Luka 9:55 - AHYERƐLƐ KRONGRON

⁵⁵ Na ɔkakyili ye nwo hwili bɛ nyunu. [Ɔhane kyɛ: Ɛmɔnze Sunzum horɛ bɔ ɛmɔte ye deɛ ɔ, ɔnate kyɛ Sona Awa ne wamma kyɛ ɔbaasɛkye mmenia kra, na mmom kyɛ ɔbaale bɛ ngoa]

Luka 9:55 Iomraidhean Croise

2 Samuel 19:22

Nakoso Dawide buale kyɛ, “Ɛmɔ Seruya mma ye mɔ, me dwirɛ fa ɛmɔ nwo nzu, bɔ ɛnɛ ɛmɔayɛ me pɔfoɛ ye? Aso ɛnɛ ɔsɛ kyɛ beku sona wɔ Yisrael anaa? Aso menze kyɛ ɛnɛ me yeɛ nde Yisrael so hene ɔ.”

YOB NWOMAA NE 2:10

Nakoso obuale ye kyɛ, “Edwudwo kyɛbɔ brasua kwaseaa biala odwudwo ɔ. Nzu ɔ? Nyameɛ ma yɛ nikye paa a, yɛde; nzu ati yeɛ sɛ ɔma yɛ bɔ ɔtte mayee a, ɔnzɛ kyɛ yɛde ɔ?” Na ɛhemɔ amukoraa nu ne, Yob amma ye noa andia Nyameɛ.

YOB NWOMAA NE 26:4

Nwa yeɛ aha sɔ dwirɛ ne ahyire ye ne? Nwa sunzum yeɛ ɔfa wɔ nu dwudwo ye?

YOB NWOMAA NE 42:6

Yiti manu me nwo, na me nwo yɛ me nya, na mafa mvuture ne nzoen magua me nwo.”

Anyandera 9:8

Nnɛtwi ngorohoɛniɛ nyunu, ná wambɔ wɔ; sɛ etwi nworɛniɛ nyunu a, okohuro wɔ dwirɛ.

Yeremia 17:9

Ahone te nnakannaka tra nikyee biala, ɔte kanda paa. Na nwa yeɛ okonwu nu dwirɛ ɔ?

Mateo 16:23

Na ɔkakyili ye nwo sele Petro kyɛ, “Dwɔso berɛ kɔ dɔ, Abɔnzam! Ɛte sundidua ma me; ofikyɛ nna Nyameɛ adwene yeɛ ɛdwene ɔ, na mmom ɛdwene kuro sona adwene.”

Mateo 26:33

Yeɛ Petro buale ye kyɛ, “Sɛ wɔ nwo kɔyɛ sundidua kɔma bɛ mukoraa po a, me de, ɔngɔyɛ sundidua ngɔma me le!”

Mateo 26:41

Ɛ́mɔwɛne ná ɛ́mɔbɔ mbaeɛ, ná ɛmɔangɔ nzɔhwɛ nu. Sunzum ne kuro de, nakoso anwoɔnaen ne yɛ mmerɛ.”

Mateo 26:51

Na yieee, bɛ bɔ né bɛ ne Yesu wɔ berɛ ne, bɛ nu ko tengyɛle ye sa hwene ye ngrandɛ, na ɔfa bɔle ɔsɔfo panyi paa n’akoaa pɛle ye so.

Luka 9:54

Na mmerɛ bɔ ye asuafoɛ Yakobo ne Yohane benwuni ye sɔ nen, besele kyɛ, “Awurade, ekuro kyɛ yɛma see fi nyameɛso bayera bɛ [kyɛbɔ Elia yɔle ne] anaa?”

Luka 9:56

Na bɛhɔle akuraa foforɛ so.

Yohane 16:9

Bɔne nwo, ofikyɛ benne me benni;

Yakobo 3:10

Noa komapɛ ne anu yeɛ saleɛ ne amoenwaa fi ɔ. Aliɛmaa mɔ, ɔnzɛ kyɛ ɔba ye sɔ ɔ!

1 Petro 3:9

Nnɛma ɛmɔfa bɔne betua bɔne so, anaa nzoaapepɛlɛ betua nzoaapepɛlɛ so; na mmom ɛ́mɔyirayira; ofikyɛ ɛhe ati yeɛ bɛfrɛle ɛmɔ ɔ, kyɛ ɛmɔɔnya saleɛ.

Nyekyire 3:19

Bɛ bɔ mekuro bɛ dwirɛ ne, metwi bɛ nyunu, yeɛ metwe bɛ so; yiti ma wɔ nye boro ná sakyera w’adwene.