Maenbulɛfoɛ 10:16 - AHYERƐLƐ KRONGRON

¹⁶ Yiti begyili Amaenmaensofoɛ nyameɛ mɔ bɔ bɛwɔ bɛ berɛ ne beguale, na bɛsole AWURADE. Na Yisrael amaneɛnwunɛ ne yɛle AWURADE ahomete.

Maenbulɛfoɛ 10:16 Iomraidhean Croise

Gyenesise 6:6

Na AWURADE nuni ye nwo kyɛ wayɔ sona wato aseɛ ye aso ɔ, na ɔyɛle ye yea soma.

2 Ahemvo 13:23

Nakoso AWURADE lole bɛ, na onwuni bɛ anwumvoin. Ɔnate ye apam bɔ ɔne Abraham, Yisake ne Yakob yɛle ne ati, ɔpɛnene ye nye neane Yisrael. Na wangukũ bɛ, yeɛ wambɛ bɛ asue wamvi ye nyunu maa waadwu ɛnɛ.

2 Aberɛso Dwirɛ 15:8

Asa tele ngɔm bɔ Odɛde awa Asaria hyɛle nen, osili ye hue, na akyiwadeɛ mmosoen mɔ bɔ bɛwowɔ Yuda ne Benyamin aseɛ so amukoraa, ɔne bɔ bɛwɔ nguro bɔ ɔho lele wɔ Efraim mmokaa aseɛ nemɔ aso ne, otutuli bɛ bo fili berɛ. AWURADE afɔleɛ bokyea bɔ ɔwɔ AWURADE awuro abrannaa ne anyunu berɛ ne, osa siesiele ye yɛle ye yé.

2 Aberɛso Dwirɛ 33:15

Otutuli maenmaensofoɛ mɔ nyameɛ nemɔ ne mmosoen nemɔ abo fili AWURADE awuro berɛ, na afɔleɛ mmokyea amukoraa bɔ osisili bɛ wɔ AWURADE awuro bokaa ne aso ɔne Yerusalem ne, ɔyeyele oogyi guale kuro ne asi dɔ.

2 Aberɛso Dwirɛ 7:14

ná me maen bɔ me dumaa la bɛ so ɔ, bɛbrɛ bɛ nwo ase, bɛbɔ mbaeɛ, bɛpena me si atee, ná bɛsakyera b’adwene befi brabɔlɛ tɛɛ ne anwo a, ye de ngotie bɛ sufrɛ wɔ nyameɛso, ngɔfa bɛ bɔne ngɔhyɛ bɛ, ná masa b’aseɛ ne anwonyerɛ.

Edwein 73:21

Mmerɛ bɔ me kra lili aworabɔlɛ ne, mmerɛ bɔ mmotole ne,

Yesaya 63:9

Bɛ yealɛlilɛ amukoraa nu ne, ɔyɛle ye yea, na ye nyunu abɔfo ne, ɔpepɛ lele bɛ; ɔnate ye dɔ ne ye anwumvoinnwunɛ ne aso ɔpepɛ lele bɛ, ɔpagyale bɛ, na ododole bɛ wɔ daa tete mmerɛ ne amukoraa.

Yeremia 31:20

Aso Efraim, ɔte mma bɔ ɔla m’ahone nwo ɔ? Aso ɔte baa bɔ me nye gye ye nwo ɔ? Mmerɛ pee bɔ metwi ye nyunu ne, yeɛ mekɔ so mekaye ye ɔ. Yiti me kunu tete me ma ye, amba, ngonwu ye anwumvoin, AWURADE noa dwirɛ ɛne.

Hosea 11:8

Ao Efraim, ɔkɔyɛ sɛɛ né maye wɔ mama? Ao Yisrael, ɔkɔyɛ sɛɛ né maye me sa mafi wɔ bo? Ɔkɔyɛ sɛɛ né masɛkye wɔ kyɛ Adema? Ɔkɔyɛ sɛɛ né mabɔ wɔ tɔɔ kyɛ Seboyim? Me nyaa woso wɔ me kunu, ao, m’anwumvoinnwunɛ ayɛ piri paa.

Hosea 14:8

Ao Efraim, nzikyɛ yeɛ me ne mmosoen yɛle ye yɛyɔ bieku ɔ? Me yeɛ mema ye mmuayɛɛ, ná menea ye so ɔ; nde kyɛ ɛframmire monɛ bɔ ye nyaa mboro ɔ, na me so yeɛ enya wɔ mmakaammaa ɔ.

Mika 7:18

Nwa yeɛ ɔte Nyameɛ kyɛ wɔ, bɔ ɔfa amumuyɛɛ kyɛ, bɔ obu ye nye gua ye agyapadeɛ ngaa bɛ mmeraatolɛ so ɔ? Ɔmma ye yaafɛlɛ ndena berɛ afebɔɔ, ofikyɛ ye nye gye anwumvoinnwunɛ nwo.

Luka 15:20

Yiti odwɔsole sili nu kyɛ osa kɔ ye baba berɛ. Na ɔwɔ dedeede nen, yeɛ ye baba nwuni ye ɔ, na ɔyɛle ye anwumvo, na baba ne tuli amirika ɔɔfale ye sa tole ye kɔme anu, na ɔyɛle ye awaawaatuu.

Luka 19:41

Na opingyele kuro ne, ná ɔtole ye nye neane ye nen, osũ mane ye kyɛ,

Yohane 11:34

Na obisale kyɛ, “Nisua yeɛ ɛmɔfale ye bɛtole ɔ?” Bebuale ye kyɛ, “Awurade, bra baanea.”

Ɛfesofoɛ 4:32

Ɛmɔhurohuro ɛmɔ nwo dwirɛ, ɛ́mɔnwu ɛmɔ nwo anwumvoin, ná ɛ́mɔfa bɛhyehyɛ ɛmɔ nwo, kyɛbɔ Nyameɛ nate Kristo so wafa wahyɛ ɛmɔ ne.

Deuteronomi 32:36

Amba, AWURADE kobua ye mmenia be, okonwu ye ngoaa anwumvoin, mmerɛ bɔ okonwu kyɛ b’anwoserɛ ayie, bɔ ebiala nne berɛ bɔ waha, bɔ ɔte akoaa anaa dehyeɛ ɔ.

Hebrifoɛ 3:10

Yiti mvɛle sɔ aworɛ ndoatoasoɛ ne so yaa, na ngane kyɛ, ‘Daa biala bedi bɛ bɔbɔ bɛ ti piri, na bɛnze atee bɔ mefa so meyɔ me nningyein ɔ.’

Hebrifoɛ 4:15

Yɛ sɔfo panyi paa he de, ɔtte ebie bɔ ɔngora nnwu yɛ anwumvoin wɔ yɛ mmerɛyɛlɛ nu ɔ; na mmom ɔte ebie bɔ besole ye bɛneane wɔ atee biala so kyɛ yɛ ala, nakoso wanyɔ bɔne ɔ.

Yosua 24:23

Na osele kyɛ, “Nzaade ɛ́mɔgyi Amaenmaensofoɛ nyameɛ mɔ bɔ ɛmɔle ye ne begua, ná ɛ́mɔfa ɛmɔ nwo bɛ́ma AWURADE Yisrael Nyameɛ.”

Maenbulɛfoɛ 2:18

Mmerɛ biala, sɛ né AWURADE ye maenbulɛfoɛ ma bɛ a, AWURADE gyina maenbulɛfoɛ nemɔ si. Na mmerɛ amukoraa bɔ maenbulɛniɛ ne te ase ne, AWURADE de bɛ fi bɛ pɔfoɛ mɔ sa nu. Ofikyɛ ndaneanyeɛ ne nhyɛsoɛ bɔ bɛ pɔfoɛ nemɔ fa di bɛ ne, aworabɔlɛ bɔ ɔmaa bedi ne, AWURADE fa ye nye to, na onwu bɛ anwumvoin.

1 Samuel 12:10

Afei besu bɛfrɛle AWURADE kyɛ, “Yayɔ bɔne, ofikyɛ yayakyi AWURADE si lilɛ yaaso Baal mɔ ne Astarote mɔ. Nakoso, de yɛ fi yɛ pɔfoɛ mɔ sa nu, na yɛkɔso wɔ.’

1 Samuel 7:3

Afei Samuel sele Yisrael awuro ama amukoraati kyɛ, “Sɛ ɛmɔ ahone nu paa yeɛ ɛmɔsa bɛba AWURADE berɛ a, nzaade ɔsɛ kyɛ ɛmɔye Amaenmaensofoɛ nyameɛ mɔ ne mmosoen Astarote befi ɛmɔ nu begyi begua. Ɔsɛ kyɛ ɛmɔtu ɛmɔ nwo besie berɛ bɔkɔɔ bɛma AWURADE, ná ɛmɔso ye ngome, na okole ɛmɔ kofi Filistifoɛ sa nu.”

1 Samuel 7:4

Yiti Yisraelfoɛ gyili Baal mɔ ne Astarote mɔ beguale, na bɛsole AWURADE ngome.