Luka 9:43 - AHYERƐLƐ KRONGRON

⁴³ Nyameɛ tumi piri ne yɛle mmenia ne amukoraa nwanwa. Na nningyein amukoraa bɔ Yesu yɔle ne yɛle ebiala nwanwa nen, osele ye asuafoɛ nemɔ kyɛ,

Luka 9:43 Iomraidhean Croise

Edwein 139:14

Meye wɔ ayɛ, ofikyɛ kyɛbɔ asi abɔ me ne, ɔyɛ suro yɛ nwanwa. Wɔ sa noa nnwumaa yɛ nwanwa, na me kra se ye sɔ paa.

Sakaria 8:6

Asafo AWURADE nwa nyoo: Maen he anu mmenia bɔ baha ne, sɛ ɔyɛ bɛ nye so nwanwa wɔ mmerɛ he anu a, aso me koso ɔkɔyɛ me nye so nwanwa anaa? Asafo AWURADE noa dwirɛ ɛne.

Mateo 17:22

Na bɛboale bɛ noa wɔ Galilea nen, Yesu sele bɛ kyɛ, “Bɛkɔye Sona Awa ne bekowura mmenia sa;

Marko 6:51

Afei ɔɔtoale bɛ wɔ ɛlɛen ne anu, na mvrama ne yakyili tulɛ. Na bɛ nwo dwirili bɛ paa,

Luka 18:43

Na berɛ ne ala, onwuni nikye, na olili Yesu si hyɛle Nyameɛ animnyam. Na ɛlɔen ne amukoraa benwuni bɔ wasi nen, bɛ bɛyele Nyameɛ ayɛ.

Luka 4:36

Na ɔyɛle bɛ mukoraa nwanwa, na besisele bɛ nwo kyɛ, “Edwirɛ beni yeɛ ɔte sɔaa ye? Ofikyɛ tumi nu ne anwoserɛ nu yeɛ ɔhyɛ sunzummɔne mɔ maa betutu befi nu ɔ!”

Luka 5:26

Na ɔyɛle bɛ mukoraa nwanwa, na bɛyele Nyameɛ ayɛ; ɛserɛ hane bɛ, na bɛhane kyɛ, “Ɛnɛ de, yanwu edwirɛ bɔ ɔyɛ nwanwa ɔ!”

Luka 5:9

Ofikyɛ ye nwo dwirili ye, ɔne ye mmango bɔ baha ne amukoraa, ɔnate naen worawora bɔ bɛhyele ye ne ati;

Luka 8:25

Na osele bɛ kyɛ, “Ɛmɔ gyidie ne, ɔwɔ ni?” Na besurole, bɛ nwo dwirili bɛ, na besisele bɛ nwo kyɛ, “Nzikyɛ sona ɛhe, bɔ ɔhyɛ mvrama ne nzue po a betie ye e!”

Luka 9:42

Na ɔ́ba nen, sunzummɔne ne tele ye fini, na ɔmaa ɔsenzene. Nakoso Yesu teateane sunzummɔne ne, na ɔsale akwadaa ne anwonyerɛ, na ɔfale ye mane ye baba.

2 Petro 1:16

Amba, edwirɛ bɔ yahã yahyire ɛmɔ yafa y’Awurade Yesu Kristo tumi ne ye walɛ ne anwo ne, yamva kanda ɛhoaatolɛ so, na mmom yɛ bɔbɔ yɛte ye animnyam totohyia bɔ yɛnwuni ye ne nwo adanzefoɛ.