Maenbulɛfoɛ 10:14 - AHYERƐLƐ KRONGRON

¹⁴ Nyameɛ mɔ bɔ ɛmɔafa ɛmɔ ti baawura bɛ bo ne, ɛmɔɔsu behyire bɛ maa bele ɛmɔ wɔ ɛmɔ anwokyere mmerɛ ye anu.”

Maenbulɛfoɛ 10:14 Iomraidhean Croise

2 Ahemvo 3:13

Elisa sele Yisrael hene kyɛ, “Ɛpena nzu me dɔ? Kɔ ɛse ngɔmhyɛlɛfoɛ ne eni ngɔmhyɛlɛfoɛ nemɔ dɔ.” Nakoso Yisrael hene buale ye kyɛ, “Daabi, ɔyɛ me kyɛ AWURADE yeɛ waboa yɛ ahemvo nza ye yɛ noa kyɛ ɔbaafa yɛ wura Moabo sa ɔ.”

Yesaya 10:3

Nzu yeɛ ɛmɔkɔyɔ ye wɔ asohwenɛ kyẽa ne ɔne amaneɛnwunɛ bɔ okofi dedeede kɔwa ne anu ɔ? Nwa berɛ yeɛ ɛmɔkɔnwati bɛkɔɔpena mmokalɛ ɔ, nisua yeɛ ɛmɔkɔyakyi ɛmɔ anwonya ne ɔ?

Yesaya 46:7

Bɛfa ye besie bɛ kɔme anwo, bɛsoa ye, besikye ye besie ye boso, berɛ ala yeɛ ogyi ɔ; na ɔngora ndu ye bo mvi nekaa bɔ ogyi ne. Sɛ sona sũ frɛ ye a, ɔngora ndɛ ye so, yeɛ ɔngora mbepɛ nnne ye mvi ye amaneɛ nu.

Yesaya 57:13

Sɛ esu pena mmokalɛ a, ma wɔ mmosoen bɔ aboaboa bɛ noa nemɔ bɛpepɛ bele wɔ! Mvrama kopia bɛ mukoraa kɔhɔ, nwomeɛ kɔbɔ bɛ kɔhɔ. Nakoso sona bɔ ɔkɔɔbɔ ye nwo adwaa wɔ me nu ne de, ye yeɛ ɔkɔfa aseɛ ne kɔtena so ɔ, na me bokaa krongron ne kɔyɛ ye agyapadeɛ.

Yeremia 2:28

Nakoso wɔ mmosoen bɔ agyinagyina ama wɔ bɔbɔ wɔ nwo ne, bɛwɔ nisua? Sɛ bɛkɔhora bɛkɔpepɛ bekole wɔ wɔ w’amaneɛ mmerɛ nu a, maa bedwɔso e! Ao Yuda, kyɛbɔ wɔ nguro nemɔ bɛ somaa te ne, sɔ ala yeɛ wɔ mmosoen nemɔ bɛ somaa te ɔ.

Hesekiel 20:39

“Na ɛmɔ, Yisrael awuro ama, AWURADE Nyameɛ nwa nyoo: Sɛ ɛmɔngotie me dwirɛ de a, nzaade afei ɛmɔ nu biala ɔhɔ ɔɔso ye mmosoen. Nakoso ye si ye, nnɛma ɛmɔfa ɛmɔ akyɛdeɛ ne ɛmɔ mmosoen ne begua me dumaa krongron ne nwo fiɛ ko.