɔ. Me yeɛ mese, ná nde adanzeniɛ ɔ, AWURADE noa dwirɛ ɛne.’ ”

Yeremia 42:5

Yeɛ besele Yeremia kyɛ, “AWURADE ɔ́yɛ y’afia danzeniɛ nahorɛniɛ turoloo, sɛ AWURADE wɔ Nyameɛ dwirɛ amukoraa bɔ wafa wasoma wɔ kyɛ ɛhã hyire yɛ ne, sɛ yanni so pɛpɛɛpɛ a.

Mika 1:2

Ɛ́mɔtie, maen maen mɔ amukoraa; ao aseɛ ne bɔ ɔwɔ so amukoraa, ɛ́mɔyɛ asoɛ bétie, mesrɛ kyɛ AWURADE Nyameɛ ooli adanzeɛ otia ɛmɔ; kyɛ AWURADE ófi ye asɔneyɛɛ sua krongron ne anu yeɛ ɔ́yɔ sɔ ɔ.

Sakaria 5:4

Ngɔsoma ye maa ɔkɔhɔ, Asafo AWURADE noa dwirɛ ɛne, na okowura awueniɛ n’awuro, yeɛ bɔ ɔfa me dumaa ta ndaen mbaen ɔ awuro; okosikye ye awuro berɛ, na ɔkɔyera awuro ne, nu mmakaa ne nu nyɔboɛ.”

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Romanfoɛ 1:9

Nyameɛ bɔ meso ye sunzum nu, ná mebɔ Ɔwa ne nzɛmba ne dawure ne, odi me adanzeɛ kyɛ nnyakyili ɛmɔ dumaa bɔlɛ le wɔ me mbaeɛbɔlɛ nu.

2 Korintofoɛ 11:31

Na Nyameɛ bɔ ɔte y’Awurade Yesu Kristo Baba, bɔ ɛkamvolɛ te ye deɛ daa daa ne, ɔse kyɛ membɛ ngondombo.

Deuteronomi 1:16

Na sɔ mmerɛ ne, nhyɛle ɛmɔ ndɛenbualɛfoɛ nemɔ kyɛ, “Ɔsɛ kyɛ ɛmɔtie edwirɛ bɔ ɔkɔwa ɛmɔ aliɛma mɔ afia ɔ, ná ɛmɔbua ndɛen turoloo, ɔmva ye nwo kyɛ sona ne te ɛmɔ aliɛma Yisraelniɛ, anaakyɛ ɛwɔfoɛ bɔ waatena ɛmɔ nu ɔ.

Maenbulɛfoɛ 11:9

Yɛfeta buale Gileade mbanyi nemɔ kyɛ, “Sɛ ɛmɔsa bɛfa me bɛkɔ me kuro maa me ne Amonfoɛ yɛkɔko, ná sɛ AWURADE fa bɛ wura me sa a, ye de ngɔla ɛmɔ noa.”

1 Samuel 12:5

Yeɛ osele bɛ kyɛ, “Ɛnɛ kyẽa ye, AWURADE te ɛmɔ danzeniɛ, yeɛ ye sona bɔ wapopa ye ngoo ne koso ɔte ɛmɔ danzeniɛ, kyɛ ɛmɔ nikye fee oollili me berɛ.” Na bebuale kyɛ, “Ɔte danzeniɛ.”

1 Samuel 24:12

Me ne wɔ yɛ munyɔ, AWURADE yeɛ okohyire bɔ odi fɔ ɔ! AWURADE yeɛ ɔkɔtɔ wɔ so wereɛ kɔma me ɔ. Nakoso me de, mengɔfa me sa ngɔhã wɔ.