Luka 9:51 - AHYERƐLƐ KRONGRON

⁵¹ Na ɔwale kyɛ, mmerɛ bɔ ɔsɛ kyɛ bɛfa ye bɛkɔ nyameɛso ɔ ɔpena pingye nen, ɔfa siele ye nye so kyɛ ɔkɔhɔ Yerusalem.

Luka 9:51 Iomraidhean Croise

2 Ahemvo 2:11

Begu so bedi ngɔmɔ bɛkɔ ne, mvum nu, see teaseɛnam bie bɔ see mbɔngɔ bɛtwe ɔ ɔɔtetele bɛ munyɔ bɛ nu. Na mvrama bɔ ɔpɛ ye nwo bie fale Elia hɔle nyameɛso.

Marko 16:19

Na afei, Awurade Yesu dwudwo hyirele bɛ yiele nen, Nyameɛ fale ye hɔle nyameɛso, na ɔɔtenane Nyameɛ sa famaa so.

Luka 12:50

Asubɔlɛ bie wɔ berɛ bɔ bɛbaafa bɛbɔ me ɔ, na sɛ bɛffa bɛbbɔle me beyyiele a, nnyane anwotɔ.

Luka 13:22

Yesu hyinini nguro ne nguraa mɔ nu yɛle ngyerɛkyerɛ, na ɔfale so kyɛ ɔkɔ Yerusalem.

Luka 17:11

Na ɔwale kyɛ ɔkɔ Yerusalem nen, ɔɔfale Samaria ne Galilea ɛwɛen so.

Luka 18:31

Yesu fale asuafoɛ buru ne nyɔ nemɔ hɔle ahameɛ, na osele bɛ kyɛ, “Ɛ́mɔtie, yɛ́fo yɛ́kɔ Yerusalem, na nikyee biala bɔ ngɔmhyɛlɛfoɛ nemɔ bahyerɛ bafa Sona Awa ne anwo ne, ɔkɔwa nu.

Luka 19:11

Na mmerɛ bɔ begu so betie sɔ dwirɛ nemɔ nen, ɔtoale so buli bɛ anyandera, ofikyɛ né wapingye Yerusalem, yeɛ afei ɛlɔen ne susuli kyɛ Nyameɛ ahennie ne ɔbaaye ye nwo ali berɛ ne ala.

Luka 19:28

Na Yesu hane ɛhe yiele nen, ɔsẽ lili moa kyɛ ɔkɔ Yerusalem.

Luka 24:51

Na ɔwale kyɛ ogu so bɔ oyirayira bɛ nen, ɔne bɛ lili ndetemuɛ, [na Nyameɛ mane ye so hɔle nyameɛso.

Luka 9:57

Bɛnate atee so bɛkɔ nen, biaa bie sele Yesu kyɛ, “Awurade, nekaa biala bɔ ɛkɔhɔ ne, me ne wɔ yɛkɔhɔ.”

Yohane 13:1

Na Abɔtra aluolue ne ɔbaadwu ne, né Yesu se kyɛ ye dɔnhwere ne adwu kyɛ ofi wiase wa ɔkɔ Baba ne berɛ ɔ, na kyɛbɔ ohurole ye bɔbɔ ye deɛ bɔ bɛwɔ wiase dwirɛ nen, ohurole bɛ dwirɛ oodwuli ayieleɛ.

Yohane 16:28

Baba ne berɛ yeɛ mvi mmale wiase ɔ; na afei de, méfi wiase, na mékɔ Baba ne berɛ.”

Yohane 16:5

“Afei de, mékɔ bɔ ɔsomane me ne berɛ; nakoso ɛmɔ nu biala mmisa me kyɛ, ‘Nisua yeɛ ɛ́kɔ ɔ?’

Yohane 17:11

Afei de, nne wiase ko, nakoso ɛhemɔ de bɛwɔ wiase wa; na me de, méba wɔ berɛ. Baba Krongron, bɛ bɔ afa bɛ ama me ne, fa bɛ sie wɔ wɔ dumaa nu, amaa ɔnate so bayɛ ko, kyɛbɔ yɛte ko ne.

Yohane 6:62

Né nzaade sɛ ɛmɔnwu Sona Awa ne kyɛ ɔ́kɔ anwuro, nekaa bɔ né ɔwɔ daa ne koso ɛ?

Asomafoɛ 1:2

bɔ ɔkwaadwu kyẽa bɔ bɛfale ye bɛhɔle nyameɛso ɔ. Na anzana bɛbaafa ye bɛkɔ nyameɛso ne, ɔnate Sunzum Krongron so mane mmenia bɔ waneanea nu waye bɛ kyɛ ye asomafoɛ nemɔ ahyɛdeɛ.

Asomafoɛ 1:9

Na ɔhane ɛhe yiele, ná begu so bɛnea ye ne, bɛfale ye bɛhɔle nyameɛso, na munungum pɛle ye nwo yiale bɔ bannwu ye ko.

Ɛfesofoɛ 1:20

bɔ ɔfa lili dwumaa wɔ Kristo nu, wɔ mmerɛ bɔ otingyele ye fili awufoɛ nu ne ɔte ne. Ɔfale ye ɔɔtenane ye sa famaa so wɔ nyameɛso,

Filipifoɛ 3:14

Mepere mekɔ me nyunu kyɛ ngodwu botaeɛ ne anwo ngonya ngonimlilɛ abasobɔdeɛ ne, bɔ ɔte anwuro frɛlɛ bɔ Nyameɛ nate Yesu Kristo so wafrɛ me ne.

1 Timoteo 3:16

Aporowaa biala nne ye nwo kyɛ nyamesom nu mvealeɛ nu dwirɛ ne ɔte piri: Nyameɛ lale ye nwo ali anwoɔnaen nu, olili be wɔ Sunzum nu; abɔfo mɔ nwuni ye, bɛbɔle ye nwo dawure wɔ maen maen nu; belele ye belili wɔ wiase, na bɛfale ye bɛhɔle nyameɛso animnyam nu.

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.

Hebrifoɛ 6:20

Berɛ yeɛ Yesu ali moa ahɔ ama yɛ ɔ, na waayɛ ɔsɔfo panyi paa afebɔɔ kyɛ Mɛlkisɛdɛke deɛ ne ala.

1 Petro 3:22

Ye yeɛ ɔhɔle nyameɛso ne, na ɔte Nyameɛ sa famaa so; na abɔfo mɔ ne anwoserɛ mɔ ne tumi mɔ babrɛ bɛ nwo ase bawura ye bo.