Luka 9:7 - AHYERƐLƐ KRONGRON

⁷ Manzini hene Herode tele bɔ Yesu ayɔ ne amukoraa nen, ɔhale ye paa, ɔnate kyɛ né ebiemɔ kekã kyɛ: Batingye Yohane bafi awufoɛ nu;

Luka 9:7 Iomraidhean Croise

Edwein 73:19

Nea, b’ayieleɛ yie bɛ mvum nu, bɔ amaneɛ ama bɛ boso anua koraa!

Yesaya 22:5

Ofikyɛ ɔte Asafo AWURADE ye kyẽa, bɔ ɔte amaneɛnwunɛ, ahunundetelɛ ne anyesotanɛ, wɔ Nyekyire Bɔnza ne anu, kyẽa bɔ bedwiri fasue mɔ begua, bɔ bɛbɔ awuye besu bɛfrɛ mmokaa mɔ ɔ.

Mika 7:4

Bɛ nu sona paa ne po ɔte kyɛ ɛfone, bɛ nu teneneeniɛ paa ne, ɔte mmowue anoa tworɔntworɔn; w’awɛmvoɛ mɔ kyẽa ne, ɔne w’asohwenɛ kyẽa ne ɔ́ba, bɛ basabasayɔlɛ mmerɛ ne wadwu.

Mateo 11:2

Na Yohane la kuku nu nen, ɔtele nnwumaa bɔ né Kristo yɔ ɔ, na ɔsomane ye asuafoɛ maa

Marko 8:28

Na bebuale ye kyɛ, “Asubɔlɛniɛ Yohane; nakoso ebiemɔ nwa: Elia; yeɛ ebiemɔ koso nwa: Ngɔmhyɛlɛfoɛ nemɔ nu ko.”

Luka 13:31

Na sɔ mmerɛ ne anu, Farasiifoɛ biemɔ wale beesele ye kyɛ, “Fi wa kɔ, ofikyɛ Herode pena wɔ ku wɔ!”

Luka 21:25

“Na nzɛngyerɛnneɛ kɔwa eyia ne ɛsraen ne nzramaa mɔ nu; na kyɛbɔ ɛpo ne asorɔkye bekosi bekobu bɛkɔfa so ne, ɔkɔfa aworabɔlɛ ne ahunundetelɛ kɔto maen maen mɔ so wɔ aseɛ so.

Luka 23:7

Na ɔtele kyɛ ofi Herode manzini nu nen, ɔmaa bɛfale ye bɛɛmane Herode, bɔ né sɔ mmerɛ ne, ye koso ɔwɔ Yerusalem ɔ.

Luka 3:1

Na Kaesare Tiberio ahennie afoɛ bɔ ɔtɔ so buru ne nnu ne, bɔ né Pontio Pilato te amrado wɔ Yudea nen, bɔ né Herode yeɛ ɔnea Galilea manzini ne aso ne, né oliɛma Filipo yeɛ ɔnea Yiturea ne Trakoniti manzini nemɔ aso ɔ, yeɛ né Lisania koso ɔne Abilene manzini so ɔ.

Luka 9:19

Na bebuale kyɛ, “Asubɔlɛniɛ Yohane; nakoso ebiemɔ bɛnwa Elia; yeɛ ebiemɔ koso bɛnwa daa tete ngɔmhyɛlɛfoɛ nemɔ nu ko yeɛ wadwɔso ɔ.”