Maenbulɛfoɛ 1:4 - AHYERƐLƐ KRONGRON

⁴ Yuda abusua kure sili nu, na AWURADE fale Kanaanfoɛ ne Perisifoɛ wurale bɛ sa. Belili bɛ nu apee buru so ngonim wɔ Beseke.

Maenbulɛfoɛ 1:4 Iomraidhean Croise

1 Ahemvo 22:15

Oodwuli Nana Ahabo berɛ ne, Nana Ahabo bisale ye kyɛ, “Mikaya, yɛhɔ yɛɛho yɛle Ramote Gileade anaakyɛ yɛyakyi?” Mikaya buale kyɛ, “Kɔ na koli ngonim. Nana, AWURADE kɔfa kuro ne kowura wɔ sa.”

1 Ahemvo 22:6

Yiti Yisrael hene boaboale ngɔmhyɛlɛfoɛ nemɔ noa. Bɛ somaa te kɔyɛ ɛyaa nna. Na obisale bɛ kyɛ, “Mva koɛ ngɔndoa Ramote Gileade, anaa nyakyi?” Bebuale kyɛ, “Nana, kɔ, ofikyɛ AWURADE kɔfa kuro ne kowura wɔ sa.”

Edwein 44:2

Wɔ bɔbɔ deinn wɔ tumi yeɛ ɛfa foane maen maen nemɔ ɔ, nakoso yɛ nana mɔ de, ɛfale bɛ ɛɛtenane aseɛ ne aso; ɛpraprale amaneɛ guale maen maen nemɔ aso, nakoso yɛ nana mɔ de, ɛbɔle bɛ atenaseɛ.

Edwein 78:55

Ɔfoane maen maen mɔ fili bɛ nyunu; ɔhyɛle b’aseɛ maa bɛfa bɛyɛle b’agyapadeɛ, na ɔmane Yisrael mmusua kure nemɔ bɛtenatenane b’ɛtena sua nemɔ anu.

Deuteronomi 7:2

ná sɛ AWURADE wɔ Nyameɛ fa bɛ wura wɔ sa, ná edi bɛ so ngonim a, ye de ɔsɛ kyɛ ekuku bɛ bɔkɔɔ. Nnɛne bɛ yɛ apam, yeɛ nnɛnwu bɛ anwumvoin.

Deuteronomi 9:3

Yiti nwu ye ɛnɛ kyẽa ye kyɛ, AWURADE wɔ Nyameɛ yeɛ oli wɔ nyunu ɔkwaapɛ asue ɔ, na ɔte see bɔ ogye wuronyiwuronyi ɔ. Okoli bɛ so ngonim, ná wabrɛ bɛ ase wɔ wɔ nyunu; amaa ɔnate so afoa bɛ afi berɛ, ná ahũhũ bɛ ndɛndɛ so, kyɛbɔ AWURADE ahyɛ wɔ bɔ ne.

Maenbulɛfoɛ 1:3

Yeɛ Yuda abusua kure sele oliɛma Simeon abusua kure kyɛ, “Baaboka me wɔ aseɛ bɔ bafa bama me ne aso, maa yɛ ne Kanaanfoɛ yɛho; na me koso me ne wɔ kɔhɔ ngɔɔboka wɔ ma wɔ sa kɔha w’aseɛ deɛ bɔ bafa bama wɔ ne.” Yiti Simeon ne ye bɛhɔle.

Maenbulɛfoɛ 1:5

Bɛɛtole Adoni Beseke wɔ Beseke. Bɛfale koɛ bɛtetale ye, na belili Kanaanfoɛ ne Perisifoɛ so ngonim.

Maenbulɛfoɛ 11:32

Yiti Yɛfeta pɛle nu hɔle Amonfoɛ berɛ ɔfale koɛ ɔɔtetale bɛ, na AWURADE fale bɛ wurale ye sa.

Maenbulɛfoɛ 3:5

Yiti Yisraelfoɛ bɛ ne Kanaanfoɛ, Hitifoɛ, Amorifoɛ, Perisifoɛ, Hiwifoɛ ɔne Yebusifoɛ bɛbɔle nu bɛtenane aseɛ ne aso.

1 Samuel 11:8

Na Sɔɔlo hale bɛ wɔ Beseke nen, né bɛ bɔ befi Yisrael ne bɛte apee ɛyaa nza, yeɛ bɛ bɔ befi Yuda ne koso bɛte apee aburasa.

1 Samuel 14:10

Nakoso sɛ bɛka kyɛ, ‘Ɛ́mɔfo bɛbra yɛ wa’ a, ye de yɛkɔfo kɔhɔ, ofikyɛ okyire kyɛ AWURADE afa bɛ awura yɛ sa. Na ɛhe yeɛ ɔkɔyɛ sɛngyerɛnneɛ kɔma yɛ ɔ.”

1 Samuel 14:6

Na Yonatan sele ye somvoɛ bɔ otira ye akodeɛ ne kyɛ, “Sɔ bɛmbɛ-bɛ-bienzuafoɛ hemɔ, bɛ koɛhonɛfoɛ atenaleɛ ne, maa yɛpɛ bɔnza ne yɛhɔ dɔ. Ebiaa AWURADE kɔho kɔma yɛ, ofikyɛ nikye fee nzi AWURADE ate kyɛ ɔkɔfa mmenia pee anaa kãa bie so koli ngonim ɔ.”