Maenbulɛfoɛ 1:1 - AHYERƐLƐ KRONGRON

¹ Yosua wue asi ne, Yisraelfoɛ bisale AWURADE kyɛ, “Yɛ nu abusua kure beni yeɛ oli moa ɔfa koɛ ɔɔteta Kanaanfoɛ ɔma yɛ ɔ?”

Maenbulɛfoɛ 1:1 Iomraidhean Croise

1 Ahemvo 22:5

Nakoso Yehosafate sa sele Yisrael hene kyɛ, “Di moa fa to AWURADE nyunu tie ye noa dwirɛ koraka.”

Ɛksadɔso 18:15

Na Mose buale ye sia ne kyɛ, “Ɔnate kyɛ mmenia ne ba me berɛ maa mebisa Nyameɛ apɛdeɛ mema bɛ.

Ɛksadɔso 28:30

Yurim ne Tumim ne, fa wurawura ahone so ndɛenbualɛ aguasoɛ ne anu, amaa bagua Aarɔn ahone so mmerɛ biala bɔ ɔkɔhɔ AWURADE nyunu ɔ. Yiti nikyee bɔ Yisraelfoɛ fa bisa Nyameɛ apɛdeɛ ne, Aarɔn kɔsoa ye wɔ ye ahone so wɔ AWURADE nyunu daa.

Numeri 27:21

Nakoso odi kyɛ ɔba ɔsɔfo Eleasa nyunu maa ɔfa Yurim so obisa AWURADE noa dwirɛ ɔma ye wɔ AWURADE nyunu. AWURADE noa dwirɛ so yeɛ odi kyɛ ɔne Yisrael maen ne amukoraa begyina bɛyɔ nikyee biala ɔ.”

Maenbulɛfoɛ 1:27

Bete Sean ne ye nwo nguraa mɔ, Taanake ne ye nwo nguraa mɔ, Dɔɔ ne ye nwo nguraa mɔ, Yiblim ne ye nwo nguraa mɔ, yeɛ Megido ne ye nwo nguraa mɔ de, Manasefoɛ bandu berɛ ama bamvi berɛ; na mmom Kanaanfoɛ nemɔ hɔle so bɛtenane aseɛ ne aso.

Maenbulɛfoɛ 2:21

maen maen bɔ Yosua wanni bɛ so ngonim koraka yeɛ owu ne, mengɔfoa bɛ nu biala mengofi bɛ nyunu ko.”

Maenbulɛfoɛ 2:8

Nun awa Yosua, bɔ ɔte AWURADE somvoɛ ne, olili afoɛ ɛyaa ko ne buru yeɛ owuli ɔ.

Maenbulɛfoɛ 2:9

Na besiele ye wɔ ye bɔbɔ ye aseɛ ne aso wɔ Timinate Herese, wɔ Efraim mmokaa aseɛ so, wɔ Gaase bokaa ne sorɔ dɔ.

Maenbulɛfoɛ 20:18

Yisraelfoɛ sili nu bɛhɔle Betel beebisale Nyameɛ kyɛ, “Yɛ nu abusua kure beni yeɛ oli moa ɔfa koɛ ɔɔteta Benyaminfoɛ ɔ?” Na AWURADE buale kyɛ, “Yuda abusua kure yeɛ odi kyɛ odi moa ɔkɔ ɔ.”

Maenbulɛfoɛ 20:23

Yeɛ Yisraelfoɛ beesuni wɔ AWURADE nyunu maa oodwuli nɔsoa, na bebisale AWURADE kyɛ, “Aso yɛsa yɛɛfa koɛ yɛteta y’eliɛma mɔ Benyaminfoɛ anaa?” Na AWURADE buale kyɛ, “Ɛ́mɔfa koɛ bɛɛteta bɛ.”

Maenbulɛfoɛ 20:27

Na Yisraelfoɛ bisale AWURADE dwirɛ (ofikyɛ sɔ mmerɛ ne, né Nyameɛ apam alaka ne wɔ berɛ,

Maenbulɛfoɛ 20:28

na Finehase bɔ ɔse ole Aarɔn awa Eleasa ne, ye yeɛ né ɔte sɔfo wɔ Nyameɛ alaka ne nyunu ɔ.) Bebisale AWURADE kyɛ, “Yɛfa koɛ yɛɛteta y’eliɛma mɔ Benyaminfoɛ bieku, anaakyɛ yɛyakyi?” Na AWURADE buale kyɛ, Ɛmɔɔho, ofikyɛ ɛhema ngɔfa bɛ ngowura ɛmɔ sa.”

1 Samuel 10:22

Yiti besa bebisale AWURADE kyɛ, “Sɔ sona ne, aso wamma wa bie anaa?” Na AWURADE buale kyɛ, “Ɛ́mɔnea, waafea nningyein bɔ baboaboa ye noa ne anu.”