Maenbulɛfoɛ 1:19 - AHYERƐLƐ KRONGRON

¹⁹ Né AWURADE gyi Yuda si, na Yuda ho fale bokaa aseɛ ne. Nakoso wangora wandu aseɛ frɛtɛɛ ne aso ama wamvi berɛ, ofikyɛ né bele buralɛ teaseɛnam mɔ.

Maenbulɛfoɛ 1:19 Iomraidhean Croise

Gyenesise 39:2

Na AWURADE gyinane Yosef si, maa ɔɔyɛle sona bɔ ye nwo ba mvorɛ ɔ, na ɔtenane ye mene Misraimniɛ n’awuro.

Gyenesise 39:21

Nakoso AWURADE gyinane Yosef si, na ɔlole ye; onwuni ye anwumvoin maa kuku nu neafoɛ ne hurole ye dwirɛ.

2 Samuel 5:10

Dawide hɔle so nyane ngɔsoɛ, ofikyɛ AWURADE, Asafo Nyameɛ gyinane ye si.

2 Ahemvo 18:7

Nikyee biala bɔ ɔyɔle ne, oyiele ye yé ofikyɛ AWURADE gyinane ye si. Ɔyɛle Asiria hene nwo lɔen, na wanzo ye.

Edwein 46:11

Asafo AWURADE gyi yɛ si; Yakob Nyameɛ te y’anwoserɛ afealeɛ. Sela

Edwein 46:7

Asafo AWURADE gyi yɛ si; Yakob Nyameɛ te y’anwoserɛ afealeɛ. Sela

Edwein 46:9

Ɔmaa koɛ bo ɔpɛ alaa kɔka aseɛ noa dɔ; obubu agyaen nu, na obubu pealɛɛ nu gɔsɔgɔsɔ, na ɔfa see yera teaseɛnam mɔ.

Edwein 60:12

Sɛ AWURADE boka yɛ so a, yɛkoli ngonim; ye yeɛ okotiatia yɛ pɔfoɛ mɔ so ɔ.

Nworɛ Dwirɛhanɛniɛ 9:11

Nza nwuni kyɛ ewiase wa, nna bɛ bɔ bɛ nwo yɛ nyera ɔ yeɛ bedi amirikatulɛ nu ngonim ɔ; nna anwoserɛfoɛ yeɛ bedi koɛ nu ngonim ɔ; nna nworɛfoɛ yeɛ benya bɛ noa aleɛ ɔ, nna badwemma mɔ yeɛ benya bɛ nwo ɔ; yeɛ nna nimdeɛfoɛ yeɛ benya animnyam ɔ; nakoso mmerɛ ne mmerɛ tɛɛ la berɛ ma bɛ mukoraa.

Yesaya 41:10

Nnɛsuro, ofikyɛ ngyi wɔ si, nnɛma ɛserɛ kã wɔ, ofikyɛ me ole wɔ Nyameɛ. Ngɔmaa ekogyina pindinn, ngɔboka wɔ, ngɔfa me tenenee asaa famaa ne ngotira wɔ nu.

Yesaya 7:14

Yiti AWURADE bɔbɔ kɔma ɛmɔ sɛngyerɛnneɛ. Ɛ́mɔtie! taluwa bie kɔnwonzɛ kɔwo baa bienzua, na ɔkɔto ye dumaa Yimanuel.

Yesaya 8:10

Ɛmɔ de, ɛmɔhɔ agyina, nakoso ɔkɔyɛ mbaen, ɛ́mɔbɔ porɛ, nakoso ɔngɔyɛ yee, ofikyɛ Nyameɛ ne yɛ yeɛ yɛwɔ berɛ ɔ.

Mateo 1:23

“Tie, ababunu ne kɔnwonzɛ kɔwo baa bienzua, na bɛkɔto ye dumaa Yimanuel, (bɔ ye bo kyire kyɛ, Nyameɛ ne yɛ wɔ berɛ).”

Romanfoɛ 8:31

Afei nzikyɛ yeɛ yɛkɔhã kɔfa ɛhemɔ nwo ɔ? Sɛ Nyameɛ gyi yɛ si a, nwa yeɛ ɔkɔho kotia yɛ ɔ.

Filipifoɛ 4:13

na mekora meyɔ nnningyein amukoraa wɔ Kristo bɔ ɔma me anwoserɛ ne anu.

Yosua 1:5

Sona biala ngɔhora ngogyina wɔ nyunu, mmerɛ biala bɔ ɛte ase ɔ. Na kyɛbɔ ngyinane Mose si nen, sɔ ala yeɛ ngogyina wɔ si ɔ. Mengoli wɔ ngasi, yeɛ mengɔyakyi wɔ nu.

Yosua 1:9

Yiti méhyɛ wɔ kyɛ, gyina pindinn ná ma w’ahone yɛ se; nnɛsuro, yeɛ nnɛma wɔ kunu tete wɔ, ofikyɛ AWURADE wɔ Nyameɛ gyi wɔ si wɔ nekaa biala bɔ ɛkɔhɔ ɔ.”

Yosua 14:12

Yiti, mmokaa aseɛ he bɔ AWURADE hane ye nwo dwirɛ sɔ kyẽa nen, fa ma me. Sɔ kyẽa ne, ɛtele kyɛ né Anakefoɛ ne nguro mbiri bɔ bato bɛ nwo fasue mɔ wɔ berɛ. Nakoso ebiaa AWURADE kogyina me si maa ngɔfoa bɛ ngofi berɛ, kyɛbɔ AWURADE hane ne.”

Yosua 6:27

Yiti AWURADE gyinane Yosua si, na bɛtele ye nga wɔ aseɛ ne aso nekaa biala.

Yosua 7:12

Ɔnate sɔ ne ati yeɛ Yisraelfoɛ bɛngora bɛ pɔfoɛ mɔ nyunu gyina ɔ; bɛnwati befi bɛ pɔfoɛ mɔ nyunu, ofikyɛ bayɛ mmenia bɔ matu bɛ masie berɛ kyɛ ɔsɛ kyɛ beku bɛ ɔ. Mengogyina ɛmɔ si ko, sana nningyein bɔ matu masie berɛ kyɛ behũ bɛ ná bɛsɛkye bɛ ne, ɛ́mɔye befi ɛmɔ nu.

Maenbulɛfoɛ 1:2

Na AWURADE buale kyɛ, “Yuda abusua kure yeɛ odi kyɛ odi moa ɔkɔ ɔ. Mafa aseɛ ne mawura ye sa.”

Maenbulɛfoɛ 4:13

Sisera boaboale ye buralɛ teaseɛnam ɛyaa ngona ne amukoraa, ɔne ye koɛhonɛfoɛ amukoraa bɔ bɛboka ye so ne noa, fi Harosete Hagoyim maa oodwuli Kison bɔnza ne anu.

Maenbulɛfoɛ 4:3

Na Yisraelfoɛ sũ frɛle AWURADE kyɛ ɔɔpepɛ le bɛ. Ofikyɛ né Sisera le buralɛ teaseɛnam ɛyaa ngona, yeɛ afei né wahyɛ Yisraelfoɛ so yeayea afoɛ aburanyɔ.

1 Samuel 18:12

Né Sɔɔlo suro Dawide, ofikyɛ né AWURADE gyi Dawide si; nakoso Sɔɔlo de, né AWURADE aye ye sa wafi ye bo.

1 Samuel 18:14

Dawide nyane ngɔsoɛ wɔ bɔ ɔyɔle amukoraati nu, ofikyɛ AWURADE lili ye si.

1 Samuel 18:5

Koɛ biala bɔ Sɔɔlo somane Dawide maa ɔɔhone ne, olili ngonim, yiti Sɔɔlo maa ɔlale koɛhonɛfoɛ nemɔ noa. Na ɛhe yɛle koɛhonɛfoɛ ne amukoraa ne Sɔɔlo somvoɛ nemɔ po fɛ.