Maenbulɛfoɛ 1:2 - AHYERƐLƐ KRONGRON

² Na AWURADE buale kyɛ, “Yuda abusua kure yeɛ odi kyɛ odi moa ɔkɔ ɔ. Mafa aseɛ ne mawura ye sa.”

Maenbulɛfoɛ 1:2 Iomraidhean Croise

Numeri 2:3

Yuda bɛ koɛhonɛfoɛ kure ne yeɛ odi kyɛ bɛkyekye asikyeleɛ kure kure wɔ eyia afiteleɛ ɔ. Aminadabo awa Nason yeɛ odi kyɛ otua Yuda boso ama nemɔ bɛ noa ɔ.

Numeri 7:12

Aminadabo awa bienzua Nason bɔ ofi Yuda abusua kure nu ne yeɛ ɔfale ye afɔleɛ deɛ wale kyẽa bɔ oli moa ne ɔ.

Hebrifoɛ 7:14

Na ebiala se ye pefee kyɛ y’Awurade fi Yuda abusua nu; yeɛ Mose koso ammɔ sɔ abusua kure he dumaa wammata sɔfolilɛ nwo.

Yosua 2:24

Na besele Yosua kyɛ, “Amba, AWURADE afa aseɛ ne amukoraa wawura yɛ sa. Ɔnate yɛ ti ahunundetelɛ atɔ aseɛ ne aso ama mukoraati so dada.”

Nyekyire 5:5

Yeɛ mbanyi nemɔ nu ko sele me kyɛ, “Nea, nnɛsũ, na Yuda abusua kure nu Gyata ne, Dawide Ndii ne, wali ngonim bɔ okobukye nwomaa ne anu, ná ɔkɔtete ye nzɔanoɛ nzoo nemɔ anu ɔ.”

Maenbulɛfoɛ 1:3

Yeɛ Yuda abusua kure sele oliɛma Simeon abusua kure kyɛ, “Baaboka me wɔ aseɛ bɔ bafa bama me ne aso, maa yɛ ne Kanaanfoɛ yɛho; na me koso me ne wɔ kɔhɔ ngɔɔboka wɔ ma wɔ sa kɔha w’aseɛ deɛ bɔ bafa bama wɔ ne.” Yiti Simeon ne ye bɛhɔle.

Maenbulɛfoɛ 20:18

Yisraelfoɛ sili nu bɛhɔle Betel beebisale Nyameɛ kyɛ, “Yɛ nu abusua kure beni yeɛ oli moa ɔfa koɛ ɔɔteta Benyaminfoɛ ɔ?” Na AWURADE buale kyɛ, “Yuda abusua kure yeɛ odi kyɛ odi moa ɔkɔ ɔ.”

Maenbulɛfoɛ 20:28

na Finehase bɔ ɔse ole Aarɔn awa Eleasa ne, ye yeɛ né ɔte sɔfo wɔ Nyameɛ alaka ne nyunu ɔ.) Bebisale AWURADE kyɛ, “Yɛfa koɛ yɛɛteta y’eliɛma mɔ Benyaminfoɛ bieku, anaakyɛ yɛyakyi?” Na AWURADE buale kyɛ, Ɛmɔɔho, ofikyɛ ɛhema ngɔfa bɛ ngowura ɛmɔ sa.”