Maenbulɛfoɛ 10:9 - AHYERƐLƐ KRONGRON

⁹ Amonfoɛ koso pɛle asue Yɔɔdan bɛhɔle ye si, na bɛfale koɛ bɛɛtetale Yuda, Benyamin yeɛ Efraim boso ama; na ɛhe mane Yisrael nwo hyerele ye paa.

Maenbulɛfoɛ 10:9 Iomraidhean Croise

2 Aberɛso Dwirɛ 14:9

Yitiopianiɛ Sera fale koɛhonɛfoɛ apepesrala ko yeɛ teaseɛnam ɛyaa nza, na ɔfale koɛ ɔɔtoale Yuda. Ɔwale alaa oodwuli Maresa.

2 Aberɛso Dwirɛ 15:5

Sɔ mmerɛ nemɔ anu, né ɔyɛ suro kyɛ ekotu wɔ gya ɔ, ofikyɛ né amaneɛ mbiri mbiri atoto maen maen mɔ nu mmenia amukoraa.

Deuteronomi 28:65

Wɔ nwo ngɔtɔ wɔ le wɔ sɔ maen nemɔ aso, yeɛ engonya amandena wɔ berɛ. AWURADE kɔfa ahunundetelɛ kɔto wɔ so wɔ berɛ; wɔ nye kɔyɛ wusiwusi, na wɔ wora kɔbɔ.

Maenbulɛfoɛ 10:10

Yiti Yisraelfoɛ sũ frɛle AWURADE kyɛ, “Yayɔ bɔne yatia wɔ, ofikyɛ wɔ bɔ ɛte yɛ Nyameɛ ne, yayakyi wɔ si lilɛ yaaso Baal mɔ.”

Maenbulɛfoɛ 10:8

Bemiane Yisraelfoɛ nu, na bɛhyɛle bɛ so sɔ afoɛ ne. Yisraelfoɛ amukoraa bɔ né bɛwɔ asue Yɔɔdan si dɔ, wɔ Amorifoɛ aseɛ bɔ ɔwɔ Gileade so ne, Filistifoɛ hyɛle bɛ so afoɛ buru ne mmɔtwɛ.

Maenbulɛfoɛ 11:4

Mmerɛ bie asi ne, Amonfoɛ fale koɛ bɛɛtetale Yisrael.

Maenbulɛfoɛ 2:15

Kyɛbɔ AWURADE bɔle bɛ kɔkɔ ná osa tale ye nwo ndaen hyirele bɛ ne, mmerɛ biala bɔ bɛhɔle koɛ ne, AWURADE yele ye sa fili bɛ bo maa musue tole bɛ, na bɛ nwo hyerele bɛ paa.

Maenbulɛfoɛ 6:2

Midian lili Yisrael so, na ɔnate Midian ti, Yisraelfoɛ bɔle bɛ nwo adwaa wɔ mmokaa so, nyɔboɛ bɔ wasi sua mɔ nu, ɔne anwoserɛ afealeɛ mɔ nu.

1 Samuel 13:6

Yisraelfoɛ nwuni kyɛ koɛ ne anu ayɛ se ama bɛ, (ofikyɛ né Filistifoɛ ama koɛhonɛfoɛ nemɔ ali amia). Na bɛɛfeafeale nyɔboɛ bɔ wasi sua nu, ngumaa nu, nyɔbotaen nu, asieleɛ ne abura mɔ nu.

1 Samuel 28:15

Afei Samuel bisale Sɔɔlo kyɛ, “Nzu ati yeɛ agyegye me amaa mafi ɛborɔ dɔ mawa ɔ”? Na Sɔɔlo buale kyɛ, “Edwirɛ piri paa ato me, ofikyɛ Filistifoɛ afa koɛ batoa me. Nakoso Nyameɛ ayakyi me nu, na ɔmva ngɔmhyɛlɛfoɛ so anaa laleɛ nu mmua me ko. Yiti yeɛ mafrɛ wɔ kyɛ eehyire me bɔ nyɔ ɔ.”