Luka 9:39 - AHYERƐLƐ KRONGRON

³⁹ Na hmmm, sunzummɔne bie ba ye so, na ɔtea nu mvum nu, ɔmaa ɔsenze ma ye noa pɛ ahure, ɔha ye paa, na ɔkyɛ koraa né wayakyi ye.

Luka 9:39 Iomraidhean Croise

Marko 9:18

na nekaa biala bɔ ɔkɔhã ye ne, ɔmaa ɔpɛ fi, ye noa pɛ ahure, ɔkwa ye gye, na ɔsenze. Nzrɛle w’asuafoɛ nemɔ kyɛ betu befi ye nu, nakoso bangora.”

Marko 9:20

Bɛfale akwadaa ne bɛbrɛle ye. Na sunzummɔne ne nwuni Yesu pɛ, berɛ ne ala ɔmane akwadaa ne senzene, ɔpɛ fini, omunumununi ye nwo, na ye noa pɛle ahure.

Marko 9:26

Na sunzum ne teane nu, ɔmane akwadaa ne senzene kyeinn, na ofili ye nu fitele. Na akwadaa ne dwole dinn kyɛ sona bɔ wawu ɔ, maa mmeni pee hane kyɛ, “Wawu.”

Luka 4:35

Nakoso teateane ye kyɛ, “Mua wɔ noa, ná fi ye nu fite!” Na sunzummɔne ne tele ye fini bɛ nu berɛ, na otu fili ye nu, bɔ wanyɔ ye hwee ɔ.

Luka 8:29

Ofikyɛ né wahyɛ sunzummɔne ne kyɛ ofi biaa ne anu fite. (Mmerɛ pee né ɔte pe ye so a, begua ye ngɔnzɔngɔnzɔ bɛbɔ ye panwu bɛwɛne ye, nakoso ɔtetele bɔ bafa bakyekye ye ne anu, na sunzummɔne ne foa ye kɔ ɛserɛ so.)

Luka 9:38

Na yieee, biaa bie fili ɛlɔen ne anu teane nu kyɛ, “Kyerɛkyerɛniɛ, mesrɛ wɔ, nwu mma bienzua ye anwumvoin, na ɔte mma komapɛ.

Luka 9:40

Na nzrɛle w’asuafoɛ nemɔ kyɛ betu ye befi ye nu, nakoso bangora.”

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

1 Petro 5:8

Ɛ́mɔdwo ɛmɔ nwo ase, ɛ́mɔma ɛmɔ nye la berɛ; ofikyɛ ɛmɔ pɔfoɛ abɔnzam odi akɔneaba, opo kyɛ gyata, na ɔpena sona bɔ okonya ye kɔhye ye ɔ.

Nyekyire 9:11

Bele bɔ odi bɛ so hene, bɔ ye ole aseɛ bo dɔ kumaa kuronguronn nu abɔfo ne, bɔ ye dumaa li Abadɔn wɔ Hebri dwudwolɛ nu, yeɛ Hela dwudwolɛ nu koso oli Apolɔn.