Luka 9:60 - AHYERƐLƐ KRONGRON

⁶⁰ Na Yesu sele ye kyɛ, “Ma awufoɛ besie b’awufoɛ. Nakoso wɔ de, kɔ ná kɔbɔ Nyameɛ ahennie ne nwo dawure.”

Luka 9:60 Iomraidhean Croise

Mateo 4:23

Yesu hyinini Galilea amukoraa yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba ne, na ɔsale anwonyerɛ ne anwommerɛlɛ ahoroɔ wɔ maen ne anu.

Mateo 8:22

Nakoso Yesu buale ye kyɛ, “Di me si, ná ma awufoɛ bésie b’awufoɛ!”

Luka 15:24

ofikyɛ mma he owuli, na watingye; ominini, na manwu ye.’ Na bɛhyɛle ye bo kyɛ bɛgye bɛ nye.

Luka 15:32

Ɔsɛ kyɛ yɛgye yɛ nye ná yɛmaa ɔyɛ yɛ fɛ ɔ, ofikyɛ eliɛma ye, owuli, na watingye; ominini, na manwu ye.’ ”

1 Korintofoɛ 9:16

Na sɛ mekã nzɛmba ne a, né ongyire kyɛ mva nhoahoa me nwo, ɔnate kyɛ ɔte adwuma bɔ odi kyɛ meyɔ ɔ. Na sɛ mangã nzɛmba ne a, me yaakɔ!

Ɛfesofoɛ 2:1

Na ɛmɔ de, ahaa ɛmɔte awufoɛ wɔ mvomsoɛ ne bɔne nu,

Ɛfesofoɛ 2:5

wama yɛ bɔ ahaa yɛte awufoɛ wɔ mvomsoɛ nu ne yɛne Kristo yanya ngoa, (adom yeɛ bafa bale ɛmɔ ngoa ɔ.)

1 Timoteo 5:6

Nakoso brasua kunaniɛ bɔ wama ahohwibra ali ye ti ne de, ɔte teaseawuo.

2 Timoteo 4:2

bɔ edwirɛ ne dawure, ná kɔ so yɔ, kyɛ mmerɛ paa nu oo, anaa mmerɛ tɛɛ nu oo. Maa mmenia benwu bɛ mvomsoɛ, twi bɛ nyunu, tu foɛ, wɔ ndoboaseɛ ne aboterɛ amukoraa nu.

2 Timoteo 4:5

Nakoso wɔ de, ma wɔ nye la berɛ wɔ nikyee biala nu, mia wɔ nye fa amaneɛ nu, yɔ nzɛmbahanɛniɛ adwuma ne, ná yie wɔ solɛ adwuma ne bɔkɔɔ.

Nyekyire 3:1

“Kyerɛ kɔma Sadise asɔre ne anu abɔfo ne kyɛ: Bɔ ole Nyameɛ Sunzum nzoo ne nzramaa nzoo ne, ye noa dwirɛ ɛhe: Mese wɔ nnwumaa; ale dumaa kyɛ ɛte ase, nakoso awu.