Maenbulɛfoɛ 10:4 - AHYERƐLƐ KRONGRON

⁴ Ye mma mmienzua te aburasa, na né bɛ nu biala le ye ti anwo afunum bɔ ɔtena so ɔ. Né bele nguro aburasa wɔ Gileade mbɔtam, bɔ ɔbaadwu ɛnɛ ye bɛfrɛ bɛ Yari nguro ɔ.

Maenbulɛfoɛ 10:4 Iomraidhean Croise

2 Samuel 16:2

Yeɛ Nana Dawide bisale Siba kyɛ, “Sɔ nningyein hemɔ, ɛfa bayɔ nzu?” Na Siba buale kyɛ, “Afunum nemɔ, méfa mebrɛ Nana awuro ama maa bɛtena so. Paanoo ne ɔne borɔdoma ne, bɛte mmerandeɛ nemɔ deɛ bɔ bekoli ɔ, yeɛ nzaa ne koso ɔte bɛ bɔ bɛ nwo kɔyɛ bɛ hodwoo wɔ ɛserɛ so ne deɛ.”

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Numeri 32:41

Manase awa Yari hɔle oolili bɛ nguraa nemɔ aso ngonim, na osa tole bɛ dumaa Hawote Yari.

Deuteronomi 3:14

Manase bosoniɛ Yari, ɔho fale Agɔbo bɔ besa bɛfrɛ ye Basan ne. Mekyire aseɛ amukoraa bɔ ɔkwaadwu Gesurefoɛ ne Maakatifoɛ ɛwɛen so ne, na ɔfale ye dumaa tole so kyɛ, Hawote Yari, na dumaa ne la so maa waadwu ɛnɛ.)

Maenbulɛfoɛ 10:3

Tola wue asi ne, Gileadeniɛ Yari tuli ye nwo siele berɛ buli Yisrael maen ne afoɛ aburanyɔ ne nyɔ.

Maenbulɛfoɛ 10:5

Yari wuli na besiele ye wɔ Kamon.

Maenbulɛfoɛ 12:14

Né ole mmaa mmienzua aburanna ne nnomaa mmienzua aburasa. Sɔ mmenia aburasoo ne, né bɛ nu biala le ye ti anwo afunum bɔ ɔtena so ɔ. Abedon buli Yisraelfoɛ maen ne afoɛ mmɔtwɛ.

Maenbulɛfoɛ 5:10

Ɛmɔ bɔ ɛmɔtete afunum fufue mɔ so ɔ, ɛmɔ bɔ ɛmɔtete bɛen paa so ɔ, ɔne ɛmɔ bɔ ɛmɔnate atee noa ɔ, ɛ́mɔto ye nwo dwein.