Maenbulɛfoɛ 1:15 - AHYERƐLƐ KRONGRON

¹⁵ Na obuale ye kyɛ, “Kyɛ me nikye. Ofikyɛ aseɛ bɔ afa ama me wɔ ngwaen dɔ ne, ɔte wosee. Yiti ma me mbombonzue koso.” Yiti Kalebo fale Gulote sorɔ dɔ ne Golote ngwaen dɔ bokale ye so.

Maenbulɛfoɛ 1:15 Iomraidhean Croise

Gyenesise 33:11

Mesrɛ wɔ, sɔ m’akyɛdeɛ bɔ mafa mabrɛ wɔ ye anu, ofikyɛ Nyameɛ alo me paa, na hwee nhia me. Yiti ɔsrɛle ye maa olele.

2 Korintofoɛ 9:5

Yiti madwene ye nwo kyɛ, ohia kyɛ mesrɛ aliɛmaa hemɔ maa bedi yɛ nyunu moa bɛbapasa ɛmɔ nwo, na bɛboaboa akyɛdeɛ bɔ ɛmɔahyɛ ye nwo bɔ ne noa; amaa wanyɛ kyɛ nhyɛsoɛ akyɛdeɛ, na mmom wafi ɛmɔ ahone nu.

Hebrifoɛ 6:7

Aseɛ bɔ ɔmeme nzue bɔ ɔtaa tɔ gua so, na ofifi aleɛ bɔ ye nwo hia ma mmenia bɔ bɛ ti yeɛ bɛyɔ so boo nen, Nyameɛ yira ye.

Yosua 15:19

Na obuale ye kyɛ, “Kyɛ me nikye. Ofikyɛ aseɛ bɔ afa ama me wɔ ngwaen dɔ ne, ɔte wosee. Yiti ma me mbombonzue koso.” Yiti Kalebo fale sorɔ dɔ mbombonzue ne ngwaen dɔ mbombonzue bokale ye so.

1 Petro 3:9

Nnɛma ɛmɔfa bɔne betua bɔne so, anaa nzoaapepɛlɛ betua nzoaapepɛlɛ so; na mmom ɛ́mɔyirayira; ofikyɛ ɛhe ati yeɛ bɛfrɛle ɛmɔ ɔ, kyɛ ɛmɔɔnya saleɛ.

Maenbulɛfoɛ 1:14

Braa ne hɔle agyaa bo wɔ Otiniɛl awuro nen, osele ohu kyɛ ɔ́srɛ aseɛ ófi ye baba Kalebo berɛ. Na braa ne fili ye afunum ne aso dwuli ase nen, Kalebo bisale ye kyɛ, “Nzikyɛ yeɛ ekuro ɔ?”

Maenbulɛfoɛ 1:16

Mose sia bienzua Hobabo bɔ ɔte Keniniɛ ne, ye boso ama mɔ, bɛ ne Yuda boso ama befili ayee kuro ne anu bɛhɔle Yuda ɛserɛ ne aso. Ɛserɛ ne wɔ ngwaen dɔ aseɛ bɔ opingye Arade ne aso. Bɛ ne Amalɛkefoɛ bɛɛtenane.

1 Samuel 25:18

Abigail yɛle ndɛndɛ fale paanoo ɛyaa nyɔ, nzaa ngomvo nyɔ, mmoaen nnu bɔ batoto bɛ nwo ɔ, ngyeweɛ graa nnu, bobe bɔ babobɔ ye kunguma ɛyaa ko, ɔne borɔdoma bɔ babobɔ ye kunguma ɛyaa nyɔ. Ɔfa soale afunum nemɔ.

1 Samuel 25:27

Me mene, akyɛdeɛ hemɔ bɔ w’afaneɛ mafa mabrɛ wɔ ye, mesrɛ wɔ, maa mva ma mmerandeɛ bɔ beli wɔ si ye.