Luka 9:41 - AHYERƐLƐ KRONGRON

⁴¹ Yeɛ Yesu buale kyɛ, “O ɛnɛmmafoɛ asoserɛfoɛ bɔ ɛmɔlle gyidie ɔ! Me ne ɛmɔ yɛtena ma oodwu kyinzu, yeɛ nya ɛmɔ nwo aboterɛ ma oodwu kyinzu? Fa ɛwa ne bra wa!”

Luka 9:41 Iomraidhean Croise

2 Ahemvo 5:8

Nakoso Nyameɛ sona Elisa tele kyɛ Yisrael hene asunzua ye ndaadeɛ nu ne, ɔmaa beesele ye kyɛ, “Nzu ati yeɛ asunzua wɔ ndaadeɛ nu ɔ? Ma ɔbra me wa, amaa ɔnate so wanwu kyɛ ngɔmhyɛlɛniɛ wɔ Yisrael.”

Edwein 78:8

Ɛhe kɔmaa bɛngɔyɛ kyɛ bɛ nana mɔ, bɔ né bɛte aworɛ ndoatoasoɛ asoserɛfoɛ bɔ bayɛ lɔen ɔ, aworɛ ndoatoasoɛ bɔ bamva bɛ nwo bando Nyameɛ so, bɔ bɛ sunzum wanni nahorɛ wamma Nyameɛ ɔ.

Ɛksadɔso 10:3

Yiti Mose ne Aarɔn bɛhɔle Faro berɛ beesele ye kyɛ, “AWURADE, Hebrifoɛ Nyameɛ ne nwa nyoo, ‘Ɛkɔpo kyɛ ɛkɔbrɛ wɔ nwo ase wɔ me nyunu maa okoodwu kyinzu? Ma me mmenia nemɔ ate ma bɛhɔ, ná bɛɛsɔne me.

Ɛksadɔso 16:28

Na AWURADE sele Mose kyɛ, “Kyinzu koraa yeɛ ɛmɔkɔpo me mmeraa dwirɛ ne me mmeraa maa okoodwu ɔ?

Yeremia 4:14

Ao Yerusalem, nwunzi w’ahone nwo fi bɔne nu, amaa ɔnate so anya wɔ ti adidi nu. Ɔkwaadwu kyinzu yeɛ ɛkɔhɔ so kɔdwene bɔne adwene ɔ?

Numeri 14:11

Na AWURADE sele Mose kyɛ, “Mmenia hemɔ kobu me animtia maa okoodwu kyinzu? Nzɛngyerɛnneɛ amukoraa bɔ mayɔ mama bɛ ye asi ye, kyinzu yeɛ bekole me bekoli ɔ?

Numeri 14:27

“Mmenia amumuyɛɛfoɛ ye, bɛkɔpenepene bɛ komvi bekogua me so maa okoodwu kyinzu? Mate Yisraelfoɛ bɛ komvi bɔ bɛpenepenene beguale me so ne.

Mateo 11:28

“Ɛmɔ amukoraa bɔ ɛmɔayɔ adwuma bafɛ ná bafa adesoa nonɛnonɛ basoa ɛmɔ ne, ɛmɔbra me berɛ, na ngɔmaa ɛmɔkole ɛmɔ nwome.

Mateo 12:39

Na obuale bɛ kyɛ, “Ɛnɛmmafoɛ bɔnefoɛ ne agyaasɛkyelɛfoɛ bɛpena sɛngyerɛnneɛ, nakoso bɛngɔma bɛ sɛngyerɛnneɛ biala, sana ngɔmhyɛlɛniɛ Yona deɛ ne ala.

Mateo 12:45

Na ɔkɔ kɔfa sunzum nzoo foforɛ bɔ bedi bɔne bɛtra ye ɔ ɔboka ye nwo so ɔne bɛ ba, na bɛbawura nu bɛtena berɛ. Na sɔ sona ne, ye asetena bɔ oli nziɛ ne te bɔne asetena tra daa ne. Na sɔ ala yeɛ ɔkɔto ɛnɛmmafoɛ bɔnefoɛ he ɔ.”

Mateo 16:4

Ɛnɛmmafoɛ bɔnefoɛ ne agyaasɛkyelɛfoɛ bɛpena sɛngyerɛnneɛ, nakoso bɛngɔma bɛ sɛngyerɛnneɛ biala, sana Yona sɛngyerɛnneɛ ne ala.” Na Yesu yakyili bɛ berɛ hɔle.

Mateo 17:17

Na Yesu buale kyɛ, “O ɛnɛmmafoɛ asoserɛfoɛ bɔ ɛmɔlle gyidie ɔ! Me ne ɛmɔ yɛtena maa odwu kyinzu? Nya ɛmɔ nwo aboterɛ maa odwu kyinzu? Ɛ́mɔfa ye bɛbrɛ me wa!”

Mateo 23:36

Nahorɛ nu, mekã mekyire ɛmɔ kyɛ, ɛhemɔ amukoraa nwo asotwe kɔwa ɛnɛmmafoɛ so!

Mateo 3:7

Na onwuni kyɛ Farasiifoɛ ne Sadusiifoɛ nemɔ anu pee bɛba maa ɔbɔ bɛ asu nen, osele bɛ kyɛ, “Ewoo mmaa bɔ ɔte kyɛ ɛmɔ ɔ! Nwa yeɛ otuli ɛmɔ foɛ paa kyɛ ɛ́mɔnwati béfi ahonehulɛ bɔ ɔba ne anu ɔ?

Marko 10:14

Na Yesu nwuni ye sɔ nen, wanyɛ ye fɛ, na osele bɛ kyɛ, “Ɛ́mɔma ngwadaa nemɔ ate ma bɛbra me berɛ, na nnɛma ɛmɔsi bɛ ate; ofikyɛ ɛhemɔ sɔa ye yeɛ Nyameɛ ahennie ne ɔte bɛ deɛ ɔ.

Marko 10:49

Yeɛ Yesu gyinane, na osele kyɛ, “Ɛ́mɔfrɛ ye bɛbra!” Yiti bɛfrɛle anyesiniwaaniɛ ne, na besele ye kyɛ, “Ma w’ahone tɔ wɔ kunu, dwɔso, na ɔfrɛ wɔ!”

Marko 9:19

Yeɛ Yesu buale bɛ kyɛ, “O ɛnɛmmafoɛ bɔ ɛmɔlle gyidie ɔ! Me ne ɛmɔ yɛtena maa odwu kyinzu? Nya ɛmɔ nwo aboterɛ maa odwu kyinzu? Ɛ́mɔfa ye bɛbrɛ me!”

Luka 8:25

Na osele bɛ kyɛ, “Ɛmɔ gyidie ne, ɔwɔ ni?” Na besurole, bɛ nwo dwirili bɛ, na besisele bɛ nwo kyɛ, “Nzikyɛ sona ɛhe, bɔ ɔhyɛ mvrama ne nzue po a betie ye e!”

Luka 9:40

Na nzrɛle w’asuafoɛ nemɔ kyɛ betu ye befi ye nu, nakoso bangora.”

Luka 9:42

Na ɔ́ba nen, sunzummɔne ne tele ye fini, na ɔmaa ɔsenzene. Nakoso Yesu teateane sunzummɔne ne, na ɔsale akwadaa ne anwonyerɛ, na ɔfale ye mane ye baba.

Yohane 14:9

Na Yesu buale ye kyɛ, “Filipo, me ne ɛmɔ yɛwɔ berɛ dadadada ye, aso ɛnze me? Ebiala bɔ wanwu me ne, wanwu Baba ne; na nzu ati yeɛ ɛkã kyɛ, ‘Kyire yɛ Baba ne’ ɔ?

Yohane 20:27

Yeɛ osele Tɔmase kyɛ, “Fa wɔ sa mmɛseka bra wa, ná nea me sa nu; ná fa wɔ sa baahã me mvenu, na nnɛsu aporowaa, na mmom dedi!”

Asomafoɛ 13:18

na ɔneane bɛ so kɔyɛ afoɛ aburanna wɔ ɛserɛ so.

Asomafoɛ 2:40

Na Petro fale edwirɛ tole dwirɛ nwo dwudwole pee, na otuli bɛ foɛ kyɛ, “Ɛ́mɔhwe ɛmɔ nwo béfi ɛnɛmmafoɛ nzɛmmɔnefoɛ hemɔ anwo!”

Romanfoɛ 2:4

Aso ɛmva Nyameɛ paayɛlɛ mmorosoɛ ne ye aboterɛ pee ne nyɛ hwee hɔ ɔ? Ɛnze kyɛ Nyameɛ paayɛlɛ ne ɔboka wɔ maa ɛsakyera w’adwene hɔ ɔ?

Deuteronomi 32:5

Nakoso ye mma ayɔ bɔne batia ye, na ɔnate bɛ nwo ngekalewa ne ati, nna ye mma ole bɛ ko, bɛte amumuyɛɛ ne nnakannaka aworɛ ndoatoasoɛ.

Hebrifoɛ 3:19

Na ɛhe maa yɛnwu ye kyɛ banwura nwomelelɛ ne anu, ɔnate kyɛ banne banni.

Hebrifoɛ 4:11

Yiti ɛ́mɔma yɛbɔ mmɔden yɛwura sɔ nwomelelɛ ne anu, amaa ɔnate so ebiala wanyɔ sɔ asoserɛ ne wamvi ase.

Hebrifoɛ 4:2

Bɛhane nzɛmba ne behyirele yɛ kyɛbɔ bɛhã behyirele bɛ ne ala, nakoso ye nwo amma mvasoɛ amma bɛ; ofikyɛ bamva gyidie banzɔ edwirɛ bɔ bɛtele ne anu.

Hebrifoɛ 7:25

Yiti ɔkora de bɛ bɔ bɛfa ye so bɛba Nyameɛ berɛ ne ngoa bɔkɔɔ; ofikyɛ ɔte ase afebɔɔ, na odi bɛ ti dwirɛ ma bɛ.