Maenbulɛfoɛ 10:6 - AHYERƐLƐ KRONGRON

⁶ Yisraelfoɛ sa yɔle bɔ ɔte bɔne wɔ AWURADE nyunu ɔ. Bɛsɔnene Baal ne Astarote mɔ, Siria nyameɛ mɔ, Sidon nyameɛ mɔ, Moabo nyameɛ mɔ, Amonfoɛ nyameɛ mɔ, yeɛ Filistifoɛ nyameɛ mɔ. Yiti bɛyakyili AWURADE si lilɛ, na banzɔne ye.

Maenbulɛfoɛ 10:6 Iomraidhean Croise

1 Ahemvo 11:33

Ofikyɛ Solomon apo me waasɔne Sidonfoɛ bosoen brasua Asetate ɔne Moabofoɛ bosoen Kemose, yeɛ Amonfoɛ bosoen Milkom, na wanni me dwirɛ so. Wanyɔ bɔ ɔtengyɛ wɔ me nye so ɔ, yeɛ wanni m’ahyɛdeɛ ne me nhyehyɛleɛ so kyɛbɔ ye baba Dawide de olili so ne.

1 Ahemvo 11:5

Na Solomon sɔnene Sidonfoɛ bosoen brasua Asetate, ɔne Amonfoɛ bosoen Milkom bɔ ɔte akyiwadeɛ ne.

1 Ahemvo 11:7

Afei Solomon sili asɔneyɛɛ mane Moabofoɛ bosoen Kemose bɔ ɔte akyiwadeɛ ne, ɔne Amonfoɛ bosoen Moleke bɔ ɔte akyiwadeɛ ne wɔ bokaa bɔ ɔwɔ Yerusalem eyia afiteleɛ ne aso.

1 Ahemvo 16:31

Nebate awa Yeroboam bɔne bɔ Ahabo yɔle bie ne, sɔ bɔne ne po saa né ɔte kãa: Ahabo oogyale Sidonfoɛ hene Etebaal ɔwa brasua Yesebɛl, na ɔsole bosoen Baal sɔnene ye.

2 Ahemvo 17:16

Bɛpole AWURADE bɛ Nyameɛ mmeraa dwirɛ amukoraa, na behurole nikyee bɛfa bɛyɔle nandwie mmaa amoen nyɔ bɛfale. Begyinane Asera dosii, na bɛsɔnene nyameɛso abɔdeɛ pembepembe amukoraati, na bɛsole Baal.

2 Ahemvo 23:13

Asɔneyɛɛ nemɔ bɔ bɛwɔ Yerusalem eyia afiteleɛ so, wɔ Ewue Bokaa ne ngwaen, bɔ Yisrael hene Solomon osi mane Sidonfoɛ bosoen Asetate bɔ ɔte akyiwadeɛ, Moabofoɛ bosoen Kemose bɔ ɔte akyiwadeɛ ɔne Amonfoɛ bosoen Milkom bɔ ɔte akyiwadeɛ ne, Nana Yosia fale efiɛ hane bɛ.

2 Aberɛso Dwirɛ 28:23

Ofikyɛ Damasko bɔ wali ye Ahase so ngonim ne, Ahase bɔle afɔleɛ mane bɛ mmosoen. Na ɔhane kyɛ, “Ɔnate kyɛ Siria ahemvo bɛ mmosoen mɔ aboka bɛ ne ati, ngɔbɔ afɔleɛ ngɔma bɛ amaa ɔnate so baboka me.” Nakoso ɔnate bɛ so yeɛ AWURADE brɛle ye ne Yisrael amukoraa ase ɔ.

Edwein 106:36

Bɛsɔnene bɛ mmosoen nemɔ, na ɛhe yɛle bɛ so ngaen.

Yesaya 23:4

O Sidon, ɛpo nu anwoserɛ afealeɛ, maa ɔyɛ wɔ nya, ofikyɛ ɛpo nwa: “Mmvole aworɛ so le, yeɛ nnwole baa le, nndetele mmerandeɛ le, yeɛ nndetele ndaluwa le.”

Yeremia 2:13

Ofikyɛ me maen abɔ musue nyɔ: bapo me, me bɔ nde ngoa nzue mbombonzue ne, yeɛ baatu bɛ bɔbɔ b’abura mɔ, abura bɔ ye nwo adwudwa, bɔ nzue ngora nu gyina ɔ.

Yeremia 2:20

Ofikyɛ ofi tete yeɛ mmubuli wɔ kɔnnua nu, yeɛ mmubuli wɔ panwu nu ɔ, na ɛhane kyɛ, “Mengɔso wɔ!” Nahorɛ nu, ɛkotole mmosoen ɛbɔle adwaman wɔ bokaa tendenn biala so ne bakaa monɛ biala abo.

Yeremia 32:23

Na bɛwale aseɛ ne aso bɛɛfale. Nakoso bandie wɔ dwirɛ, yeɛ banni wɔ mmeraa ne aso. Na ahyɛdeɛ amukoraa bɔ ɛfa mane bɛ kyɛ beli so ne, banni so. Ye sɔ ati yeɛ aprapra musue he amukoraa agua bɛ so ye.

Hesekiel 27:16

Ɔnate wɔ dwaa nningyein pee ne ati yeɛ Siria ɔne wɔ belili dwaa ɔ. Ɔfale ɛmerade nyɔboɛ, adaabene, ɛtena bɔ bali adwii bagua nu, nwera paa, nyɔboɛ nahanaha ne nyɔboɛ bɔ oli agate yeɛ ɔsesane wɔ dwaa nningyein ɔ.

Deuteronomi 13:6

“Na sɛ eliɛma bienzua, ɛse awa bienzua anaa eni awa bienzua, anaa ɛwa bienzua anaa brasua, anaa ɛye bɔ ɔla w’ahone nwo, anaa ebiɛngo bɔ ɛne ye bɛbɔ kyiremvua bɛtafe po lakalaka wɔ ahameɛ kyɛ, ‘Maa yɛɛso nyameɛ foforɛ biemɔ’ (bɔ wɔ anaa wɔ nana mɔ bɛnze bɛ),

Deuteronomi 13:8

nnɛpene so, nnɛtɛ ye so, nnɛnwu ye anwumvoin, nnɛmaa ɔfa ye nwo di, yeɛ nnɛbutubutu ye dwirɛ ne aso.

Deuteronomi 31:16

Na AWURADE sele Mose kyɛ, “Ɔngɔhyɛ biala, ɛkɔtoa wɔ mbanyi mɔ. Nakoso mmenia hemɔ de, Amaenmaensofoɛ nyameɛ mɔ bɔ bɛwɔ aseɛ bɔ bɛ́kɔ so ne aso ne, bɛkɔbɔ adwaman bekooli bɛ si. Bɛkɔpo me, yeɛ bekobu m’apam bɔ me ne bɛ yɛyɛle ne aso.

Deuteronomi 31:17

M’ahone kohu bɛ so sɔ kyẽa ne, ngɔpo bɛ, ngɔye me nye ngofi bɛ so, bɛ pɔfoɛ mɔ kohũhũ bɛ, na musue ne amaneɛ pee kɔtoto bɛ. Na sɔ kyẽa ne yeɛ bɛkɔhã kyɛ, ‘Aso nna yɛ Nyameɛ bɔ ɔnne yɛ nu wa bie ye ati yeɛ amaneɛ hemɔ atoto yɛ ye?’

Deuteronomi 32:15

“Yakob didili mane ye ko yili, Yesurun yɛle branoa, na ɔyɛle lɔen. Ɛyɛle twɔtwɔfee, ɛyɛle piri bɔ ɛpakye ɔ. Afei ɔyakyili Nyameɛ bɔ ɔbɔle ye ne si lilɛ, na ɔpole Nyɔbotaen bɔ ɔte ye ngoalelɛ ne.

Yosua 13:31

Gileade bue, Astarote ne Yedrei, Ogo ahennie nu nguro bɔ bɛwɔ Basan. Mose fale sɔ aseɛ ne amukoraa mane Manase awa Makyiri ye bosofoɛ, kyɛbɔ bɛ mmusua mmusua nemɔ te ɔ; kyɛ ɔyɛ Makyirifoɛ bue nu ko deɛ.

Maenbulɛfoɛ 10:5

Yari wuli na besiele ye wɔ Kamon.

Maenbulɛfoɛ 11:24

Aso nna nikyee bɔ wɔ nyameɛ Kemose wafa wama wɔ ne yeɛ odi kyɛ ɛfa ɔ? Nikyee biala bɔ AWURADE yɛ Nyameɛ wali so ngonim wafa wama yɛ ne, aso nna yɛ yeɛ odi kyɛ yɛfa ɔ?

Maenbulɛfoɛ 13:1

Yisraelfoɛ sa yɔle bɔ ɔte bɔne wɔ AWURADE nyunu ɔ, na AWURADE fale bɛ wurale Filistifoɛ sa afoɛ aburanna.

Maenbulɛfoɛ 16:23

Afei Filistifoɛ mbanyi bɔle dwaa kyɛ bɛbɔ afɔleɛ kandinga bɛma bɛ nyameɛ Dagɔn, ná bɛgye bɛ nye; ofikyɛ bɛhane kyɛ, “Yɛ nyameɛ yeɛ wafa yɛ pɔfoɛ Samson wawura yɛ sa ɔ.”

Maenbulɛfoɛ 3:7

Yisraelfoɛ yɔle bɔ ɔte bɔne wɔ AWURADE nyunu ɔ. Bɛmane bɛ wora fili AWURADE bɛ Nyameɛ, na bɛsɔnene Baal mɔ ne Asera mɔ.

Maenbulɛfoɛ 4:1

Ehude wue asi ne, Yisraelfoɛ sa yɔle bɔ ɔte bɔne wɔ AWURADE nyunu ɔ.

Maenbulɛfoɛ 6:1

Yisraelfoɛ yɔle bɔ ɔte bɔne wɔ AWURADE nyunu ɔ, na AWURADE fale bɛ wurale Midian sa afoɛ nzoo.

Maenbulɛfoɛ 8:33

Gideon wuli pɛ yeɛ Yisraelfoɛ hyɛle ye bo besa bɛɛsɔnene Baal mɔ ɔ, na bɛfale Baal Berite bɛkakyili bɛ nyameɛ.

1 Samuel 5:2

Afei Filistifoɛ fale Nyameɛ apam alaka ne bɛhɔle bosoen Dagɔn sua nu, na bɛfa besiele Dagɔn nwo berɛ.